दारु दुकाने मंगळवारी बंद

नांदेड, दि. 6 :- जिल्ह्यात येत्या 10 मार्च रोजी धुलिवंदन महोत्सव साजरा करण्यात येणार आहे. त्यानिमित्त जिल्ह्यात कायदा व सुव्यवस्थेचा प्रश्न उद्भवू नये यासाठी मंगळवार 10 मार्च रोजी दारु दुकाने बंद ठेवण्याचे आदेश जिल्हाधिकारी नांदेड यांनी निर्गमीत केले आहेत.  

जिल्ह्यात कायदा व सुव्यवस्थेचा प्रश्न उद्भवून अनुचित प्रकार घडू नये यासाठी जिल्ह्यात शांतता व सुव्यवस्था राखण्याच्यादृष्टिने मुंबई दारुबंदी कायदा 1949 चे कलम 142 (1) अन्वये जिल्हाधिकारी नांदेड यांनी मंगळवार 10 मार्च 2020 रोजी धुलिवंदन निमित्त जिल्ह्यातील सर्व सीएल-3, एफएल-4, एफएल-3, (परवाना कक्ष) एफएल/बीआर-2 व ताडी दुकाने टी डी-1 अनुज्ञप्त्या बंद ठेवण्याचे आदेश दिले आहेत.

या आदेशाचा भंग करणाऱ्या अनुज्ञप्तीधारकाविरुद्ध दंडात्मक कार्यवाही करण्यात येईल याची नोंद घ्यावी, असेही आदेशात नमूद केले आहे.

00000