स्पर्धा परीक्षा मार्गदर्शन शिबिरात

शनिवारी सचिन ढवळे यांचे व्याख्यान

            नांदेड दि. 2 :- स्पर्धा परीक्षेची तयारी करणाऱ्या विद्यार्थ्यांसाठी जिल्हाधिकारी कार्यालय सेतू समिती, नांदेड मनपा, जिल्हा ग्रंथालय कार्यालयाच्यावतीने "उज्ज्वल नांदेड" माेहिमेंतर्गत शनिवार 5 मे 2018 रोजी सकाळी 9.30 ते सायं 5 वाजेपर्यंत स्पर्धा परीक्षा मार्गदर्शन शिबिराचे आयोजन जिल्हाधिकारी अरुण डोंगरे यांचे अध्यक्षतेखाली करण्यात आले आहे. यामध्ये डॉ. शंकरराव चव्हाण प्रेक्षागृह नांदेड येथे गणित व बुद्धिमता या विषयावर पुणे येथील सचिन ढवळे हे विद्यार्थ्यांना मार्गदर्शन करणार आहेत.   

यावेळी अप्पर जिल्हाधिकारी संतोष पाटील, निवासी उपजिल्हाधिकारी जयराज कारभारी यांची प्रमुख उपस्थिती राहणार आहे. स्पर्धा परीक्षेची तयारी करणाऱ्या विद्यार्थ्यांनी या शिबिरास उपस्थित रहावे, असे आवाहन संयोजकाच्यावतीने करण्यात आले आहे.

00000000