वृत्त क्रमांक 56

लोकशाही दिनाचे सोमवारी आयोजन  

नांदेड (जिमाका) दि. 3 :- सामान्य जनतेच्या तक्रारी, अडचणी ऐकून घेऊन त्या सोडविण्यासाठी राज्य शासनाच्यावतीने प्रत्येक महिन्याचा पहिला सोमवारी लोकशाही दिन आयोजित करण्यात येतो. लोकशाही दिन सोमवार 6 फेब्रुवारी 2023 दुपारी 1 ते 3 वाजेपर्यंत कॅबिनेट हॉल, नियोजन भवन, जिल्हाधिकारी कार्यालय नांदेड येथे लोकशाही दिन आयोजित केला आहे. 

 

या दिवशी महसूल, जिल्हा पोलिस अधीक्षक , मुख्य कार्यकारी अधिकारी जिल्हा परिषद,  पाटबंधारे विभाग, सार्वजनिक  बांधकाम, परिवहन, सहकार, कृषि विभागाचे जिल्हा स्तरावरील प्रमुख अधिकारी व जिल्हा पाणी पुरवठा समन्वय अधिकारी व ज्या कार्यालयाचे लोकशाही दिनात प्रलंबीत प्रकरणे आहेत असे अधिकारी उपस्थित राहतील. दुपारी 12 वाजेपासून निवेदनाची नोंदणी सुरु होणार आहे. त्यानंतर लगेचच प्राप्त झालेल्या अर्जावर, निवेदनावर म्हणणे ऐकून घेण्याच्या कामास सुरुवात करण्यात येईल. 

 

यासाठी अर्ज स्विकारण्याचे व न स्विकारण्याबाबतच्या निकषांचीही नागरिकांनी नोंद घ्यावी. अर्ज विहित नमुन्यात दोन प्रतीमध्ये असावा (नमुना प्रपत्र 1 ते 1 ड)  तक्रार किंवा निवेदन वैयक्तिक स्वरुपाची असावी. न्याय प्रविष्ट, राजस्व तसेच अपील, सेवाविषयक, आस्थापना विषयक तसेच विहीत नमुन्यात नसलेले अर्ज, अंतिम उत्तर दिलेले आहे किंवा देण्यात येणार असलेले अर्ज, तक्रार निवेदन वैयक्तीक स्वरुपाचे नसेल तर असे अर्ज स्विकारण्यात येणार नाहीत. अर्ज स्विकृतीसाठी विहीत नमुन्यात तसेच तक्रार व निवेदन वैयक्तीक स्वरुपाचेच असावे. अर्जदाराने विहीत नमुन्यात 15 दिवस अगोदर दोन प्रतींमध्ये जिल्हाधिकारी कार्यालय येथे अर्ज पाठविणे आवश्यक आहे. तालुकास्तरावर अर्ज दिल्यानंतर एक महिन्यानंतर जिल्हाधिकारी कार्यालय येथे लोकशाही दिनामध्ये अर्ज करता येणार आहे. लोकशाही दिनाच्या दिवशी प्राप्त होणाऱ्या जनतेच्या तक्रारी, अडचणी एकत्रीतरीत्या समजावून घेऊन त्या शक्य तितक्या लवकर सोडविण्यात येतील, अशी मााहिती जिल्हाधिकारी कार्यालय नांदेड यांनी दिली आहे.

00000

वृत्त क्रमांक 55

 जिल्ह्यातील 18 वय वर्षे पर्यंतच्या दहा लाख

मुला-मुलींची होणार आरोग्य तपासणी

 

·  जिल्हाधिकारी कार्यालयात आढावा बैठकीत नियोजन

 

नांदेड (जिमाका) दि. 3 :- शुन्य ते 18 वय वर्षे वयापर्यंतची बालके व किशोरवयीन मुला-मुलींच्या सर्वांगीण आरोग्य तपासणीसाठी जिल्हा प्रशासनातर्फे नियोजन करण्यात आले आहे. महाराष्ट्र शासनाने दिलेल्या निर्देशानुसार जिल्ह्यातील सुमारे 10 लाख मुला-मुलींची तपासणी होणार असून आरोग्य विभागासह, शिक्षण, वैद्यकिय महाविद्यालय, महिला व बालकल्याण, आयुर्वेदिक महाविद्यालय, मनपा, इंडियन मेडिकल असोसिएशन, पेडियाट्रिक्स असोसिएशन व इतर संबंधित विभागांची आज आढावा बैठक घेऊन नियोजन करण्यात आले. या बैठकीस जिल्हा शल्य चिकित्सक डॉ. निळकंठ भोसीकर, जिल्हा माता व बालसंगोपन अधिकारी डॉ. निना बोराडे, बालरोग विभाग प्रमुख डॉ. सलीम तांबे, डॉ. शिवशक्ती पवार, शिक्षणाधिकारी प्रशांत दिग्रसकर, डॉ. मनिष देशपांडे, डॉ. राजेश बुदे, डॉ. लोमटे, डॉ. दिपेश शर्मा आदी उपस्थित होते.   

 

या मोहिमेसाठी सुमारे 300 वैद्यकीय तपासणी पथक तयार करण्यात आले असून उपलब्ध मनुष्यबळ व जिल्ह्यातील आरोग्य सेवा-सुविधा यांचा यात अंर्तभाव करण्यात आला आहे. जिल्ह्यातील 317 उपकेंद्रे, 68 प्राथमिक आरोग्य केंद्र, 12 ग्रामीण रुग्णालय, 6 उपजिल्हा रुग्णालय, 3 जिल्हा रुग्णालय, वैद्यकीय महाविद्यालय, 15 प्राथमिक आरोग्य केंद्र याचबरोबर इंडियन मेडिकल असोसिएशन, पेडियाट्रिक्स असोसिएशन व इतर संस्थांचाही यात महत्त्वाचा सहभाग असणार आहे.

 

शासकीय व निमशासकीय शाळा, कनिष्ठ महाविद्यालय, खाजगी शाळा, आश्रमशाळा, दिव्यांग शाळा, अंगणवाड्या आदी ठिकाणावर विद्यार्थ्यांची तपासणी केली जाणार आहे. यात वजन, उंची, गरजेनुसार विद्यार्थ्यांचा रक्तदाब, नवजात बालकांमधील जन्मजात व्यंग, रक्तक्षय, डोळ्यांचे आजार, गलगंड, हृदयरोग, कुष्ठरोग, दंत विकार, कॅन्सर, अस्थमा, एपिलेप्सी, जन्मजात मोतिबिंदू, बहरेपणा, दुभंगलेले ओठ, डाऊन सिंड्रोम डिफेक्ट, न्युरल ट्युब डिफेक्ट अशा आजाराच्या संशयित रुग्णांना ओळखून त्वरित उपचारासाठी संदर्भीत केले जाणार असल्याची माहिती जिल्हा शल्य चिकित्सक डॉ. निळकंठ भोसीकर यांनी दिली.

 

तीनस्तरावर ही आरोग्य तपासणी केली जाणार असून यात ज्या मुलांना बाहेरच्या उपचारांची गरज अत्त्यावश्यक असेल अशा मुला-मुलींवर मेडिकल असोसिएशनचे तज्ज्ञ आपली सेवा उपलब्ध करून देणार आहेत. सर्व तपासणीमध्ये कुणाला उच्च स्तरीय उपचार शस्त्रक्रियेची आवश्यकता असेल तर अशा पालकांना करारबद्ध करण्यात आलेल्या खाजगी रुग्णालयांमध्ये संदर्भीत केले जाणार आहे.

 

“भविष्यात उग्र स्वरूप अथवा घातक ठरणाऱ्या आजारांवर वेळीच निदान करून उपचार करणे आवश्यक असते. असंख्यवेळा लहान मुले आपल्याला नेमके काय होते याबाबत कोणाशी बोलत नाहीत. त्यांच्या पालकांचेही बालकांच्या ज्या काही आरोग्य समस्या असतील त्याकडे वेळेवर लक्ष वेधले जाईल असे होत नाही. हे लक्षात घेता शासनाने निर्देश दिल्याप्रमाणे जिल्ह्यातील 18 वय वर्षे गटापर्यंतच्या सर्व मुलांची आरोग्य तपासणी जिल्ह्यात पूर्ण केली जाईल. ही प्राथमिक तपासणी जिल्ह्यात 7 हजार 727 शाळा व इतर ठिकाणी करून यातील तात्काळ उपचाराची गरज असलेल्या मुलांवर पुढील तपासण्या करून त्वरीत उपचार करून देऊ.” 

- जिल्हाधिकारी अभिजीत राऊत

 

 “अत्यंत महत्त्वपूर्ण व आवश्यक अशा या मोहिमेत इंडियन मेडिकल असोसिएशनला सहभाग घेण्याची मिळालेली संधी म्हणजे आम्ही आमचा सन्मान समजतो. शासकीय रुग्णालयांमध्ये या तपासणी मोहिमेतील बालकांना पुढील अत्यावश्यक तातडीने जे काही उपचार करावे लागले तर त्यासाठी आम्ही आमचा वेळ या कामांसाठी निश्चित देऊ.” 

- डॉ. मनिष देशपांडे, अध्यक्ष इंडियन मेडिकल असोसिएशन.

******* 

वृत्त क्रमांक 54

 महात्मा गांधी व्यसनमुक्ती योजनेसाठी अर्ज करण्याचे आवाहन 

नांदेड (जिमाका) दि. 2 :- महात्मा गांधी व्यसनमुक्ती सल्ला, उपचार, पुनवर्सन योजनेंतर्गत व्यसनमुक्ती क्षेत्रात बहुमुल्य काम करणाऱ्या स्वयंसेवी संस्थांना अनुदान देण्याबाबतची योजना सुरु करण्यात आली आहे. व्यसनमुक्ती क्षेत्रात बहुमुल्य काम करणाऱ्या स्वयंसेवी संस्थांनी त्यांचा प्रस्ताव व आवश्यक कागदपत्रे जिल्हा परिषदेचे जिल्हा समाज कल्याण अधिकारी यांच्या कार्यालयात शुक्रवार 10 फेब्रुवारी 2023  रोजी सायं. 5 पर्यंत सादर करावेत, असे आवाहन जिल्हा परिषदेचे जिल्हा समाज कल्याण अधिकारी सतेंद्र आऊलवार यांनी केले आहे.

 

या योजनेचा लाभ घेण्यासाठी अटी व शर्ती निश्चित करण्यात आलेल्या आहेत. त्याअनुषंगाने सामाजिक न्याय व विशेष सहाय्य विभागाचा 10 मार्च 2017 रोजीचा शासन निर्णय महाराष्ट्र शासनाच्या www.maharashtra.gov.in या संकेतस्थ्‍ळावर निरीक्षणासाठी उपलब्ध आहे. मुदतीनंतर प्राप्त होणाऱ्या अर्जांचा विचार केला जाणार नाही.  या योजनेकरिता नांदेड जिल्हयातील इच्छुक संस्थांनी जिल्हा समाज कल्याण अधिकारी, जिल्हा परिषद नांदेड या कार्यालयाशी संपर्क साधावा, असेही आवाहन समाज कल्याण अधिकारी सतेंद्र आऊलवार यांनी केले.  

00000

वृत्त क्रमांक 53

 अन्यथा त्या कृषि योजनांच्या लाभाधारकांऐवजी

प्रतिक्षा यादीतील इतर शेतकऱ्यांना देऊ लाभ 

डॉ. बाबासाहेब आंबेडकर कृषि स्वावलंबन योजना आणि बिरसामुंडा कृषिक्रांती योजनेसाठी जिल्हा परिषदेचे आवाहन    

नांदेड (जिमाका) दि. 2 :- आदिवासी शेतकऱ्यांना विकासाच्या प्रवाहात येता यावे यासाठी डॉ. बाबासाहेब आंबेडकर कृषि स्वावलंबन योजना आणि बिरसामुंडा कृषिक्रांती योजना (क्षेत्राबाहेरील व क्षेत्रांतर्गत) कार्यरत आहेत. यात असंख्य शेतकऱ्यांनी योजनेचा लाभ घेऊन प्रगती साध्य केली आहे. सन 2021-22 मधील महाडीबीटी पार्टलद्वारे जिल्ह्यातील एकुण 999 लाभार्थ्यांची निवड झाली आहे. तथापि त्यांना पोर्टलवर अर्जातील त्रुटींची पुर्तता पोर्टलवर करण्याबाबत सुचना देण्यात आलेल्या आहेत. या सुचना देऊनही अनेकांनी आपली पूर्तता केली नाही. 

ही बाब विचारात घेऊन ज्या शेतकऱ्यांना ऑनलाईन त्रुटी भरण्यासाठी अडचण येत असेल त्यांच्यासाठी त्या-त्या भागातील कृषि अधिकारी, विस्तार अधिकारी (कृषि) यांच्याशी संपर्क साधून आपले त्रुटी येत्या 8 दिवसात पुर्तता करण्याचे आवाहन जिल्हा परिषदेच्या कृषि विकास विभागाकडून करण्यात आले आहे. जे निवड झालेले लाभार्थी आपल्या त्रुटीची पूर्तता आठ दिवसात करणार नाहीत, असे निवड झालेले लाभार्थी इच्छूक नाहीत असे समजून त्यांची निवड रद्द केली जाईल व प्रतिक्षा यादीतील इतर शेतकऱ्यांना लाभ देण्यात येईल, असेही जिल्हा परिषदेचे कृषि विकास अधिकारी यांनी स्पष्ट केले आहे.

000000

वृत्त क्रमांक 52

 ते धनादेश हस्तांतरीत करतांना

कोर्ट जेंव्हा हळवे होते 

·  प्रमुख सत्र न्यायाधीश नागेश न्हावकर यांच्या हस्ते

त्या व्यक्तींच्या कुटुंबियांना धनादेश सुपूर्द    

नांदेड (जिमाका) दि. 2 :- कोविड-19 मुळे महामारीच्या काळात अनेकांनी आपले जीव पणाला लावत कर्तव्यात कसूर होऊ दिली नाही. यात न्यायालयीन कर्मचाऱ्यांनाही अधिक काटेकोर कर्तव्याचे पालन करावे लागले. यातील अनेकांना टाळेबंदीच्या काळात इतरांप्रमाणे कोविडच्या आजारातून जावे लागले तर काहींना आपला जीव यात गमवावा लागला. नांदेड येथील मुख्य न्यायदंडाधिकारी न्यायालत कार्यरत असलेले सहाय्यक अधिक्षक प्रल्हाद सोनटक्के व लघुलेखक सतीशकुमार कानेगांवकर यांना कोविडमुळे आपला जीव गमवावा लागला. 

टाळेबंदीच्या काळात अशा कर्तव्यतत्पर असलेल्या कर्मचाऱ्यांप्रती कृतज्ञता म्हणून शासनाने त्यांच्या वारस कुटूंबियांसाठी प्रत्येकी 50 लाख रुपये एवढे सानुग्रह अनुदान मंजूर केले. जिल्हा न्यायालयात आज कोविड मुळे जीव गमावलेल्या या दोन व्यक्तींच्या कुटुंबियांना हे मंजूर सानुग्रह अनुदानाचे धनादेश सुपूर्द करण्यात आले. अत्यंत हळव्या अशा या छोटेखानी कार्यक्रमात सर्वांच्या पापण्या ओलावल्या. नांदेड जिल्ह्याचे प्रमुख जिल्हा न्यायाधीश नागेश न्हावकर यांच्या हस्ते श्रीमती रेखा प्रल्हाद सोनटक्के आणि श्रीमती कल्पना सतीशकुमार कानेगांवकर यांना हे धनादेश सन्मानपूर्वक देण्यात आले. यावेळी प्रमुख जिल्हा न्यायाधीश नागेश न्हावकर यांनी दोन्ही कर्मचाऱ्यांप्रती कृतज्ञता व्यक्त करून त्यांच्या कुटुंबियांना धीर दिला. 

यावेळी जिल्हा न्यायाधीश-1 शशिकांत ए. बांगर, वरिष्ठस्तर दिवाणी न्यायाधीश श्रीमती अर्चना प्र. मांडवगडे आणि मुख्य न्याय दंडाधिकारी श्रीमती किर्ती प्र. जैन (देसरडा) यांची उपस्थिती होती. शासनाकडे सामुग्रह अनुदान मिळविण्यासाठी सतत पाठपुरवठा करून सामुग्रह अनुदानाची रक्कम मयत न्यायालयीन कर्मचाऱ्यांच्या वारसांना मिळवून देण्यासाठी जिल्हा न्यायालय, नांदेड आणि मुख्य न्यायदंडाधिकारी नांदेड येथील कर्मचाऱ्यांनी यासाठी परिश्रम घेतले.

00000    

वृत्त क्रमांक 51

 ई-पीक पाहणी अॅपद्वारे पीकपेरा

नोंदवण्‍यासाठी 15 फेब्रुवारी पर्यंत मुदतवाढ

 

नांदेड (जिमाका) दि. 1 :- मान्‍सून उशिरापर्यंत लांबल्‍यामुळे रब्‍बी हंगामाची उशिराने पीक पेरणी झाली. तसेच जिल्‍हा पातळीवरुन रब्‍बी हंगामात ई-पीक पेरा नोंदविण्‍यासाठी मुदतवाढ मिळावी अशी मागणी करण्‍यात आली होती. ही मागणी मान्‍य करून शासनाने मोबाईल अॅपद्वारे पीकपेरा नोंदणी करण्यास बुधवार 15 फेब्रुवारी 2023 पर्यंत मुदतवाढ दिली आहे. यापुर्वी रब्‍बी हंगाम 2022-23 मध्‍ये ई-पीक पाहणी नोंद करण्‍याची मुदत 31 जानेवारी 2023 पर्यंत देण्यात आली होती.

 

ज्‍या शेतकऱ्यांनी अद्याप ई-पीक पेरा नोंद केली नाही, अशा शेतकऱ्यांनी आपल्‍या‍कडील स्‍मार्टफोनद्वारे ई-पीक पाहणी नोंद करावी. यासाठी गावातील तलाठी, कृषी सहायक, पोलीस पाटील, रोजगार सेवक, स्‍वस्‍त धान्‍य दुकानदार, कोतवाल, शेतीमित्र, प्रगतीशील शेतकरी, आपले सरकार केंद्र चालक, संग्राम केंद्र चालक, कृषी महाविद्यालयातील विद्यार्थी, तरुण मंडळांचे प्रतिनिधी अशा स्‍वंयसेवकांचे सहकार्य घ्‍यावे.

 

पात्र शेतकऱ्यांना विविध शेती विकासाच्‍या योजनांचा लाभ सुलभतेने मिळणेस्‍तव,पीक कर्ज,पीक विमा नुकसान भरपाई ,नैसर्गिक आपत्‍ती काळात सुयोग्‍य शासकिय मदत मिळण्‍यासाठी ई-पीक पेरा नोंद गरजेची आहे.त्‍यामुळे अॅप द्वारे ई-पीक पाहणी नोंद करणे शिल्‍लक असलेल्‍या उर्वरीत सर्व शेतक-यांनी मोबाईल अॅपमध्‍ये अचूक पीक पेरा नोंद करावी असे आवाहन जिल्‍हा प्रशासनामार्फत करण्‍यात येत आहे.

0000

वृत्त क्रमांक 50

 क्षेत्रिय कार्यालय निहाय मंडप तपासणी पथक गठीत 

   

नांदेड (जिमाका) दि. 1 :- मा. उच्‍च न्‍यायालय मुंबई येथे उपस्थित जनहित याचिका क्र.173/2010 संदर्भात सार्वजनिक सण / उत्‍सव / समारंभ याप्रसंगी उभारण्‍यात येणाऱ्या मंडप, पेंडॉलच्‍या तपासणीच्‍या अनुषंगाने दिलेल्या आदेशानुसार नांदेड जिल्‍हयातंर्गत नांदेड वाघाळा शहर महानगरपालिका, नांदेड हद्दीमधील मंडप / पेंडॉल तपासणी करण्‍याबाबत पथके गठित करण्‍यात आलेले आहे. या तपासणी पथकाची माहिती पुढीलप्रमाणे आहे. 

 

पथक क्र. 1 क्षेत्रीय कार्यालय क्र. 1, कार्यक्षेत्र नांदेड वाघाळा शहर महानगरपालिका क्षेत्रीय कार्यालय क्र. 1 (तरोडा सांगवी) अंतर्गत संपुर्ण क्षेत्राअंतर्गत तपासणी पथक सदस्‍याचे नाव, पदनाम, कार्यालयीन दुरध्‍वनी क्रमांक, मोबाईल क्रमांक पुढीलप्रमाणे आहेत. क्षेत्रीय अधिकारी राजेश चव्‍हाण- 9595333181, पो.नि.पो.स्‍टे. विमानतळ नांदेड ए. एस. काकडे- 02462-221100, 9923131121, पो.नि.पो.स्‍टे. भाग्‍यनगर नांदेड सुधाकर आडे 02462-261364, 9552082544, प्र. कार्यालय अधीक्षक श्री. नितीन, श्री. संतोष जिंतुरकर 8888801958, प्र. वसुली पर्यवेक्षक साहेबराव ढगे 8888801975, प्र. वसुली पर्यवेक्षक विठ्ठल तिडके 8888801951, लिपीक राजरत्‍न जोंधळे 8208069193, स्‍वच्‍छता निरीक्षक आनंदा गायकवाड 9011027194, विश्‍वनाथ बी.कल्‍याणकर 9011000969,  श्रीमती प्रियंका यंगडे 8308847692 याप्रमाणे आहेत.

 

पथक क्र. 2 क्षेत्रीय कार्यालय क्र.2 कार्यक्षेत्र नांवाशमनपा क्षेत्रीय कार्यालय क्र.2 (अशोकनगर) अंतर्गत संपुर्ण क्षेत्रातर्गंत तपासणी पथकातील सदस्‍याचे नाव, पदनाम, कार्यालयीन दुरध्‍वनी क्रमांक, मोबाईल क्रमांक पुढीलप्रमाणे आहेत.  क्षेत्रीय अधिकारी मीर्झा फरहतउल्‍ला बेग 9011000950, पो.नि.पो.स्‍टे. भाग्‍यनगर नांदेड सुधाकर आडे 02462-261364, 9552082544, पो.नि.पो.स्‍टे. विमानतळ नांदेड ए. एस. काकडे 02462-221100, 9923131121, प्र.कार्यालय अधिक्षक राजेश जाधव (पाटील) 8888801953, प्र. कर निरीक्षक वसंत कल्‍याणकर 8888801943, रणजित पाटील 9011001005, परशुराम गाडे 8888801918, लिपीक विजय कुलकर्णी 7620879326, प्र.स्‍वच्‍छता निरीक्षक गणेश मुदीराज 8308847695, विजय वाघमारे 8669037443, शेख नईम शे.गफुर 9822202081, सतिश मुक्‍कपल्‍ले 7774977737 याप्रमाणे आहेत.

पथक क्र. 3 क्षेत्रीय कार्यालय क्र. 3 कार्यक्षेत्र नांवाशमनपा क्षेत्रीय कार्यालय क्र. 3 (शिवाजीनगर) अंतर्गत संपुर्ण क्षेत्रातर्गंत तपासणी पथकातील सदस्‍याचे नाव, पदनाम, कार्यालयीन दुरध्‍वनी क्रमांक, मोबाईल क्रमांक पुढीलप्रमाणे आहेत. प्र. सहा.आयुक्‍त रमेश चवरे 9011000994, पो.नि.पो.स्‍टे. शिवाजीनगर नांदेड नितीन काशिकर 02462-256520 / 9527988931, पो.नि.पो.स्‍टे. भाग्‍यनगर नांदेड सुधाकर आडे 02462-261364 / 9552082544, प्र.कार्यालय अधीक्षक राजेश कऱ्हाळे 9011000989, प्र.वसुली पर्यवेक्षक पुरुषोत्‍तम कमतगीकर 9970472524, मेघराज जोंधळे 8888801927,राहुलसिंह चौधरी 7558333322,.रामदास हांडे 9730344793, स्‍वच्‍छता निरीक्षक बालाजी देसाई 9970262853, राजेंद्र गंदमवार 9011000979, प्र.स्‍वच्‍छता निरीक्षक किशन तारु 8308847691 याप्रमाणे आहेत.

 

पथक क्र. 4 क्षेत्रीय कार्यालय क्र.4 कार्यक्षेत्र नांवाशमनपा क्षेत्रीय कार्यालय क्र.4 (वजिराबाद) अंतर्गत संपुर्ण क्षेत्रातर्गंत तपासणी पथकातील सदस्‍याचे नाव, पदनाम, कार्यालयीन दुरध्‍वनी क्रमांक, मोबाईल क्रमांक पुढीलप्रमाणे आहेत. क्षेत्रीय अधिकारी संजय जाधव 9011000939, पो.नि.पो.स्‍टे. वजिराबाद नांदेड जगदीश भंडरवार 02462-236500 / 9923696860, पो.नि.पो.स्‍टे.इतवारा नांदेड भगवान धबडगे 02462-236510 / 9552520363, प्र.कार्यालय अधिक्षक गौतम कवडे 9011000981, वसुली पर्यवेक्षक रमेश वाघमारे 8888801985, हरमींदर सिंघ सुखमनी 8830911273, अजहरअली जुल्‍फेकार अली 8888801988, लिपीक महेंद्र नागरे 7020154389, पुंडलीक मोरे 9822360258, स्‍वच्‍छता निरीक्षक संजय जगतकर 8380046629, एम.ए.समी 9011000978, रुपेश सरोदे 9823666374, मोहन लांडगे 9370373846 याप्रमाणे आहेत.

 

पथक क्र.5 क्षेत्रीय कार्यालय क्र. 5 कार्यक्षेत्र नांवाशमनपा क्षेत्रीय कार्यालय क्र. 5 (इतवारा) अंतर्गत संपुर्ण क्षेत्रातर्गंत तपासणी पथकातील सदस्‍याचे नाव, पदनाम, कार्यालयीन दुरध्‍वनी क्रमांक, मोबाईल क्रमांक पुढीलप्रमाणे आहेत. क्षेत्रीय अधिकारी रावण सोनसळे 8888801961, पो.नि.पो.स्‍टे.इतवारा नांदेड भगवान धबडगे 02462-236510/ 9552520363,अशोक घोरबांड पो.नि.पो.स्‍टे.नांदेड (ग्रा) 02462-226373 / 9823333377, प्र.कार्यालय अधीक्षक गोपाळ तोटावाड 9921986989, प्र. कर निरीक्षक अब्‍दुल हबीब अ.रशीद 8888801998, असीफ खान शेर खान प्र. कर निरीक्षक 8888847119, लिपीक गणेश कोंडावार 8087315765, प्र.स्‍वच्‍छता निरीक्षक दयानंद गोपाल कवले 9011000975, सय्यद जाफर स.नबी 8380046631, स्‍वच्‍छता स्‍वच्‍छता निरीक्षक अतिख अन्‍सारी 9011000973, प्र.स्‍वच्‍छता निरीक्षक विजेंद्र जोंधळे 8668351324 याप्रमाणे आहेत.

 

पथक क्र. 6 क्षेत्रीय कार्यालय क्र. 6 कार्यक्षेत्र नांवाशमनपा क्षेत्रीय कार्यालय क्र.6 (सिडको-वाघाळा) अंतर्गत संपुर्ण क्षेत्रातर्गंत तपासणी पथकातील सदस्‍याचे नाव, पदनाम, कार्यालयीन दुरध्‍वनी क्रमांक, मोबाईल क्रमांक पुढीलप्रमाणे आहेत. क्षेत्रीय अधिकारी डॉ.रईसोद्दीन 9011000940, पो.नि.पो.स्‍टे.नांदेड (ग्रा) अशोक घोरबांड 02462-226373 / 9823333377, प्र.कार्यालय अधिक्षक विलास गजभारे 9890327546, कर निरीक्षक सुदास थोरात 9561320880, कर निरीक्षक सुधीरसिंह बैस 7775956400, राहुल सोनसळे 8888801920, स्‍वच्‍छता निरीक्षक किशन वाघमारे 8888801992, स्‍वच्‍छता निरीक्षक अर्जुन बागडी 8888588067 अशी आहेत.

 

नागरीकांनी सार्वजनिक सण/उत्‍सव/समारंभ याप्रसंगी उभारण्‍यात येणा-या मंडप/ पेंडॉलच्‍या संदर्भात कोणतीही तक्रार असल्‍यास उपरोक्‍त विवरणपत्रामधील नमूद तपासणी पथक सदस्‍याशी संपर्क साधावा, असे जिल्हाधिकारी नांदेड यांनी कळविले आहे.

00000