वृत्त क्रमांक  1112

मागासवर्गीय मुलीचे शासकीय वसतिगृह गांधीनगर नांदेड येथे पालक मेळावा संपन्न

नांदेड, दि. 17 ऑक्टोबर : महाराष्ट्र शासनाच्या सामाजिक न्याय विभागाअंतर्गत कार्यरत 125 मागासवर्गीय मुलीचे शासकीय वसतिगृह गांधीनगर नांदेड येथे गुरूवार 16 ऑक्टोबर रोजी पालक मेळावा घेण्यात आला. या पालक मेळाव्याचे उद्घाटन प्रमुख मार्गदर्शक प्रा. बाळासाहेब लोनवडे यांच्या हस्ते संपन्न झाले. 

कार्यक्रमास प्रमुख मार्गदर्शक म्हणून लाभलेले प्रा. बाळासाहेब लोनवडे यांनी अभ्यासामध्ये सातत्य ठेवा, करिअर कसे निवडावे, डिजिटल तंत्रज्ञानाचा वापर मर्यादित व उपयोगात्मक करून आपल्या आई-वडिलाचे स्वप्न पूर्ण करावीत यावर प्रकाश टाकला. श्रीमती एल. एस. गायके यांनी मुलीशी सवांद साधावा, त्यांना शेक्षणिक प्रगतीमध्ये प्रोत्साहन द्यावे यासह वसतिगृहामध्ये मिळणाऱ्या सोयी-सुविधांबाबत थोडक्यात माहिती दिली.

कार्यक्रमाचे दिपप्रज्वलन श्री नागेश व पालक प्रतिनिधी, वसतिगृहाच्या प्रभारी गृहपाल श्रीमती एल. एस. गायके यांच्या हस्ते पार पडले. कार्यक्रमाचे सूत्रसंचालन कु. धुर्पता गायकवाड या विद्यार्थीनीने केले तर आभार कु. सुषमा अस्वलमारे हिने मानले.  

0000