शासकीय तंत्रनिकेतन येथे समुपदेशन कक्षाची स्थापना

 नांदेड दि. 15 :- दहावीनंतर अभियांत्रिकी पदविका प्रवेश मार्गदर्शनासाठी येथील शासकीय तंत्रनिकेतनमध्ये समुपदेशन कक्षाची स्थापना करण्यात आली आहे. ऑनलाईन प्रवेश नोंदणी, विविध शाखांची प्रवेश प्रक्रिया व उपलब्धता, भविष्यातील रोजगार संधी, विविध शिष्यवृत्तीच्या योजना, प्रवेशासाठी आवश्यक कागदपत्रे याबाबत तज्ज्ञ मार्गदर्शनाकडून माहिती विनामुल्य देण्यात येणार आहे.  

प्रवेश इच्छूक विद्यार्थी व त्यांच्या पालकांनी या संधीचा लाभ घ्यावा. अधिक माहितीसाठी समुपदेशन कक्ष, शासकीय तंत्रनिकेतन, बाबानगर नांदेड येथे भेट दयावी, असे आवाहन संस्थेचे प्राचार्य डॉ. जी. व्ही. गर्जे यांनी केले आहे.   

00000