विहिरीचे पुनर्भरण संकल्पना आणि

तंत्रज्ञान या विषयावर वेबिनार संपन्न

नांदेड, दि. 3 (जिमाका) :- भूजल सर्वेक्षण विकास यंत्रणेच्या सुवर्ण महोत्सवी वर्षे 2021 निमित्त विहिरीचे पुनर्भरण संकल्पना आणि तंत्रज्ञान या विषयावर वेबिनारचे आयोजन नुकतेच येथील भूजल सर्वेक्षण आणि विकास यंत्रणेच्यावतीने करण्यात आले होते, अशी माहिती भूजल सर्वेक्षण आणि विकास यंत्रणेचे वरिष्ठ भूवैज्ञानिक एस. बी. गायकवाड यांनी दिली.  

या व्याख्यानात भूजल पूनर्भरण विहीर व विंधन विहीर, छतावरील पाऊस पाणी संकलन व पूनर्भरण, नांदेड जिल्ह्याची संक्षिप्त माहिती व जलचक्र, पाणी तपासणी व पाणी गुणवत्ता, जलसंधारण उपाययोजना पारंपारिक व अपारंपारिक उपाययोजना, पाण्याचा ताळेबंद, पाणी टंचाई अहवाल, पाणी पुरवठा उद्भव सर्वेक्षण, भूजल मुल्यांकन व निरीक्षण विहीर व विंधन विहीर या विषयाचा समावेश होता. 

या वेबिनारमध्ये जिल्हा परिषदेचे उपमुख्य  कार्यकारी अधिकारी (रोहयो) व्ही. आर. पाटील, जिल्हा नेहरु युवा केंद्राचे जिल्हा युवा अधिकारी श्रीमती चंदा रावळकर, मानवधिकार स्वयंसेवी संस्थेचे ॲड विष्णु गोडबोले, जिल्ह्यातील सहाय्यक कार्यक्रम अधिकारी रोहयो, रोजगार सहाय्यक तसेच विद्यार्थी, नागरिकांनी सहभाग नोंदविला होता.

00000