वृत्त क्र. 1018

खर्च निरीक्षक यांच्या उपस्थितीत

निवडणूक खर्चाचे सोमवारी प्रशिक्षण

नांदेड, दि. 1 नोव्हेंबर : 16-नांदेड लोकसभा मतदारसंघ, 89-नायगाव विधानसभा मतदार संघातील उमेदवारांचे खर्च निरीक्षक यांच्या समक्ष निवडणूक खर्चाच्या अनुषंगाने प्रशिक्षणाचे आयोजन सोमवार 4 नोव्हेंबर 2024 रोजी सायंकाळी 4 वा. तहसील कार्यालय नायगाव येथे करण्यात आले आहे.

लोकप्रतिनिधीत्व अधिनियम 1951 च्या कलम 77 नुसार निवडणूकीच्या वेळेस प्रत्येक उमेदवार एकतर तो स्वतः, ती स्वत: किंवा त्याच्या/तिच्या निवडणूक प्रतिनिधीद्वारे त्याला/तिला नामनिर्देशित करण्यात आले आहे त्या दिनांकापासून निवडणुकीच्या निकाल लागण्याच्या दिनांकापर्यंत दोन्ही दिनांक धरुन, त्याने किंवा त्याच्या निवडणूक प्रतिनिधीने केलेला किंवा प्राधिकृत केलेल्या सर्व खर्चाचा स्वतंत्र व अचूक हिशेब ठेवणे आवश्यक आहे.

भारत निवडणूक आयोगाकडून वेळोवेळी निर्गमित केलेल्या परिपत्रकांनुसार विधानसभा सार्वत्रिक निवडणूक - 2024 च्याअनुषंगाने 89-नायगाव विधानसभा मतदार संघातील निवडणूक लढवणाऱ्या उमेदवारांना/त्यांच्या खर्च प्रतिनिधींना उमेदवारांच्या निवडणूक खर्चाबाबतच्या भारत निवडणूक आयोगाने निर्धारीत केलेल्या तरतूदी अवगत करुन देण्यासाठी खर्च निरीक्षक यांच्या उपस्थितीत सोमवार 4 नोव्हेंबर रोजी सायंकाळी 4 वा. तहसील कार्यालय नायगाव येथे प्रशिक्षण, बैठक आयोजित करण्यात आली आहे, असे निवडणूक निर्णय अधिकारी 89-नायगाव विधानसभा मतदारसंघ यांनी प्रसिद्धीपत्रकाद्वारे कळविले आहे.

0000