जिल्हाधिकारी कार्यालयात 5 ऑगस्ट रोजी सैनिक दरबारचे आयोजन
नांदेड (जिमाका) दि. 2 :- महसूल व वन विभागातर्फे 1 ऑगस्ट 2023 पासून महसूल सप्ताह साजरा करण्यात येत आहे. या सप्ताहाअंतर्गत शनिवार 5 ऑगस्ट 2023 रोजी सकाळी 11 वा. जिल्हाधिकारी कार्यालयात ‘सैनिक हो तुमच्यासाठी’ या कार्यक्रमातर्गत सैनिक दरबारचे आयोजन करण्यात आले आहे.
जिल्ह्यातील कार्यरत सैनिक तथा माजी सैनिकांच्या महसूल व इतर विभागाशी संबंधित असलेल्या अडचणी सोडविण्यासाठी सैनिक दरबार कार्यक्रमाचे आयोजन करण्यात आले आहे. तरी जिल्ह्यातील सर्व कार्यरत सैनिक, माजी सैनिक व त्यांचे नातेवाईक यांनी त्यांच्या समस्या/अडचणी अधिकृत कागदपत्रांसोबत जिल्हा सैनिक कल्याण कार्यालय येथे एक दिवस अगोदर जमा करावेत. तसेच शनिवार 5 ऑगस्ट रोजी जिल्हाधिकारी कार्यालयात सकाळी 11 वा. उपस्थित राहावे, असे आवाहन जिल्हा सैनिक कल्याण अधिकारी नांदेड यांनी केले आहे.
00000
No comments:
Post a Comment