नांदेड जिल्ह्यात 2 व्यक्ती कोरोना बाधित

तर एक कोरोना बाधित झाला बरा

 

नांदेड (जिमाका) दि. 29 :- जिल्ह्यात आज प्राप्त झालेल्या 684 अहवालापैकी 2 अहवाल कोरोना बाधित आला आहे. यात आरटीपीसीआर तपासणीद्वारे 2 तर अँटिजेन तपासणीद्वारे निरंक अहवाल बाधित आहेत. जिल्ह्यात आजवर एकुण बाधितांची संख्या 90 हजार 547 एवढी झाली असून यातील 87 हजार 872 रुग्णांना रुग्णालयातून सुट्टी देण्यात आलेली आहे. आजच्या घडीला 20 रुग्ण उपचार घेत असून 2 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे.

 

जिल्ह्यात आतापर्यंत बाधित मृत रुग्णांची संख्या 2 हजार 655 एवढी आहे. आजच्या बाधितांमध्ये आरटीपीसीआर तपासणीद्वारे नांदेड मनपा 1 व मुखेड तालुक्यातंर्गत 1 असे एकुण 2 बाधित आढळले आहे. आज जिल्ह्यात खाजगी रुग्णालयातील एका कोरोना बाधिताला औषधोपचारानंतर सुट्टी देण्यात आली.  आज 20 कोरोनाबाधित रुग्णांवर औषधोपचार सुरु आहेत. यात शासकीय वैद्यकिय महाविद्यालय विष्णुपूरी 2, नांदेड मनपा अंतर्गत गृहविलगीकरण 14, खाजगी रुग्णालय 4 अशा एकुण 20 व्यक्ती उपचार घेत आहेत.

  

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 7 लाख 95 हजार 320

एकुण निगेटिव्ह स्वॅब- 6 लाख 91 हजार 227

एकुण पॉझिटिव्ह बाधित व्यक्ती- 90 हजार 547

एकूण रुग्णालयातून सुट्टी दिलेली संख्या- 87 हजार 872

एकुण मृत्यू संख्या-2 हजार 655

उपचारानंतर बाधित रुग्ण बरे होण्याचे प्रमाण 97.4 टक्के

आज स्वॅब तपासणी अनिर्णीत संख्या-निरंक

आज स्वॅब नाकारण्यात आलेली संख्या-01

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती-20

आज रोजी अतिगंभीर प्रकृती असलेले-2

 

कोविड विषाणू विरुद्धची लस सुरक्षित असून कोरोनाची लाट पुनः येण्यापासून प्रतिबंध करण्यासाठी कोविड-19 लसीकरण दिर्घकाळ आणि प्रभावी उपाय आहे. “मिशन कवच कुंडल” अंतर्गत 18 वर्षावरील सर्व व्यक्तींनी कोविड लसीकरण करून घ्यावे आणि इतरांनाही लस घेण्यासाठी प्रोत्साहित करावे. ज्या नागरिकांनी कोविडच्या पहिल्या लसीचा डोस घेतला आहे त्यांनी ठराविक कालावधी नंतर दुसऱ्या लसीचा डोस आवश्य घ्यावा, असेही आवाहन करण्यात आले आहे.

00000

Attachments area

 श्री खंडोबा माळेगाव यात्रेनिमित्त पोलीस अंमलदारांना अधिकार प्रदान

नांदेड (जिमाका) दि. 29 :- माळेगाव येथील खंडोबा यात्रेतील पालखी मिरवणूक व इतर कार्यक्रम शांततेत पार पडावे. त्यात कसल्याही प्रकारची बाधा येऊ नये व शांतता रहावी म्हणून पोलीस अधीक्षक प्रमोद शेवाळे यांनी मुंबई पोलीस कायदा 1951 कलम 36 अन्वये प्राप्त अधिकारान्वये 31 डिसेंबर च्या मध्यरात्रीपासून ते 6 जानेवारी 2022 च्या मध्यरात्री पर्यंत कंधारचे उपविभागीय पोलीस अधिकारी मारोती थोरात व माळाकोळीचे सहा. पोलीस निरीक्षक माणिक डोके यांना महाराष्ट्र पोलीस अधिनियम 1951 कलम 36 मधील पोट कलम अ ते फ प्रमाणे पुढील अधिकार प्रदान केले आहेत. 

श्री खंडोबा यात्रेत महाराष्ट्र, तेलंगणा, आंध्रप्रदेश, कर्नाटक, इतर राज्यातून भाविकांची दर्शनासाठी व यात्रेसाठी मोठ्या प्रमाणात गर्दी होते. त्याअनुषंगाने रस्त्यावरील व रस्त्याने जाणाऱ्या मिरवणुकीतील किंवा जमावातील लोकांनी कशा रितीने चालावे व कोणत्या रितीने वागावे हे फर्मविण्यासाठी. अशा कोणत्याही मिरवणुका कोणत्या मार्गाने आणि कोणत्या वेळात काढाव्यात किंवा काढू नयेत असे मार्ग अशा वेळा विहित करण्याबद्दल. सर्व मिरवणुकीच्या व जमावाच्या प्रसंगी व पुजा-अर्चेच्या प्रार्थना स्थळाच्या सर्व जागेच्या आसपास पुजा-अर्चेच्या वेळी कोणताही रस्ता किंवा सार्वजनिक जागा येथे गर्दी होणार असेल किंवा अडथळे होण्याचा संभव असेल अशा सर्व बाबतीत अडथळा होऊ न देण्याबद्दल. सर्व रस्त्यांवर किंवा रस्त्यांमध्ये, घाटांत किंवा घाटांवर, सर्व धक्क्यांवर व धक्क्यांमध्ये आणि सार्वजनिक स्नानाच्या, कपडे धुण्याच्या व उतरण्याच्या जागांच्या ठिकाणी व जागांमध्ये, जत्रा, देवालये आणि सार्वजनिक स्थळी किंवा लोकांच्या जाण्या-येण्याच्या जागेमध्ये सुव्यवस्था राखण्याबाद्दल. तसेच सार्वजनिक ठिकाणी अथवा सार्वजनिक करमणुकीच्या ठिकाणी ध्वनीक्षेपकांच्या आवाजावर नियंत्रण ठेवण्यासाठी व सुचना देण्यासंबंधी. महाराष्ट्र पोलीस अधिनियम 1951 चे कलम 33, 35 ते 40, 42, 43, 45 या अन्वये दिलेल्या कोणत्याही आदेशास अधीन असलेले व त्यास पुष्टी देणारे सुव्यवस्था राखणेकामी योग्य आदेश देण्याबाबत. 

कोणीही इसमांनी हा आदेश लागू असे पर्यंत नांदेड जिल्ह्यातील कंधार येथील उपविभागीय पोलीस अधिकारी मारोती थोरात व माळाकोळीचे सहा. पोलीस निरीक्षक माणिक डोके यांचेकडून रहदारीचे नियम व मार्गाबाबत सुचना कार्यक्रमाची तारीख, वेळ, जाहीरसभा, मोर्चे, मिरवणूक, निदर्शने, पदयात्रा इत्यादी कार्यक्रम संबंधीत पोलीस फौजदार किंवा वरिष्ठ अधिकारी यांनी दिलेल्या आदेशाचे पालन करावे. परवानगी दिलेल्या जाहिर सभा/मिरवणूका/पदयात्रा यात समयोजित घोषणा सोडून किंवा ज्या घोषणांनी शांतता व सुव्यवस्थेला बाधा होऊ शकते अशा घोषणा देऊ नये. हा आदेश लग्नाच्या ठिकाणी, प्रेत यात्रेस लागू नाही. या आदेशाचे उल्लंघन केल्यास मुंबई कायदा कलम 134 प्रमाणे अपराधास पात्र ठरेल, असे आदेशही पोलीस अधीक्षक प्रमोद शेवाळे यांनी जारी केले आहेत.

00000

नांदेड जिल्ह्यात 2 कोरोना बाधित झाले बरे 

नांदेड (जिमाका) दि. 28 :- जिल्ह्यात आज प्राप्त झालेल्या 468 अहवालापैकी एकही कोरोना बाधित आढळला नाही. जिल्ह्यात आजवर एकुण बाधितांची संख्या 90 हजार 545 एवढी आहे. यातील 87 हजार 871 रुग्णांना रुग्णालयातून सुट्टी देण्यात आलेली आहे. आजच्या घडीला 19 रुग्ण उपचार घेत असून 2 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे. 

जिल्ह्यात आतापर्यंत बाधित मृत रुग्णांची संख्या 2 हजार 655 एवढी आहे. आज नांदेड मनपा अंतर्गत गृह विलगीकरणातील 2 कोरोना बाधितांना औषधोपचारानंतर सुट्टी देण्यात आलेली आहे.   

आज 19 कोरोनाबाधित रुग्णांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी 2, नांदेड मनपा अंतर्गत गृह विलगीकरण 12 व खाजगी रुग्णालयातील 5 व्यक्ती उपचार घेत आहेत.  

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 7 लाख 94 हजार 636

एकुण निगेटिव्ह स्वॅब- 6 लाख 90 हजार 546

एकुण पॉझिटिव्ह बाधित व्यक्ती- 90 हजार 545

एकूण रुग्णालयातून सुट्टी दिलेली संख्या- 87 हजार 871

एकुण मृत्यू संख्या-2 हजार 655

उपचारानंतर बाधित रुग्ण बरे होण्याचे प्रमाण 97.4 टक्के

आज स्वॅब तपासणी अनिर्णीत संख्या-निरंक

आज स्वॅब नाकारण्यात आलेली संख्या-05

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती-19

आज रोजी अतिगंभीर प्रकृती असलेले-2 

कोविड विषाणू विरुद्धची लस सुरक्षित असून कोरोनाची लाट पुनः येण्यापासून प्रतिबंध करण्यासाठी कोविड-19 लसीकरण दिर्घकाळ आणि प्रभावी उपाय आहे. “मिशन कवच कुंडल” अंतर्गत 18 वर्षावरील सर्व व्यक्तींनी कोविड लसीकरण करून घ्यावे आणि इतरांनाही लस घेण्यासाठी प्रोत्साहित करावे. ज्या नागरिकांनी कोविडच्या पहिल्या लसीचा डोस घेतला आहे त्यांनी ठराविक कालावधी नंतर दुसऱ्या लसीचा डोस आवश्य घ्यावा, असेही आवाहन करण्यात आले आहे.

00000

 

 अतिरिक्त मालाची वाहतूक केल्यास  

तडजोड शुल्क आकारण्यास मान्यता 

नांदेड (जिमाका) दि. 28 :- अतिरिक्त वजनाच्या मालाची वाहतूक करणाऱ्या परवानाधारकांवर विभागीय कारवाईबाबत राज्य परिवहन प्राधिकरणाने पारीत केलेला ठराव रद्द करण्यास व केवळ महाराष्ट्र शासनाच्या अधिसूचनेनुसार निश्चित केलेले तडजोड शुल्क आकारण्यास राज्य परिवहन प्राधिकरणाने मान्यता दिली आहे, असे प्रादेशिक परिवहन अधिकारी नांदेड यांनी कळविले आहे.

0000

 अर्धापूर नगरपंचायत आरक्षण

अंतिम अधिसूचना प्रसिद्ध 

नांदेड (जिमाका) दि. 28 :- अर्धापूर नगरपंचायतच्या सदस्य पदांच्या ना.मा.प्र. व ना.मा.प्र. महिला आरक्षणाच्या ऐवजी सर्वसाधारण प्रवर्गातील महिलांच्या जागा राखून ठेवून ते प्रभाग निर्दीष्ट केले आहेत. राज्य निवडणूक आयोगाच्या आदेशान्वये व महाराष्ट्र नगरपरिषद, नगरपंचायती व औद्योगिक नगरी अधिनियम 1965 चे कलम 10 पोटकलम (1) अन्वये प्राप्त अधिकाराचा वापर करून जिल्हाधिकारी डॉ. विपीन इटनकर यांनी याबाबत आदेश निर्गमीत केले आहेत. 

मूलत: नागरिकांच्या मागासवर्ग प्रवर्गाच्या आरक्षित असलेल्या ज्या जागा सर्वसाधारण प्रवर्गाच्या होतील त्या जागांपैकी सर्वसाधारण महिलांसाठी आरक्षित ठेवावयाच्या जागा निश्चित केल्या आहेत. निवडावयाच्या 4 सभासदांच्या संख्येपैकी सर्वसाधारण स्त्रियांसाठी 2 तर अनारक्षितसाठी 2 जागा आहेत. अनुसूची प्रमाणे आरक्षण स्थिती प्रभाग क्र. 1 व 9 सर्वसाधारण महिला तर प्रभाग क्र. 7 व 16 सर्वसाधारण याप्रमाणे आरक्षण स्थिती आहे.

000000

सुधारित वृत्त -

नाळेश्‍वर-सुगाव-हस्‍सापुर-नांदेड रस्त्यावरील

वाहतुकीस 29 एप्रिल पर्यंत प्रतिबंध

नांदेड (जिमाका) दि. 29 :- राज्‍य मार्ग 61 नाळेश्‍वर सुगाव हस्‍सापुर नांदेड रस्‍त्‍यावरील प्रमुख जिल्‍हा मार्ग- 84 किमी 0/400 येथील काम सुरु करण्यात येणार आहे. या मार्गावरुन जाणाऱ्या सर्व प्रकारच्‍या वाहतुकीस दिनांक 29 एप्रिल 2022 पर्यंत प्रतिबंध केले आहे. या रस्त्यावरील वाहनास पर्यायी मार्ग म्हणून जड वाहनांसाठी पश्चिम वळन रस्‍ता श्री खंडेराव होळकर चौक येथून असर्जन मार्गे नांदेड व नाळेश्‍वर कडे ये-जा करतील. तर दुचाकी, हलके वाहनांसाठी ग्रामीण मार्ग-70  वरुन नोबेल कॉलनी मार्गे नांदेड व नाळेश्‍वर कडे ये-जा करतील. मोटार वाहन  कायदा 1988  चे कलम 115 मधील  तरतुदीनुसार जिल्हादंडाधिकारी डॉ. विपीन इटनकर यांनी याबाबत अधिसूचना निर्गमीत केली आहे.

000000

 

जुन्या खाजगी वाहनांची पुर्ननोंदणी आवश्यक 

·         प्रादेशिक परिवहन विभागाकडून वाहनाची तपासणी 

नांदेड (जिमाका) दि. 28 :- कर न भरता वाहन रस्त्यावर तपासणीमध्ये आढळून आल्यास वाहन परिवहन कार्यालयात अटकावून ठेवण्यात येणार आहे. ज्या खाजगी वाहनांची नोंदणी संपली आहे (15 वर्ष पूर्ण झाली) आहेत, अशा वाहनांची त्वरीत पुर्ननोंदणीसाठी प्रादेशिक परिवहन कार्यालय, एमआयडीसी, सिडको, नांदेड येथे करावी. येत्या 1 जानेवारी 2022 पासून जिल्हयातील 16 तालुक्यांमध्ये व्यापक प्रमाणात वाहन तपासणीची मोहिम राबविण्यात येणार आहे. थकित कर असलेल्या जिल्ह्यातील वाहनांची यादी मोटार वाहन निरीक्षक यांना देण्यात आली असून त्यांना रस्त्यावरील वाहन तपासणीचे आदेशही देण्यात आले आहेत. याची सर्व वाहन चालक-मालकांनी नोंद घ्यावी, असे आवाहन नांदेडचे प्रादेशिक परिवहन अधिकारी यांनी केले आहे.

जिल्हयातील एकूण 4 हजार 59 वाहन मालकांकडे रुपये 11 कोटी 53 लाख वाहन कर थकीत आहे. तसेच जुन्या दुचाकी, कार, बस मालवाहू वाहनांकडून पर्यावरण कर रु. 5 कोटी 67 लाख थकित आहे. सर्व वाहन मालकांना या कार्यालयाने थकित कर व पर्यावरण कर त्वरीत भरण्याच्या नोटीस पाठविल्या आहेत. तरी संबंधित वाहन मालकांनी आपल्या वाहनाचा थकित कर/पर्यावरण कर परिवहन विभागाच्या parivahan.gov.in या संकेतस्थळावर ऑनलाईन पध्दतीने 7 दिवसात भरावा असेही प्रसिध्दीपत्रकाद्वारे प्रादेशिक परिवहन अधिकारी नांदेड यांनी कळविले आहे.

00000