दारु दुकाने शुक्रवारी बंद 

नांदेड (जिमाका) दि. 17 :- जिल्ह्यात येत्या 18  मार्च रोजी धुलिवंदन उत्सव साजरा करण्यात येणार आहे. त्यानिमित्त जिल्ह्यात कायदा व सुव्यवस्थेचा प्रश्न उद्भवू नये यासाठी शुक्रवार 18 मार्च 2022 रोजी दारु दुकाने बंद ठेवण्याचे आदेश जिल्हाधिकारी डॉ. विपीन इटनकर यांनी निर्गमीत केले आहेत.   

जिल्ह्यात कायदा व सुव्यवस्थेचा प्रश्न उद्भवून अनुचित प्रकार घडू नये यासाठी जिल्ह्यात शांतता व सुव्यवस्था राखण्याच्यादृष्टिने मुंबई दारुबंदी कायदा 1949 चे कलम 142 (1) अन्वये जिल्हाधिकारी नांदेड यांनी शुक्रवार 18 मार्च रोजी धुलिवंदन निमित्त जिल्ह्यातील सर्व सीएल-3, एफएल-2, एफएल-3, सिएलएफएलटीओडी-3 व एफएल / बीआर-2 अनुज्ञप्त्या बंद ठेवण्याचे आदेश दिले आहेत. या आदेशाचा भंग करणाऱ्या अनुज्ञप्तीधारकाविरुद्ध दंडात्मक कार्यवाही करण्यात येईल याची नोंद घ्यावी, असेही आदेशात नमूद केले आहे.

0000