मराठवाडा मुक्ती संग्राम दिन

युवा मंडळांनी साजरा करावा

नांदेड दि. 8 :- जिल्ह्यात मराठवाडा मुक्ती संग्राम दिन युवा मंडळांनी उत्साहात साजरा करावयाचा आहे. यानिमित्ताने ध्वजारोहण, मराठवाडा मुक्ती संग्रामात भाग घेतलेल्या स्वातंत्र्य सैनिकांचा सत्कार, स्वातंत्र्य सैनिकांचे स्मारक ठिकाणी स्वच्छता करणे, निबंध स्पर्धा, वक्तृत्व स्पर्धा, रांगोळी स्पर्धा घेऊन वृक्षारोपण, रक्तदान शिबिराचे आयोजन करावे. मराठवाडा मुक्ती संग्राम दिन उत्साहात युवकांनी आपल्या गावात साजरा करावा. त्याबाबत नेहरु युवा केंद्र नांदेड यांना अहवाल सादर करावा, असे आवाहन नेहरु युवा केंद्राचे जिल्हा युवा समन्वयक विनायक धंडे यांनी केले आहे.  

000000