चाणक्य पुरस्काराने देवेंद्र भुजबळ सन्मानित 

पुणे दि. 12 : देशपातळीवर कार्यरत असणाऱ्या पब्लीक रिलेशन्स कॉन्सिल ऑफ इंडीयाच्यावतीने जनसंपर्क क्षेत्रात उल्लेखनीय कामगिरी केल्याबद्दल माहिती व जनसंपर्क महासंचालनालयाचे संचालक (माहिती) देवेंद्र भुजबळ यांना प्रतिष्ठेच्या ‘चाणक्य’ पुरस्काराने  मान्यवरांच्या हस्ते सन्मानित करण्यात आले.

येथे नुकतेच पब्लीक रिलेशन्स कॉन्सिल ऑफ इंडीयाची दोन दिवसीय 12 वी ग्लोबल कम्युनिकेशन परिषद झाली. यामध्ये प्रतिष्ठेच्या चाणक्य पुरस्काराचे वितरण करण्यात आले. यावेळी ऑस्ट्रेलियाचे पब्लीक रिलेशनमधील तज्ज्ञ मॅथ्यू, पीआरसीआचे पदाधिकारी एम. बी. जयराम, विजयलक्ष्मी, आर. डी. कुमार, बी. एन. कुमार, आर. टी. कुमार, वेणूगोपाल यांच्यासह  देशभरातून पब्लीक रिलेशनमध्ये काम करणाऱ्या मान्यवर संस्थांचे पदाधिकारी, प्रतिनिधी उपस्थित होते.

या परिषदेत जनसंपर्क क्षेत्रात आंतरराष्ट्रीय पातळीवर काम करणारे तज्ज्ञ सहभागी होतात. यावर्षीची 12 वी परिषद ‘ट्रान्सफॉर्म’ या संकल्पनेवर आधारीत होती.  या परिषदेत विविध विषयांवर चर्चासत्रांचे आयोजन करण्यात आले होते. जनसंपर्क क्षेत्रात उल्लेखनीय काम करणाऱ्या मान्यवर व्यक्ती व संस्थांना या परिषदेत सन्मानित करण्यात आले.

या वर्षी शासनाच्या जनसंपर्क क्षेत्रात उल्लेखनीय कामगिरी केल्याबद्दल कम्युनिकेटर ऑफ द इयर ‘चाणक्य’ पुरस्काराने देवेंद्र भुजबळ यांना सन्मानित करण्यात आले. देवेंद्र भुजबळ हे 1991 पासून महाराष्ट्र शासनाच्या माहिती व जनसंपर्क विभागात कार्यरत आहेत. सध्या ते संचालक (माहिती) या पदावर कार्यरत आहेत. त्यांनी केसरी या मराठी वृत्तपत्रापासून आपल्या कामाला सूरूवात केली, नंतर त्यांनी मुंबई दूरदर्शन येथे प्रोग्रॅम प्रोड्यूसर म्हणून सहा वर्षे काम केले आहे. माहिती व जनसंपर्क विभागात त्यांनी नाविन्यपूर्ण उपक्रम राबविले आहेत. 

या परिषदेला देशभरातून जनसंपर्क क्षेत्रातील विविध मान्यवर संस्थांचे पदाधिकारी, प्रतिनिधी उपस्थित होते.     

*****

प्रसार माध्यमांमध्ये काम करताना कल्पकता महत्वाची

-माहिती संचालक देवेंद्र भुजबळ

औरंगाबाद, दि.12 :- शासकीय व खाजगी प्रसार माध्यमांमध्ये काम करताना कल्पकता महत्वाची असून माध्यमांच्या बदलत्या युगात स्वत:ला सिध्द करण्याची क्षमता विकसीत केली गेली पाहिले, असे मत माहिती व जनसंपर्क मराठवाडा विभागाचे माहिती संचालक देवेंद्र भुजबळ यांनी  आज येथे व्यक्त केले.

देशपातळीवर कार्यरत असणाऱ्या पब्लिक रिलेशन्स कॉन्सिल ऑफ इंडियाच्या वतीने जनसंपर्क क्षेत्रात उल्लेखनीय कामगिरी केल्याबद्दल प्रतिष्ठेच्या ‘चाणक्य’ पुरस्काराने नुकतेच पुणे येथे श्री.भुजबळ यांना सन्मानित करण्यात आले. त्यानिमित्त्‍ माहिती व जनसंपर्क महासंचालनालय मराठवाडा विभाग औरंगाबाद कार्यालयात त्यांचा सत्काराचा कार्यक्रम आयोजित करण्यात आला होता त्यावेळी ते बोलत होते.

श्री.भुजबळ पुढे म्हणाले, माध्यमांमध्ये काम करताना कल्पकतेसोबतच भाषेलासुध्दा फार महत्व आहे. आधुनिक युगात माध्यमांचे स्वरुप बदललेले आहे. त्याचबरोबर माध्यमांचे तंत्रसुध्दा बदललेले आहे. त्यामुळे विशेष शैलीत लिखाण केल्यास त्याची दखल विविध माध्यमांत घेतली जाते. त्यामुळे सतत लिखाण करणे आवश्यक आहे. शासकीय सेवेत राहुन विविधांगी लिखाणामुळे मला हा पुरस्कार मिळाला आहे. आपण करत असलेल्या सेवेचा फायदा वंचित घटकांपर्यत करुन देणे महत्वाचे असते. माध्यमात काम करताना बदलत्या माध्यमाचा वापर करुन आपण कल्पकतापूर्ण लिखाण केले पाहिजे असे त्यांनी यावेळी सांगितले.  हा कॉर्पोरेट पुरस्कार असून जनसंपर्क क्षेत्रातील सर्वोच्च संस्थेमार्फत हा पुरस्कार मिळाल्याबद्दल मला मनस्वी खुप आनंद झाला आहे असे ते म्हणाले. 

कार्यक्रमात लातूर विभागाचे उपसंचालक यशवंत भंडारे आपल्या मनोगतात म्हणाले की, देवेंद्र भुजबळ यांच्या 32 वर्षाच्या शासकीय सेवेतील उत्कृष्ट कामाची नोंद म्हणून त्यांना चाणक्य पुरस्काराने गौरविले आले आहे ही महासंचालनालयासाठी फार मोठी गौरवाची बाब असून देशपातळीवरील जनसंपर्क क्षेत्रातील सर्वोच्च संस्थेतर्फे शासकीय गटातून श्री.भुजबळ यांना हा पुरस्कार देण्यात आला, असे सांगुन त्यांनी श्री.भुजबळ यांना पुढील वाटचालीसाठी शुभेच्छा दिल्या. 

जिल्हा माहिती अधिकारी मुकुंद चिलवंत, सहायक संचालक डॉ.रवींद्र ठाकुर, माहिती अधिकारी वंदना थोरात, माहिती सहायक संजीवनी पाटील यांनी यावेळी आपले मनोगत व्यक्त केले. कार्यक्रमाचे सुत्रसंचालन माहिती सहायक श्याम टरके यांनी केले तर संहिता लेखक रमेश भोसले यांनी आभार व्यक्त केले. 

या कार्यक्रमाच संचालक माहिती कार्यालयातील आणि जिल्हा माहिती कार्यालयातील कर्मचारी उपस्थित होते.

******

जलसमृद्धी यंत्रसामुग्री व्याज अर्थसहाय्य योजनेंतर्गत

लाभार्थ्यांची नावे अंतिम करण्यासाठी प्रसिद्ध

पात्र अर्जदारांनी कर्ज मंजुरीचे पत्र ऑनलाईन सादर करण्याचे आवाहन   

नांदेड दि. 12 :- जलसमृद्धी यंत्रसामुग्री व्याज अर्थसहाय्य योजनेंतर्गत लाभार्थ्यांची नावे अंतीम करण्यासाठी महाऑनलाईनवर प्रसिद्ध करण्यात आली आहे. पात्र अर्जदारांनी वित्तीय संस्थेकडून विनाअट कर्ज मंजुरीबाबतचे पत्र शुक्रवार 23 मार्च 2018 पर्यंत ऑनलाईन सादर करावे, असे आवाहन जिल्हा उपनिबंधक सहकारी संस्था नांदेड यांनी केले आहे.

राज्यातील जलयुक्त शिवार अभियान तसेच जल व मृद संधारणाच्या कामांना गती मिळावी व स्किल  इंडियाच्या धर्तीवर ग्रामीण भागातुन कुशल उद्योजक तयार करणे या दुहेरी उद्देशाने राज्य शासनाच्या मृद व जलसंधारण विभागाने, "जलसमृद्धी यंत्र सामुग्री व्याज अर्थसहाय्य योजना" राबविण्याचा निर्णय घेतला आहे. या अंतर्गत सुशिक्षित बेरोजगार युवक व शेतकऱ्यांना वित्तीय संस्थांकडून कर्ज उपलब्ध करून अर्थमुव्हर्स खरेदीसाठी घेतलेल्या कर्जावरील व्याज शासन भरणार आहे. या योजनेंतर्गत प्रथम टप्प्यात दि. 31 जानेवारी, 2018 पर्यंत ऑनलाईन अर्ज मागविण्यात आले होते. अर्जाची जिल्हास्तरीय समितीकडून छाननी करून योजनेंतर्गत लाभार्थ्यांची नावे अंतिम करण्यासाठी ऑनलाईन प्रसिद्ध करण्यात येणार आहेत.  ही यादी  जिल्हाधिकारी कार्यालय व राष्ट्रीयकृत बँकांना उपलब्ध करून देण्यात आली आहे. यादीतील पात्र अर्जदारांनी राष्ट्रीयकृत बँकेकडून सदर योजनेतंर्गत शासन निर्णयाप्रमाणे विनाअट कर्ज मंजुरीचे पत्र आपल्या Log in ID द्वारे शुक्रवार 23 मार्च, 2018 पर्यंत ऑनलाईन सादर करावयाचे आहे.

कर्ज मंजुरी पत्रामध्ये शासनाचे दायित्व, अनुज्ञेय असलेल्या व्याजाच्या परताव्याच्या रकमेकरिता कर्जाच्या रकमेची कमाल मर्यादा रु.17.60 लक्ष राहील व त्यानुसार पाच वर्षामध्ये शासनामार्फत कमाल व्याज परतावा रक्कम रु.5.90 लक्ष पर्यंत राहील. अशी अट वित्तीय संस्थेस (बँक) मान्य असल्याचे स्पष्टपणे नमूद असावे. कर्ज मंजुरी बाबतचे संपूर्ण अधिकार हे संबंधित बँक / वित्तीय संस्थेचेच राहणार असून या संदर्भातील बँकेच्या असणाऱ्या संपूर्ण अटी व शर्ती यांची पूर्तता करण्याची जबाबदारी लाभार्थी यांची राहील.

वित्तीय संस्था / बँकेकडून कर्ज मंजुरीचे पत्र सादर करण्यात आलेल्या अर्जदारांची संख्या जास्त असल्यास जिल्हा स्तरीय समितीने जाहीर सोडत काढून दिलेल्या लक्षांकाप्रमाणे लाभार्थी निवडण्यात येतील. यामुळे पात्र लाभार्थी यांनी बँकेचे विनाअट कर्ज मंजुरीबाबतचे पत्र 23 मार्च, 2018 पर्यंत ऑनलाईन सादर करण्याचे आवाहन करण्यात आहे. दि. 23 मार्च 2018 नंतर दाखला सादर करणाऱ्या अर्जदारांचा विचार लाभार्थी निवडताना करण्यात येणार नाही. याची सर्व लाभार्थ्यांनी नोंद घ्यावी, असेही आवाहन जिल्हा उपनिबंधक सहकारी संस्था नांदेड यांनी केले आहे.

000000

राज्य सफाई कर्मचारी आयोगाचे अध्यक्ष

रामुजी पवार यांचा दौरा कार्यक्रम   

नांदेड, दि. 8:-  राज्य सफाई कर्मचारी आयोगाचे अध्यक्ष रामुजी पवार यांचा दिनांक 8 व 9 मार्च, 2018 दोन दिवसीय दौरा कार्यक्रम असून त्यांचा दौरा कार्यक्रमाचा तपशिल पुढील प्रमाणे राहील.

गुरुवार, दिनांक 8 मार्च, 2018 रोजी सांयकाळी 8-00 वाजता नांदेड येथे आगमन. रात्री 8-30 ते 9-30 वाजता शासकीय विश्रामगृह , नांदेड येथे मुक्कम.  

शुक्रवार, दिनांक 9 मार्च, 2018 रोजी सकाळी 11-00 वाजता नांदेड - वाघाळा महानगरपालिका यांच्या समवेत सफाई कर्मचाऱ्यांच्या समस्यांबाबत बैठकीस उपस्थिती. दुपारी 2-00 वाजता पत्रकार परिषद. 2-30 ते 4-00 वाजता राखीव . सांयकाळी 8-00 वाजता शासकीय विश्रामगृह, नांदेड येथे सफाई कामगार कार्यकत्यांसोबत चर्चा. सांयकाळी 8-30 ते 9-30 वाजता राखीव व मुक्काम.

शनिवार, दिनांक 10 मार्च, 2018 रोजी सकाळी 8-00 वाजता नांदेड येथून दिग्रसकडे प्रस्थाव व मुक्काम.

**** 

पेन्शन अदालतीचे आयोजन  

नांदेड, दि. 8:- माहे मार्च, 2018 च्या दुसऱ्या मंगळवार, दिनांक 13 मार्च, 2018 रोजी पेन्शन अदालत जिल्हाधिकारी कार्यालय , नांदेड येथे आयोजित करण्यात आली आहे. नांदेड जिल्ह्यामधील महसूल विभागातून सेवा निवृत्त झालेले अधिकारी / कर्मचारी यांच्या अडचणी निवारण्यासाठी या दिवशी सकाळी 11-00 ते दुपारी 1-30 वाजेपर्यंन्त हजर राहून तक्रारींचे निवेदने द्यावीत, असे अवाहन जिल्हाधिकारी, नांदेड यांनी केले आहे.

****

समाज सदृढ आणि राष्ट्राच्या विकासात महिलांचे भरीव योगदान

--- जिल्हाधिकारी अरुण डोंगरे

§  विविध उपक्रमांनी जागतिक महिला दिन साजरा     

नांदेड, दि. 8:- सावित्रीबाई फुले यांनी महिलांना शिक्षणाची दारे खुले करुन दिली. त्यामुळे महिला विविध क्षेत्रामध्ये पदाक्रांत करीत आहेत. याचे सर्व श्रेय सावित्रीबाई फुले यांना जाते. तसेच महिला दैनंदिन जीवनात अनेक भुमिका बजावूनही त्यांच्या कार्यक्षेत्रात यशस्वी होतात. महिलांच्या या शक्तीचे समाज सदृढ होण्यास आणि राष्ट्राच्या विकासात भरीव योगदान आहे, असे जिल्हाधिकारी अरुण डोंगरे यांनी सांगितले.  यावेळी जिल्हाधिकारी अरुण डोंगरे अध्यक्षीय मार्गदर्शनात बोलत होते.     

जिल्हाधिकारी कार्यालयाच्या बचत भवन येथे जागतिक महिला दिन विविध उपक्रमांनी उत्साहात साजरा करण्यात आला. ध्वजारोहण, आरोग्य शिबीर, विविध स्पर्धा तसेच तसेच लाभार्थ्यांना आनुदान वाटप अशा संयुक्त कार्यक्रमांचे आयोजन करण्यात आले होते.यासाठी जिल्हाधिकारी कार्यालय प्रांगणातील बचत भवन येथे जिल्हाधिकारी अरुण डोंगरे यांच्या अध्यक्षतेखाली कार्यक्रम संपन्न झाला.

या कार्यक्रमास अप्पर जिल्हाधिकारी संतोष पाटील, निवासी उपजिल्हाधिकारी जयराज कारभारी,  उपजिल्हाधिकारी  पुनर्वसन महेश वडदकर, जिल्हा पुरवठा अधिकारी संतोष वेणीकर, उपजिल्हाधिकारी (सामान्य) अनुराधा ढालकरी, अप्पर कोषागार अधिकारी एन. पी. पाचंगे यांच्यासह जिल्हा महसूल प्रशासनातील महिला अधिकारी-कर्मचारी मोठ्या संख्येने उपस्थित होत्या.

सुरुवातीला सरस्वती पुजन व दिपप्रज्वलन जिल्हाधिकारी यांच्या हस्ते झाले. तद्नंतर महिला दिनाची शपथ उपजिल्हाधिकारी श्रीमती अनुराधा ढालकरी यांनी सर्व उपस्थित अधिकारी , कर्मचारी यांना दिली . कार्यक्रमाचे प्रास्ताविक श्रीमती ढालकरी यांनी केले.

यावेळी डॉ. लक्ष्मीकांत बजाज व डॉ. अर्चना बजाज यांनी आहार व आरोग्य या विषयी माहिती देवून  पॉवर प्रेझेंटेशनद्वारे सादरीकरण केले. यावेळी श्रीमती अंजना सुरेश शेळके, नांदेड या लाभार्थी सामाजिक अर्थ सहाय्य योजनेतंर्गत राष्ट्रीय कुटूंब अर्थ व सहाय्य योजनेचा जिल्हाधिकारी अरुण डोंगरे यांच्या हस्ते रुपये 20 हजारांचा धनादेश सुपूर्द करण्यात आला.  

रेणुका पांडे यांनी सावित्रीबाई फुले , मनिषा मोहीते यांनी राणी लक्ष्मीबाई, अनुसया नरवाडे यांनी इंदिरा गांधी, स्वाती अलोणे यांनी ऑफिस महिला या विषयावर, उर्मिला कुलकर्णी रजिया सुलतान यांनी  या विषयावर वेशभुषेत माहिती दिली. तसेच जागतिक महिला दिनानिमित्त अव्वल कारकून अनुराधा सुरेवाड यांनी आई माझी मायेचा सागर ही कविता सादर केली. तर शालिनी धुळे, अनुपमा मुधोळकर, मनिषा मोहिते यांनी संसार रथाचे आधुनिकीकरणावर नाटीका सादर केली. श्री गुरु गोविंदसिंघ परिचारिका प्रशिक्षण केंद्र, नांदेड येथील प्रशिक्षार्थी चमुने महिला सबलीकरण या विषयावरील पथनाट्य करुन सर्वांची मने जिंकली.  

या कार्यक्रमाचे प्रास्ताविक उपजिल्हाधिकारी श्रीमती अनुराधा ढालकरी यांनी केले. तर आभार श्रीमती उषा कदम यांनी मानले.  नायब तहसीलदारपदी पदोन्नती झाल्याबद्दल जया अन्नमवार यांचा जिल्हाधिकारी श्री. डोंगरे यांच्या हस्ते करण्यात आला.

कार्यक्रमात श्रीमती ढालकरी, तहसीलदार संतोषी देवकुळे, उर्मीला कुलकर्णी, उत्कृष्ट महिला अधिकारी व कर्मचारी यांचा सत्कार करण्यात आला.

ज्यामध्ये उपजिल्हाधिकारी (सामान्य) श्रीमती अनुराधा ढालकरी, सहा.पुरवठा अधिकारी संतोषी देवकुळे, तहसीलदार श्रीमती उज्वला पांगरकर , नायब तहसीलदार श्रीमती उषा उजपवार, उर्मिला कुलकर्णी, अव्वल कारकून संजीवनी मुपडे या संवर्गातून श्रीमती मीना सोलापूरे , सुचिता बोधगिरे , स्वाती अलाने, ज्योती बाऱ्हाळीकर , शालीनी धुळे, विद्या सुरुंगवाड, लिपीक संवर्गातून श्रीमती माधुरी शेळके, प्रणिता संगपवार, प्रिती डहाळे, राधिका खारे, मंजुषा रापतवार तर शिपाई संवर्गातून श्रीमती संगीता खोले व छबुताई सानप यांना प्रमाणपत्र देवून गौरविण्यात आले. यावेळी सर्व अधिकारी व कर्मचारी महिलांची एचबी रक्तामधील साखरेचे प्रमाण व बी.पी. ची तपासणी करण्यात आली. या कार्यक्रमाचे आयोजन निवासी उपजिल्हाधिकारी जयराज कारभारी व उपजिल्हाधिकारी (सामान्य) अनुराधा ढालकरी यांनी जिल्हाधिकारी अरुण डोंगरे यांच्या मार्गदर्शनाखाली केले. सदर कार्यक्रमाचे प्रास्ताविक उपजिल्हाधिकारी (सामान्य) श्रीमती अनुराधा ढालकरी यांनी केले . तर कार्यक्रमाचे सुत्रसंचालन श्रीमती ज्याेती बाऱ्हाळीकर यांनी केले.

तत्पुर्वी जिल्हाधिकारी श्री. डोंगरे यांच्या हस्ते महिला दिनानिमित्त ध्वजारोहणही करण्यात आले. तसेच मार्गदर्शनाखाली आरोग्य शिबीराचेही आयोजन करण्यात आले.  

****