वृत्त क्र. 1024 

उमेदवारांनी खर्चाचा स्वतंत्र व अचूक हिशाेब ठेवावा

#किनवट मतदारसंघातील उमेदवारांची #खर्च निरीक्षकासमोर बुधवारी प्रथम तपासणी

नांदेड दि. 4 नोव्हेंबर : विधानसभा मतदार संघातील उमेदवारांनी लोकप्रतिनिधीत्व अधिनियम, 1951 च्या कलम 77 नुसार निवडणुकीच्या वेळेस प्रत्येक उमेदवारांला निवडणूक प्रतिनिधीद्वारे त्याला किवा तीला नामनिर्देशित करण्यात आले आहे त्या दिनांकापासून निवडणुकीच्या निकाल लागण्याच्या दिनांकापर्यत दोन्ही दिनांक धरुन निवडणुक प्रतिनिधीने केलेला किंवा प्राधिकृत केलेल्या सर्व खर्चाचा स्वतंत्र व अचूक हिशाेब ठेवावा.

भारत निवडणूक आयोगाकडून वेळोवेळी निर्गमित केलेल्या परिपत्रकानुसार विधानसभा सार्वत्रिक निवडणूक-2024 च्या अनुषंगाने 83 किनवट मतदारसंघातील उमेदवारांच्या निवडणूक खर्चाची प्रथम तपासणी बुधवार 6 नोव्हेंबर 2024 रोजी सकाळी 10 ते 5 या कालावधीत खर्च निरीक्षकासमोर होणार आहे. ही तपासणी निवडणूक खर्च तपासणी कक्ष, आयटीआय किनवट येथे होणार असून या तपासणीसाठी उमेदवारांनी किंवा त्यांच्या प्रतिनिधींनी निवडणुकीच्या अनुषंगाने केलेल्या खर्चाचा हिशोब खर्च निरीक्षकासमोर सादर करणे आवश्यक आहे, असे 83 किनवट विधानसभा मतदारसंघाच्या निवडणूक निर्णय अधिकारी मेघना कावली यांनी प्रसिध्दीपत्रकाद्वारे कळविले आहे.

00000

#विधानसभानिवडणूक२०२४