जिल्ह्यातील 103 केंद्रावर कोविड-19 चे लसीकरण 

नांदेड (जिमाका) दि. 3 :- जिल्हा आरोग्य विभागातर्फे जिल्ह्यातील 103 लसीकरण केंद्रावर कोविड-19 चे लसीकरण व्हावे यादृष्टिने उपलब्ध लस सर्वत्र विभागून पाठविली आहे. यात 18 ते 44 वयोगटासह 45 वर्षावरील व्यक्तींना कोव्हॅक्सीन व कोविशील्ड लसीचा पहिला व दुसरा डोस उपलब्ध करुन दिला आहे. सोमवार 4 ऑक्टोंबर 2021 रोजी लसीकरण केंद्रावर उपलब्ध असलेली डोसची संख्या पुढीलप्रमाणे आहे. 

मनपा क्षेत्रातील श्री गुरु गोविंद जिल्हा रुग्णालय, डॉ. शंकरराव चव्हाण वैद्यकिय महाविद्यालय, शासकीय आयुर्वेदिक महाविद्यालय, स्त्री रुग्णालय, शहरी दवाखाना हैदरबाग, शिवाजीनगर, जंगमवाडी, दशमेश हॉस्पिटल, कौठा, श्रावस्तीनगर (विजयनगर), सिडको, पोर्णिमानगर, सांगवी, करबला, तरोडा, विनायकनगर, रेल्वे हॉस्पिटल, खडकपुरा, या 19 केंद्रावर प्रत्येकी 100 डोस कोव्हॅक्सीन व कोविशील्ड लसीचे उपलब्ध करुन दिले आहेत. 

शहरी भागात मोडणाऱ्या लसीकरण केंद्रावर उपलब्ध असलेले डोस पुढीलप्रमाणे आहेत. उपजिल्हा रुग्णालय देगलूर, हदगाव, गोकुंदा, मुखेड, ग्रामीण रुग्णालय भोकर, बिलोली, धर्माबाद, हिमायतनगर, कंधार, माहूर, मांडवी, लोहा, मुदखेड, बारड, नायगाव या 16 केंद्रावर कोव्हॅक्सीन व कोविशील्ड लसीचे प्रत्येकी 100 डोस उपलब्ध आहेत. तर ग्रामीण भागात 68 प्राथमिक आरोग्य केंद्रावर कोविशील्डचे प्रत्येकी 100 डोस देण्यात आले आहेत. 

वरील सर्व लसीकरण केंद्रावर 18 ते 44 वयोगटासह 45 वर्षावरील लाभार्थ्यांना कोविड-19 लसीचा पहिला व दुसरा डोस दिला जाणार आहे. यासाठी ऑनलाईन किंवा लसीकरण केंद्रावर नोंदणी करण्याची सुविधा उपलब्ध करुन दिली आहे. 

जिल्ह्यात 3 ऑक्टोंबर 2021 पर्यंत एकुण 15 लाख 42 हजार 646 लाभार्थ्यांचे लसीकरण करण्यात आले. नांदेड जिल्ह्यात कोविड लसींचासाठा पुढील प्रमाणे प्राप्त झालेला आहे. कोविशिल्डचे 13 लाख 11 हजार 30 डोस, कोव्हॅक्सीनचे 3 लाख 21 हजार 280 डोस याप्रमाणे एकुण 16 लाख 32 हजार 310 डोस प्राप्त झाले आहेत. 

केंद्र शासनाच्या सूचनेनुसार कोविशिल्ड लसीचा पहिला डोस ज्यांनी घेतला आहे त्यांच्या 12 ते 16 आठवडे म्हणजेच सुमारे 84 दिवसानंतर दुसरा डोस दिला जाईल. जिल्ह्यातील सर्व कार्यक्षेत्रामध्ये कोविशील्ड व कोव्हॅक्सीन लस 18 ते 44 वयोगटासाठी व 45 वर्षावरील वयोगटासाठी पहिला व दुसरा डोस उपलब्ध राहील. यासाठी ऑनलाईन व ऑनस्पॉट नोंदणीची सुविधा उपलब्ध राहिल. मनपा कार्यक्षेत्रातील लाभार्थ्यांना कोविशील्ड व कोव्हॅक्सीन लस घेण्यासाठी cowin.gov.in या वेबसाईटवर ऑनलाईन नोंदणी करणे अनिवार्य आहे. ऑनलाईन नोंदणी पूर्ण झाल्यानंतर लाभार्थ्यांचे संबंधित केंद्रावर लसीकरण करण्यात येईल. ऑनलाईन नोंदणीची वेळ सायंकाळी 6 पासून पुढे सुरु राहील. लसीचा उपलब्धतेप्रमाणे आरोग्य विभाग याचे नियोजन करेल. नागरिकांनी लसीच्या उपलब्धतेप्रमाणे आरोग्य विभागातील कर्मचाऱ्यांना सहकार्य करावे, असे आवाहन जिल्हा आरोग्य अधिकारी डॉ. बालाजी शिंदे यांनी केले.

00000

 

 

 

 नांदेड जिल्ह्यात 1 व्यक्ती कोरोना बाधित तर 2 कोरोना बाधित झाले बरे 

नांदेड (जिमाका) दि. 3 :- जिल्ह्यात आज प्राप्त झालेल्या 781 अहवालापैकी 1 अहवाल कोरोना बाधित आले आहेत. यात आरटीपीसीआर तपासणीद्वारे निरंक तर अँटिजेन तपासणीद्वारे 1 अहवाल बाधित आहेत. जिल्ह्यात आजवर एकुण बाधितांची संख्या 90 हजार 327 एवढी झाली असून यातील 87 हजार 659 रुग्णांना रुग्णालयातून सुट्टी देण्यात आलेली आहे. आजच्या घडीला 16 रुग्ण उपचार घेत असून 2 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे. 

जिल्ह्यात आतापर्यंत बाधित मृत रुग्णांची संख्या 2 हजार 652 एवढी आहे. आजच्या बाधितामध्ये अँटिजेन तपासणीद्वारे भोकर तालुक्यांतर्गत 1  बाधित आढळला आहे. 

आज जिल्ह्यातील 2 कोरोना बाधितांना औषधोपचारानंतर सुट्टी देण्यात आलेली आहे. यात मनपा अंतर्गत एनआरआय भवन गृह विलगीकरण 2 व्यक्तीला रुग्णालयातून सुट्टी देण्यात आली. 

आज 16 कोरोनाबाधित रुग्णांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी 5,  नांदेड मनपा अंतर्गत गृह विलगीकरण 10, नांदेड जिल्ह्यातील तालुक्यांतर्गत गृह विलगीकरण 1, व्यक्ती उपचार घेत आहेत.

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 7 लाख 35 हजार 210

एकुण निगेटिव्ह स्वॅब- 6 लाख 31 हजार 787

एकुण पॉझिटिव्ह बाधित व्यक्ती- 90 हजार 327

एकूण रुग्णालयातून सुट्टी दिलेली संख्या- 87 हजार 659

एकुण मृत्यू संख्या-2 हजार 652

उपचारानंतर बाधित रुग्ण बरे होण्याचे प्रमाण 97.4 टक्के

आज स्वॅब तपासणी अनिर्णीत संख्या-निरंक

आज स्वॅब नाकारण्यात आलेली संख्या-10

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती-16

आज रोजी अतिगंभीर प्रकृती असलेले-2

00000

 कायदेविषयक जनजागृतीपर कार्यक्रमाचे आयोजन 

नांदेड (जिमाका) दि. 3 :- राष्ट्रीय विधी सेवा प्राधिकरण व महाराष्ट्र राज्य विधी सेवा प्राधिकरण मुंबई यांच्या आदेशान्वये “आझादी का अमृत महोत्सव” व “विधी सेवा सप्ताहा”च्या अनुषंगाने कायदेविषयक जनजागृतीपर कार्यक्रमाचे आयोजन 2 ऑक्टोंबर ते 14 नोव्हेंबर 2021 पर्यत नांदेड जिल्हयात विविध ठिकाणी कार्यक्रमाचे आयोजन करण्यात येत आहे. या कार्यक्रमाचे उद्घाटन 2 ऑक्टोंबर रोजी जिल्हा विधी सेवा प्राधिकरणाच्यावतीने जिल्हा न्यायालय नांदेड येथे प्रमुख जिल्हा न्यायाधिश श्रीकांत आणेकर यांच्या हस्ते पार पडले. जिल्हयातील सर्व तालुका विधी सेवा समितीने कार्यक्रमाचे आयोजन केले होते. यावेळी रॅली काढून व पथनाटयाचे सादरीकरण करण्यात आले. 

यावेळी  जिल्हा न्यायाधीश-2 एस. ई. बांगर, जिल्हा सरकारी वकिल आशिष गोदमगावकर, अभिवक्ता संघाचे अध्यक्ष मिलिंद लाठकर, जिल्हा विधी सेवा प्राधिकरण सचिव राजेंद्र रोटे, मुख्यालयातील सर्व न्यायिक अधिकारी, पॅनल विधीज्ञ, विधी स्वयंसेवक, स्वामी रामानंद तिर्थ मराठवाडा विद्यापिठाच्या विभाग प्रमुख श्रीमती उशा सरोदे, डॉ. घनश्याम येळणे, एम. एस. डब्ल्यूचे विद्यार्थी उपस्थित होते. कार्यक्रमाची सुरुवात प्रमुख जिल्हा न्यायाधिश श्रीकांत आणेकर यांनी गांधीजीच्या प्रतिमेचे पूजन व दिपप्रज्वलन करुन करण्यात आली. प्रास्ताविक राजेंद्र रोटे यांनी केले तर सुत्रसंचालन रिटेनर लॉयर नय्युमखान पठाण यांनी केले. यावेळी स्वामी रामानंद तिर्थ मराठवाडा विद्यापीठाच्या एम एस डब्ल्यू शाखेच्या विद्यार्थ्यांनी कायदेविषयक विषयावर पथनाटय सादर केले. त्यानंतर जिल्हा न्यायालय नांदेड येथून रॅलीचे आयोजन करुन कार्यक्रमाची सांगता करण्यात आली.

0000000

 देगलूर विधानसभा  पोटनिवडणूकीसाठी

माध्यम प्रतिनिधींना प्राधिकार पत्रासाठी शिफारस पाठविण्याचे आवाहन

मुंबई, दि. 1 : विधानसभा सदस्य रावसाहेब जयंता अंतापूरकर  यांच्या निधनाने रिक्त झालेल्या जागेकरिता भारत निवडणूक आयोगाने ९०- देगलूर (अ.जा.) विधानसभा मतदारसंघाच्या एका जागेकरिता पोटनिवडणूकीचा कार्यक्रम जाहीर केला आहे. पोट निवडणूकीचे मतदान ३० ऑक्टोबर २०२१ (शनिवार ) रोजी व मतमोजणी २ नोव्हेंबर २०२१ (मंगळवार) रोजी होणार आहे. यासाठी प्रसिद्धी माध्यमांच्या प्रतिनिधींनी प्राधिकार पत्रांसाठी १३ ऑक्टोबर २०२१ पर्यंत शिफारस पत्रे माहिती व जनसंपर्क महासंचालनालय येथे सादर करावीत, असे आवाहन मुख्य निवडणूक अधिकारी यांनी प्रसिद्धी पत्रकाद्वारे केले आहे.

या निवडणूकीच्या मतदान, मतमोजणीचे वृत्तसंकलन आणि छायाचित्रण करण्याकरिता विविध प्रसिद्धी माध्यमांच्या प्रतिनिधींना भारत निवडणूक आयोगाची विहित प्राधिकारपत्रे प्रथम प्राप्त करणे आवश्यक आहे. प्रसिद्धी माध्यमांच्या प्रतिनिधींनी पोटनिवडणूकीच्या प्राधिकारपत्रांसाठी आपल नावे, पासपोर्ट आकाराचे छायाचित्र दोन प्रतींसह महासंचालक, माहिती व जनसंपर्क, महासंचालनालय, मंत्रालय, मुंबई येथे १३ ऑक्टोबर २०२१पर्यंत पर्यंत पाठवावीत.

प्रत्येक शिफारस पत्रासोबत पासपोर्ट आकाराची दोन छायाचित्र असणे आवश्यक आहे. एकाच व्यक्तीला  दोन्ही केंद्रात (मतदान व मतमोजणी ) प्रवेश हवा असल्यास तीन प्रतींसह सादर करावीत. छायाचित्रांच्या छायांकित प्रती स्विकारल्या जाणार नाहीत. प्राधिकारपत्रे द्यावयाच्या व्यक्तींची संख्या मर्यादित असावी अशी माहिती, मुख्य निवडणूक अधिकारी यांनी प्रसिद्धी पत्रकाद्वारे दिली आहे.

                  00000

 अन्न व्यावसायिकांना नोंदणी  प्रमाणपत्र घेण्यासाठी विशेष मोहिम 

नांदेड (जिमाका) दि. 28 : अन्न सुरक्षा व मानदे कायदा 2006 अंतर्गत अन्न व्यवसायिकांना परवाना नोंदणी प्रमाणपत्र घेण्याकरिता दिनांक 1 ते 7 ऑक्टोबर या कालावधीत विशेष मोहिम राबविण्यात येत असून  ऑनलाईन पध्दतीने www.foscos.fssai.gov.in या संकेतस्थळावर अर्ज करण्याचे आवाहन केले आहे.

कलम 31 नुसार अन्न व्यवसायिकांनी अन्नपदार्थ उत्पादक, वितरक, घाऊक व किरकोळ विक्रेते, हॉटेल रेस्टॉरंट, हातगाडी  विक्रेते, भाजी व फळे विक्रेते, ज्यूस  सेंटर, चिकन, मटन, अंडे विक्रेते, मिठाई विक्रेते, बेकरी व्यावसायिकांना व्यवसाय सुरु करण्यापूर्वी परवाना नोंदणी प्रमाणपत्र घेणे बंधनकारक आहे.सदर कायद्यानुसार विनापरवाना व्यवसाय करणे हा फौजदारी गुन्हा असून यामध्ये सहा महिने शिक्षा व 5 लाखापर्यंत दंड आहे. 2011 मध्ये नमूद असलेल्या परवाना अट क्रमांक 14 नुसार प्रत्येक अन्नपदार्थ उत्पादक, वितरक व आयातदार यांनी केवळ परवानाधारक/नोंदणी धारक अन्न व्यवसायाकडून अन्नपदार्थाची खरेदी करणे व परवाना व नोंदणी असलेल्या व्यावसायिकाकडून अन्नपदार्थाची विक्री करणे बंधनकारक आहे. सदर अटीचे उल्लंघन केल्यास कलम 58 नुसार दोन लाखापर्यंत दंड होवू शकतो. ज्या व्यावसायिकांचे वार्षिक उलाढाल 12 लाख रुपये पर्यंत आहे त्यांना परवाना घेणे बधनकारक आहे.जिल्ह्यातील सर्व व्यावसायिकांना तात्काळ परवाना/ नोंदणी करुन घेणे आवश्यक आहे. विनापरवाना व्यवसाय करताना आढळून आल्यास त्याच्याविरोधात कठोर कारवाई करण्यात येईल, असे आवाहन परवाना प्राधिकारी सहायक आयुक्त नारायण सरकटे यांनी केले  आहे.

*****

 गोदावरी नदीकाठच्या नागरिकांना सतर्कतेचा इशारा

नांदेड (जिमाका) दि. 28 :- विष्णुपूरी प्रकल्पातून सोडलेल्या विसर्गामुळे पाणी पातळीत झपाट्याने वाढ झाल्याने नदीकाठच्या पैनगंगा, पूर्णा, मांजरा या नदीकाठच्या गावातील सर्व नागरिकांना प्रशासनाकडून सतर्कतेचा इशारा देण्यात आला आहे.

विष्णपुरी प्रकल्पाच्या 10 दरव्याजातून 1,37,018 क्युसेक  विसर्ग सुरु आहे.  निम्न दुधना प्रकल्पातून  30,324 क्युसेक विसर्ग पूर्णा नदीपात्रात सुरु आहे. माजलगाव प्रकल्पातून 80,534 क्युसेक विसर्ग सुरु आहे. पूर्णा प्रकल्पाच्या येलदरी व सिद्धेश्वर  पाणलोट क्षेत्रात पूर्णा नदीत 23,300 क्युसेक  विसर्ग सुरु आहे. सिद्धेश्वर धरण परिसरात  मोठ्या प्रमाणात पाऊस झाल्याने पूर्णा ब्रीज जवळ 71,600 क्युसेक विसर्ग सुरु आहे. जुन्या पुलाजवळ पाणी पातळी 351.00 मी. एवढी आहे. इशारा पाणी पातळी 351.00 मी. तर धोका पातळी 354.00 मी. इतकी वाढली आहे. गोदावरी नदीतून विष्णुपूरी बंधाऱ्यात मागील प्रकल्पातून 3,00,000 क्युसेक विसर्ग टप्या टप्याने प्रवाहीत होणार आहे. त्यामुळे जुन्या पुलावरील धोक्याची पाणी पातळी 354.00 मी. ने वाढण्याची शक्यता आहे. इशारा पातळीचा विसर्ग 2,13,000 क्युसेक व धोका पातळीचा विसर्ग 3,09,774 क्युसेक आहे. 

उर्ध्व पैनगंगा धरण 100 टक्के भरल्याने धरणाचे पाणलोट क्षेत्रात पाऊस झाल्याने तेथील 11 दरवाजे उघडून 18,791 क्युसेक पाणी सोडण्यात आले आहे. अशी माहिती नांदेड पाटबंधारे विभागाचे अधीक्षक अभियंता बी.के.शेटे यांनी दिली आहे.

*****

 नांदेड जिल्ह्यात 2 व्यक्ती कोरोना बाधित तर 2 कोरोना बाधित झाले बरे

नांदेड (जिमाका) दि. 28 :- जिल्ह्यात आज प्राप्त झालेल्या 548 अहवालापैकी 2 अहवाल कोरोना बाधित आले आहेत. यात आरटीपीसीआर तपासणीद्वारे 2 तर अँटिजेन तपासणीद्वारे निरंक अहवाल बाधित आहेत. जिल्ह्यात आजवर एकुण बाधितांची संख्या 90 हजार 318 एवढी झाली असून यातील 87 हजार 652 रुग्णांना रुग्णालयातून सुट्टी देण्यात आलेली आहे. आजच्या घडीला 15 रुग्ण उपचार घेत असून 4 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे.

 

जिल्ह्यात आतापर्यंत बाधित मृत रुग्णांची संख्या 2 हजार 651 एवढी आहे. आजच्या बाधितामध्ये आरटीपीसीआर तपासणीद्वारे नांदेड ग्रामीण 1, उमरी 1 असे एकुण 2  बाधित आढळले.

 

आज जिल्ह्यातील 2 कोरोना बाधितांना औषधोपचारानंतर सुट्टी देण्यात आलेली आहे. यात माहूर तालुक्यांतर्गत 1, मनपा अंतर्गत एनआरआय भवन गृह विलगीकरण 1 व्यक्तीला रुग्णालयातून सुट्टी देण्यात आली.

 

आज 15 कोरोनाबाधित रुग्णांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी 5,  नांदेड मनपा अंतर्गत गृह विलगीकरण 8, नांदेड जिल्ह्यातील तालुक्यांतर्गत गृह विलगीकरण 2, व्यक्ती उपचार घेत आहेत.

  

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 7 लाख 31 हजार 642

एकुण निगेटिव्ह स्वॅब- 6 लाख 28 हजार 293

एकुण पॉझिटिव्ह बाधित व्यक्ती- 90 हजार 318

एकूण रुग्णालयातून सुट्टी दिलेली संख्या- 87 हजार 652

एकुण मृत्यू संख्या-2 हजार 651

उपचारानंतर बाधित रुग्ण बरे होण्याचे प्रमाण 97.4 टक्के

आज स्वॅब तपासणी अनिर्णीत संख्या-निरंक

आज स्वॅब नाकारण्यात आलेली संख्या-02

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती-15

आज रोजी अतिगंभीर प्रकृती असलेले-4

00000