स्कूल बसेसची रविवारी तपासणी

नांदेड,दि. 9 :- प्रादेशिक परिवहन कार्यालयाच्यावतीने रविवार 14 जुलै 2019 रोजी नांदेड मौजे वाघी येथील ब्रेक टेस्ट ट्रॅक येथे स्कूल बसेसची तपासणी करण्यात येणार आहे. तपासणी न केलेल्या वाहनातून विद्यार्थ्यांची वाहतूक होत असल्यास संबंधीतांच्या विरोधात मोटार वाहन कायद्यानुसार कार्यवाही करण्यात येईल, असे प्रादेशिक परिवहन अधिकारी नांदेड यांनी कळविले आहे.  

जिल्हा रस्ता सुरक्षा समितीची बैठकीत जिल्हयातील सर्व शालेय विद्यार्थ्यांची वाहतूक करणाऱ्या स्कूल बसेसची तपासणी करण्याचे निर्देश जिल्हाधिकारी अरुण डोंगरे यांनी दिले आहेत. त्यानुसार रविवार 14 जुलै 2019 रोजी स्कूल बसचे वैद्य कागदपत्रांसह तपासणीसाठी उपस्थित रहावे. ज्या स्कुल बसेसचे योग्यता प्रमाणपत्र नुतनीकरणाची मुदत संपली असल्यास वेळ घेऊन तात्काळ योग्यता प्रमाणपत्र नुतनीकरण करुन घ्यावे. योग्यता प्रमाणपत्राची वैद्यता संपलेल्या वाहनातून विद्यार्थ्यांची वाहतूक करु नये. याबाबत जिल्हयातील सर्व स्कूल बस चालक, मालकांनी नोंद घ्यावी, असेही आवाहन प्रादेशिक परिवहन अधिकारी नांदेड यांनी केले आहे.

00000