वृत्त क्र. 877

 तुर खरेदीसाठी ऑनलाईन नोंदणी करण्याचे आवाहन

नांदेड, (जिमाका) दि. 21 :-  नाफेडच्या वतीने पीएसएफ योजनेअंतर्गत हंगाम 2023-24 मध्ये बाजार भावाने तुर खरेदी करण्यासाठी पणन महासंघाच्या संस्थाकडून शेतकऱ्यांची ऑनलाईन नोंदणी सुरु झाली आहे. अर्धापूर, हदगाव, कासराळी, देगलूर येथील केंद्राना असे निर्देश देण्यात आले आहेत. नोंदणी करण्यासाठी शेतकऱ्यांना आधार कार्ड, अचुक बँक खाते आणि ऑनलाईन पिक पेरा असलेला सातबारा आवश्यक आहे. तरी या योजनेत जास्तीत जास्त शेतकऱ्यांनी नोंदणी करावी, असे आवाहन जिल्हा पणन अधिकारी राजेश हेमके यांनी केले आहे.  

0000