वृत्त क्र. 632

मिनी ट्रॅक्टर व त्यांची उपसाधने पुरवठा योजनेच्या

अर्जात त्रुटीची पूर्तता करण्यासाठी 31 जुलैपर्यंत मुदतवाढ

नांदेड दि. 25 जुलै :-अनुसूचित व नवबौद्ध घटकांच्या स्वयंसहाय्यता बचत गटांना मिनी ट्रॅक्टर व त्यांची उपसाधने यांचा पुरवठा करणेबाबतची योजना शासनाने सुरु केली आहे. या योजनेच्या अटी व शर्ती निश्चित केलेल्या आहेत.

या योजनेचे प्रस्ताव सहाय्यक आयुक्त, समाज कल्याण नांदेड कार्यालयास प्राप्त झाले असून 17 जुलै 2024 रोजी त्रुटी पुर्ततेसाठी संबंधीत अर्जदाराच्या भ्रमणध्वनीवर 25 जुलै 2024 रोजीपर्यंत त्रुटी पूर्तता करण्याबाबत कळविण्यात आले होते.

परंतु विविध संघटनानी दिलेली तारीख पुन्हा वाढवून मिळणेबाबत या कार्यालयास विनंती केली आहे. त्यासाठी अनुसूचित व नवबौद्ध घटकांच्या स्वयंसहाय्यता बचतगटांना मिनी ट्रॅक्टर व त्यांची उपसाधने यांचा पुरवठा करणे या योजनेच्या अर्जात त्रुटीची पुर्तता करण्यासाठी विविध संघटनांच्या विनंतीनुसार 31 जुलै 2024 पर्यत मुदतवाढ देण्यात आली आहे. सदरची मुदतवाढ ही अंतिम असून यापुढे मुदतवाढ दिली जाणार नाही असे आवाहन समाज कल्याण विभागाचे सहाय्यक आयुक्त शिवानंद मिनगिरे यांनी केले आहे.

00000