बॅडमिंटन हॉल खेळाडुसाठी उपलब्ध

नांदेड, दि. 22 :- तालुका क्रीडा संकुल समिती सिडको-नांदेड येथे बहुउद्देशीय इनडोअर हॉलचे बांधकाम करण्यात आले आहे. हा इनडोअर हॉल सिडको परिसर व ग्रामीण भागातील खेळाडू व जेष्ठ नागरिकांसाठी बॅडमिंटन खेळासाठी उपलब्ध करुन देण्यात आला आहे. संबंधीत खेळाडुंनी तालुका क्रीडा अधिकारी सिडको-नांदेड यांचेकडे नाव नोंदणी करावी, असे आवाहन तालुका क्रीडा अधिकारी एम. जे. सोनकांबळे  यांनी केले आहे.   

शालेय खेळाडुनी नोंदणी शुल्क 100 व मासीक शुल्क 200 रुपये आकारण्यात येणार असून इतर खेळाडू, सभासदांना नोंदणी शुल्क 250 व मासीक शुल्क 500 रुपये आकारण्यात येणार आहे. इच्छूक खेळाडू व नागरिकांनी तालुका क्रीडा अधिकारी कार्यालयातील क्रीडा मार्गदर्शक प्रा. डॉ. रमेश नांदेडकर व आनंद जोंधळे यांच्याकडे संपर्क साधावा, असे आवाहन तालुका क्रीडा अधिकारी  श्री. सोनकांबळे यांनी केले आहे.

000000