शेतकरी गटांनी प्रकल्प अहवाल सादर करावा  

नांदेड, दि. 8 :- जगातिक बँकेच्या अर्थ सहाय्यीत महाराष्ट्र स्पर्धाक्षम कृषि विकास प्रकल्प (MACP) अंतर्गत कृषी व्यावसायिकतेवर आधारित कृषी उद्योजकता विकास कार्यक्रम (ई.डी.पी) राबवण्यासाठी शेतकरी गट, शेतकरी उत्पादक कंपनी व वैयक्तीक उद्योजक शेतकरी गटामधील सदस्य यांच्याकडून प्रस्ताव मागविण्यात येत आहे. शनिवार 25 नोव्हेंबर 2017 पर्यंत प्रकल्प अहवाल संबंधीत तालुका कृषि अधिकारी कार्यालय, तालुका तंत्रज्ञान व्यवस्थापक यांच्याकडे सादर करावेत, असे आवाहन

यामध्ये काढणी पश्चात तंत्रज्ञान व्यवस्थापन धान्य व फळे विषयक प्रकल्प, मुल्यवर्धन व प्रक्रिया प्रतवारी व पणन संदर्भातील प्रकल्प, कृषि पणन विषयक प्रकल्प, कृषी मुल्यवर्धनासाठी यांत्रिकीकरण प्रकल्प अहवाल, कृषि व्यवसायाला प्रोत्साहन मिळण्यासाठीचे उपक्रम (ॲग्री क्लिनिक व ॲग्री बिझनेस सेंटर), शेतकरी गटाने, संघाने कृषी अवजारे सामूहिक भाडेतत्वावर देण्याचा व्यवसाय, बाजाराभिमुख सेंद्रिय कृषी उत्पादन, प्रतवारी व पणन याबाबत प्रोत्साहन देणारे प्रकल्पांचा समावेश आहे. नांदेड जिल्ह्यासाठी या योजनेत 2 प्रकल्पांचे उद्दीष्ट आहे यासाठी प्रस्ताव मागविण्यात येत आहेत.

प्रस्तावामधील उद्योजक उभारणीसाठी लागणारी मशीनरी, उपक्रम व बांधकाम ह्या बाबींनाच सहाय्य उपलब्ध आहे. एकूण प्रकल्पाच्या 50 टक्के किंवा जास्तीतजास्त 10 लाख रुपये अनुदान देण्यात येईल. यामध्ये मशीनरी, उपकरणे, बांधकाम इत्यादी बाबींचा समावेश असेल. सर्वसाधारणपणे एकूण प्रकल्पाच्या 40 टक्के बांधकाम व 60 टक्के मशिनरी उपकरणे, यासाठी अनुदान देता येईल. जमिन खरेदी याबाबी अर्थ सहाय्यासाठी गृहीत धरल्या जाणार नाहीत. प्रकल्प किमान 6 वर्षे यशस्वीपणे चालविणे बंधनकारक आहे. तसेच प्रकल्पाच्या अटी व शर्ती शेतकरी गटास, शेतकरी उत्पादक कंपनीस व वैयक्तीक उद्योजक शेतकरी गटामधील सदस्य यांना बंधनकारक राहतील. अधिक माहितीसाठी संपर्क क्र. 7588057855 कृषी तंत्रज्ञान व्यवस्थापन यंत्रणा, आत्मा कार्यालय नांदेड किंवा www.macp.gov.in या संकेतस्थळावर भेट द्या, असे आवाहन प्रकल्प संचालक, आत्मा, नांदेड यांनी केले आहे.