वृत्त क्रमांक  945

किनवट येथे 11 ऐवजी 10 सप्टेंबर रोजी आरटीओ कॅम्पचे आयोजन

नांदेड दि. 9 सप्टेंबर :- नांदेड जिल्ह्यात किनवट येथे 11 सप्टेंबर रोजी नियोजित एक दिवशीय शिबिर (आरटीओ कॅम्प) हा तांत्रिक अडचणीमुळे 11 ऐवजी 10 सप्टेंबर 2025 रोजी आयोजित करण्यात आला आहे. सर्व नागरिक, अनुज्ञप्तीधारक अर्जदारांनी यांची नोंद घ्यावी, असे आवाहन सहा. प्रादेशिक परिवहन अधिकारी आशिष दरगोडे यांनी केले आहे.

या शिबिरामध्ये ज्या अर्जदारानी पक्की अनुज्ञप्तीसाठी ॲपाईन्टमेन्ट घेतल्या आहेत, त्या सर्व अनुज्ञप्तीधारक अर्जदारानी व नागरिकांनी याची नोंद घ्यावी. बुधवार 10 सप्टेंबर रोजी किनवट येथे एक दिवशीय शिबिर (आरटीओ कॅम्प) आयोजित करण्यात आलेला आहे. सर्व नागरिकांनी, अनुज्ञप्तीधारक अर्जदारांनी आपली सर्व कामे 10 सप्टेंबर रोजी आयोजित कॅम्पमध्ये करुन घ्यावीत, असे सहा. प्रादेशिक परिवहन अधिकारी नांदेड यांनी प्रसिध्दीपत्रकाद्वारे कळविले आहे.

000000