जिल्हा रुग्णालयात तंबाखू मुक्त प्रतिज्ञा

नांदेड, दि. 27 :- राष्ट्रीय तंबाखू नियंत्रण कार्यक्रमांतर्गत तंबाखूजन्य पदार्थापासून होणाऱ्या दुष्परिणामाबाबत अवगत करून देणे व कोट्पा कायदा 2003 ची प्रभावी अंमलबजावणी करण्याच्या उद्देशाने जिल्हा रुग्णालय नांदेड येथे प्रजासत्ताक दिनानिमित्त अधिकारी, कर्मचाऱ्यांना तंबाखू मुक्त प्रतिज्ञा देण्यात  आली.

 यावेळी जिल्हा शल्यचिकित्सक डॉ. बी. पी. कदम व अतिरिक्त जिल्हा शल्य चिकित्सक डॉ. एच. आर. गुंटूरकर यांनी तंबाखू व तंबाखूजन्य पदार्थ सेवनाचे दुष्परिणामाबद्दल मार्गदर्शन केले. उपस्थितांनी तंबाखू सेवन न करण्याचा संकल्प करुन आजूबाजूचा परिसर तंबाखू मुक्त ठेवण्याची प्रतिज्ञा घेतली.

00000