वृत्त क्रमांक 1293

जवाहर नवोदय विद्यालय प्रवेश चाचणी 

परीक्षा केंद्र परिसरात प्रतिबंधात्मक आदेश 

नांदेड दि. 11 डिसेंबर :- जवाहर नवोदय विद्यालय प्रवेश चाचणी परीक्षा 2025 जिल्ह्यातील 64 केंद्रावर शनिवार 13 डिसेंबर 2025 रोजी सकाळी 10 ते दुपारी 1.30 या वेळेत घेण्यात येणार आहे. भारतीय नागरिक सुरक्षा संहिता-2023 चे कलम 163 अन्वये या 64 परीक्षा केंद्रापासून 100 मिटरच्या परिसरात शनिवार 13 डिसेंबर 2025 रोजी सकाळी 8 ते रात्री 6 वाजेपर्यतच्या कालावधीत परीक्षार्थी व परीक्षेच्या कामाशी संबंधीत असलेले अधिकारी, कर्मचारी या व्यतिरीक्त इतर कोणत्याही व्यक्तीस प्रवेश करता येणार नाही असे आदेश पोलीस अधीक्षक अबिनाश कुमार यांनी निर्गमित केले आहे.

तसेच परीक्षेच्या कामाशी संबंधीत असलेले अधिकारी व कर्मचारी या व्यतिरिक्त इतर कोणत्याही व्यक्तीस कॅलक्युलेटर, ट्रान्झिस्टर, रेडिओ, लॅपटॉप इ. तत्सम साहित्य परीक्षा केंद्रापासून 100 मीटर परिसरात वापरण्यास व बाळगण्यास तसेच परीक्षा केंद्रात नेण्यास, त्याचप्रमाणे वर दर्शविलेल्या कालावधीत परीक्षा केंद्राच्या परिसरात 100 मीटर पर्यंतची सर्व सार्वजनिक टेलिफोन्स, एसटीडी, आयएसडी, भ्रमणध्वनी, फॅक्स, झेरॉक्स, पेजर आणि ध्वनिक्षेपक चालू ठेवण्यास प्रतिबंध केले आहे.

00000