माहिती अधिकारी तोडकर यांना भावपूर्ण निरोप

नांदेड दि. 13 :- जिल्हा माहिती कार्यालय नांदेड येथील माहिती अधिकारी निशिकांत तोडकर यांची मुंबई मुख्यालयात बदली झाल्याने आज जिल्हा माहिती कार्यालयातील अधिकारी, कर्मचाऱ्यांच्यावतीने कौटुंबिक सोहळ्यात श्री. तोडकर यांना भावपूर्ण निरोप देण्यात आला. 

याप्रसंगी श्री. तोडकर यांचा जिल्हा माहिती अधिकारी दिलीप गवळी यांच्या हस्ते शाल, श्रीफळ, पुष्पगुच्छ व भेट वस्तू देऊन सत्कार करण्यात आला.

यावेळी जिल्हा माहिती अधिकारी श्री. गवळी म्हणाले की, शासकीय सेवेत बदली होत असते. वेगवेगळ्या ठिकाणी होणाऱ्या बदलीमुळे त्याभागातील चांगल्या गोष्टी शिकण्याबरोबर नवनवीन अनुभव मिळतात. त्यामुळे आपल्यामध्ये अधिक प्रगल्भता येते. कार्यालयीन कामकाजात श्री. तोडकर यांनी मोलाचे सहकार्य केल्याचे सांगुन त्यांना पुढील सेवेसाठी शुभेच्छा दिल्या. 

माहिती अधिकारी श्री. तोडकर म्हणाले की, सर्वांचे सहकार्यातून नांदेड येथे चांगले काम करता आले. याकाळात नांदेड जिल्ह्यातील विविध घडामोडींशी समरस होऊन काम करता आले. येथील अनेकविध घटकांकडून खूप काही शिकता आले, ही खूप मोठी शिदोरी आहे. 

यावेळी लिपीक सौ. अलका पाटील, के. आर. आरेवार, वाहन चालक म. युसूफ मौलाना, अंधार कोठडी सहाय्यक अंगली बालनरसय्या यांनी मनोगत व्यक्त केले व शुभेच्छा दिल्या.

00000