सार्वजनिक गणेशोत्सवानिमित्त

जिल्हादंडाधिकाऱ्यांच्या अतिरिक्त मार्गदर्शक सूचना 

नांदेड (जिमाका),दि.25:- गणेशोत्सव सण 2020 च्या अनुषंगाने शासनाने दिलेल्या सूचना, निर्देशानुसार जिल्हादंडाधिकारी यांनी 8 ऑगस्ट 2020 रोजी नांदेड जिल्ह्यात गणेशोत्सव सण साजरा करण्यासंबंधी 1 ते 12 सूचना व उपाययोजना निर्गमित केल्या होत्या. त्या सूचनामध्ये पुढीलप्रमाणे सूचनाचा समाविष्ठ करण्यात आला आहे.   

 

जिल्ह्यातील सर्व घरगुती व सार्वजनिक गणपतीचे विसर्जन शक्यतो स्थानिक स्वराज्य संस्थानी जसे, महानगरपालिका, नगरपालिका, नगरपंचायत व ग्रामपंचायत इत्यादींनी गणपती विसर्जनासाठी तयार केलेल्या कृत्रिम तलाव, हौदामध्ये विसर्जनासाठीच्या संकलन केंद्रातच गणेशमूर्ती सुपूर्द, जमा करण्यात यावेत.

 

सार्वजनिक गणेशमंडळाच्या ठिकाणी व मुर्ती संकलन केंद्राच्या ठिकाणी 50 वर्षावरील नागरिकांना व 10 वर्षाखालील मुलांना प्रवेश असणार नाही. त्याचप्रमाणे कोव्हीड -19 या रोगांचा प्रादुर्भाव रोखण्यासाठी शासनाने व जिल्हा प्रशासनाने वेळोवेळी  निर्गत केलेले आदेश, निर्देशाचे पालन करणे बंधनकारक राहील. या आदेशाची अंमलबजावनी करीत असताना सद्हेतुने केलेल्या कृत्यासाठी कुठल्याही अधिकारी व कर्मचारी यांचेवर विरुध्द कुठल्याही प्रकारची कायदेशीर कारवाई अथवा खटला दाखल करता येणार नाही, असेही आदेशात जिल्हादंडाधिकारी डॉ. विपीन इटनकर यांनी नमूद केले आहे.

0000