अल्पसंख्यांक विद्यार्थ्यांच्या

शिष्यवृत्ती अर्जासाठी मुदतवाढ

 नांदेड दि. 8 :- स्वामी रामानंद तीर्थ मराठवाडा विद्यापीठ नांदेड, लातूर, परभणी व हिंगोली या जिल्ह्यातील शासकीय, अशासकीय, कनिष्ठ, वरिष्ठ, कला, वाणिज्य, विज्ञान अनुदानित, विनाअनुदानित, कायम विनाअनुदानीत महाविद्यालये, अध्यापक महाविद्यालये तसेच व्यवसायिक महाविद्यालयातील सन 2017-18 या शैक्षणिक वर्षात मुस्लीम, शीख, ख्रिश्चन, बौद्ध, पारसी व जैन या समाजातील विद्यार्थ्यांसाठी केंद्र सरकारची 100 टक्के पुरस्कृत अल्पसंख्यांक पोस्टमॅट्रिक शिष्यवृत्ती योजना राबविण्यात येत आहे. विद्यार्थ्यांना अल्पसंख्यांक पोस्टमॅट्रिक शिष्यवृत्ती नवीन मंजुरी व नुतनीकरणासाठी ऑनलाईन अर्ज करण्याची मुदत 30 सप्टेंबर 2017 पर्यंत वाढविण्यात आली आहे. संबंधीत महाविद्यालयांचे प्राचार्य व संस्थाप्रमुख यांनी महाविद्यालयातील अल्पसंख्यांक समाजातील विद्यार्थ्यांना ऑनलाईन अर्ज भरण्यासाठी योग्य प्रयत्न करावेत, असे आवाहन नांदेड विभागाचे उच्च शिक्षण सहसंचालक डॉ. मोहन खताळ यांनी केले आहे.   

0000000