वडेपुरीत आरोग्य शिबीर संपन्न

नांदेड दि. 13 :- राष्ट्रीय असंसर्गजन्यरोग नियंत्रण कार्यक्रमांतर्गत जिल्हा रुग्णालयाच्यावतीने आज लोहा तालुक्यातील वडेपुरी येथील माता अन्नपुर्णादेवी मंदिरच्या द्वितीय  वर्धापन दिनानिमित्त आरोग्य शिबीर आयोजित करण्यात आले होते.

या शिबिरात 50 नागरिकांच्या आरोग्याची तपासणी करण्यात आली असून त्यात 4 पुरुष व 6 स्त्रियांना  उच्च रक्तदाब तसेच 4 पुरुष व 4 स्त्रियांना मधुमेह आढळून आला. या रुग्णांना  जिल्हा कार्यक्रम अधिकारी (एनसीडी) डॉ. दीपक हजारी यांनी जिल्हा रुग्णालयातील मोफत तपासणी व औषधोपचाराचा लाभ घेण्याचा सल्ला दिला.

000000