कापुस, तुर पिकासाठी कृषि संदेश

नांदेड, दि. 8 :- कृषि उपविभागातील नांदेड, मुदखेड, अर्धापूर, लोहा, कंधार या  5 तालुक्यामध्ये तुर, कापुस पिकासाठी किड व रोग सर्वेक्षण या प्रकल्पांतर्गत काम सुरु आहे. शेतकऱ्यांना पिकावरील किडीपासून संरक्षणासाठी कृषि संदेश उपविभागीय कृषि अधिकारी नांदेड यांनी दिला आहे.

कापाशीवरील गुलाबी बोंडअळीच्या नियंत्रणासाठी फेनप्रोपॅथ्रीन 10 इसी 10 मिली प्रती 10 लिटर पाण्यात मिसळून फवारणी करावी. तसेच लाल्या नियंत्रणासाठी मॅग्नेशियम सल्फेट 1 टक्के फवारणी करावी. तुर शेंगा पोखरणाऱ्या अळीच्या नियंत्रणासाठी इमामेक्टीन बेंझोएट 5 एसजी 4 ग्रॅम प्रती 10 लिटर पाणी, इनएसई (निबोंळी तेल ) 5 टक्के फवारणी करावी, असे आवाहन नांदेडचे उपविभागीय कृषि अधिकारी डॉ. व्ही. व्ही. भरगंडे यांनी केले आहे.

000000