शिष्यवृत्तीशी आधार क्रमांक जोडण्याचे  

समाज कल्याणचे आवाहन            

             नांदेड दि. 23 :- सामाजिक न्याय व विशेष सहाय्य विभागांतर्गत अनुसूचित जाती, विमुक्त जाती, भटक्या जमाती, विशेष मागासप्रवर्ग व इतर मागासवर्ग या प्रवर्गातील विद्यार्थ्यांसाठी शिष्यवृत्ती व शैक्षणिक शुल्क प्रतिपूर्ती योजना राबविण्यात येते. ही शिष्यवृत्ती व शैक्षणिक शूल्क प्रतिपुर्ती योजना सन 2010-11 पासून ऑनलाईन पध्दतीने कार्यान्वित आहे. या योजनेचा लाभ योग्य विद्यार्थ्यांपर्यत पोहचावा यासाठी विद्यार्थ्यांचा आधारकार्ड क्रमांक संकलीत करून तो योग्य असल्याची तपासून आधारकार्ड क्रमांक त्यांच्या शिष्यवृत्ती / शैक्षणिक शुल्क प्रतिपुर्ती योजनेशी संलग्न करावयाचा आहे. कार्यवाही एक महिन्याचा कार्यक्रम आखून पूर्ण करण्यात यावी, असे आवाहन सहाय्यक आयुक्त समाजकल्याण नांदेड यांनी केले आहे.