प्रादेशिक परिवहन कार्यालयाच्यावतीने 

माहूर, हिमायतनगरला अनुज्ञप्ती चाचणी शिबिराचे आयोजन 

·   शिबिराला येतांना लसीकरण प्रमाणपत्र आवश्यक 

नांदेड (जिमाका) दि. 1 :-  प्रादेशिक परिवहन कार्यालयाच्यावतीने पक्के अनुज्ञप्ती चाचणी संबंधी शिबिराचे आयोजन हिमायतनगर येथे 21 डिसेंबर तर माहूर येथे 23 डिसेंबर रोजी करण्यात येणार आहे. तसेच प्रादेशिक परिवहन कार्यालयात 11 व 18 डिसेंबर रोजी कार्यालयीन शिबिराचे आयोजन करण्यात आले आहे. या शिबिराच्या दिवशी स्थानिक सुट्टी जाहीर झाल्यास अथवा आपत्कालीन परस्थिती निर्माण झाल्यास शिबिराच्या तारखेत बदल होवू शकतो. अर्जदारांनी  उपलब्ध अपॉइंटमेंट घेऊन कोरोना लस घेतल्याचे प्रमाणपत्रासह या शिबिरास उपस्थित राहावे, असे आवाहन प्रादेशिक परिवहन अधिकारी नांदेड यांनी केले आहे.

000000