जिल्ह्यात दिवसभरात

सरासरी 16.96 मि.मी. पाऊस   

           नांदेड, दि. 22 :- जिल्ह्यात  गुरुवार 22 सप्टेंबर 2016 रोजी  सकाळी 8 वा. संपलेल्या गत 24 तासात एकूण 271.38 मिलीमीटर पाऊस  झाला असून  जिल्‍ह्यात  दिवसभरात सरासरी 16.96 मिलीमीटर पावसाची  नोंद  झाली  आहे. जिल्ह्यात या हंगामात आतापर्यंत सरासरी 846.49 मि.मी. पावसाची नोंद झाली आहे.  जिल्ह्याची यंदाच्या हंगामातील आतापर्यंत पावसाची  टक्केवारी  88.59 इतकी झाली आहे.   

जिल्ह्यात गुरुवार 22 सप्टेंबर रोजी सकाळी 8 वा. संपलेल्या गत 24 तासात  झालेला  पाऊस मिलीमीटरमध्ये  तालुकानिहाय  पुढीलप्रमाणे  कंसात  एकूण  पाऊस  : नांदेड- 15.63 (932.39), मुदखेड- 7.67 (667.69), अर्धापूर- 4.67 (896.33) , भोकर- 14.75 (1045.75), उमरी- 12.00 (731.60), कंधार- 23.17 (749.31), लोहा- 20.33 (975.00), किनवट- 24.29 (900.89), माहूर- 0.25 (1108.75), हदगाव- 3.29 (958.26), हिमायतनगर- 14.33 (842.31), देगलूर- 23.17 (619.68), बिलोली- 33.00 (853.00), धर्माबाद- 22.00 (717.05), नायगाव- 21.40 (762.60), मुखेड- 31.43 (783.27) आज  अखेर  पावसाची सरासरी 846.49  (चालू वर्षाचा एकूण पाऊस 13543.88) मिलीमीटर आहे. 

00000

जिल्ह्यात दिवसभरात

सरासरी 18.13 मि.मी. पाऊस   

           नांदेड, दि. 21 :- जिल्ह्यात  बुधवार 21 सप्टेंबर 2016 रोजी  सकाळी 8 वा. संपलेल्या गत 24 तासात एकूण 290.04 मिलीमीटर पाऊस  झाला असून  जिल्‍ह्यात  दिवसभरात सरासरी 18.13 मिलीमीटर पावसाची  नोंद  झाली  आहे. जिल्ह्यात या हंगामात आतापर्यंत सरासरी 829.53 मि.मी. पावसाची नोंद झाली आहे.  जिल्ह्याची यंदाच्या हंगामातील आतापर्यंत पावसाची  टक्केवारी  86.81 इतकी झाली आहे.   

जिल्ह्यात बुधवार 21 सप्टेंबर रोजी सकाळी 8 वा. संपलेल्या गत 24 तासात  झालेला  पाऊस मिलीमीटरमध्ये  तालुकानिहाय  पुढीलप्रमाणे  कंसात  एकूण  पाऊस  : नांदेड- 14.25 (916.76), मुदखेड- 33.00 (660.02), अर्धापूर- 20.67 (891.66) , भोकर- 24.25 (1031.00), उमरी- 32.00 (719.60), कंधार- 9.50 (726.14), लोहा- 17.33 (954.67), किनवट- 12.86 (876.60), माहूर- 33.25 (1108.50), हदगाव- 32.86 (954.97), हिमायतनगर- 16.00 (827.98), देगलूर- 15.33 (596.51), बिलोली- 8.00 (820.00), धर्माबाद- 4.00 (695.05), नायगाव- 11.60 (741.20), मुखेड- 5.14 (751.84) आज  अखेर  पावसाची सरासरी 829.53  (चालू वर्षाचा एकूण पाऊस 13272.50) मिलीमीटर आहे. 

00000

दुर्गादेवी मंडळांना वर्गणीसाठी

ऑनलाईन नोंदणीचे आवाहन

  नांदेड, दि. 21 :- दुर्गादेवी मंडळासाठी वर्गणी गोळा करण्याचा परवाना 22 सप्टेंबर ते 1 ऑक्टोंबर 2016 या कालावधीत धर्मादाय उपआयुक्त कार्यालय नांदेड यांच्यामार्फत कार्यालयीन वेळेत देण्यात येत आहे. ही परवानगी ऑनलाईन पद्धतीने असून ऑनलाईन नोंदणी www.charity.maharashtra.gov.in या संकेतस्थळावर करुन परवानासाठी आवश्यक कागदपत्रे स्कॅन करुन अपलोड करणे आवश्यक आहे. दुर्गादेवी मंडळांनी ऑनलाईन परवानगी घेवूनच वर्गणी गोळा करावी, असे आवाहन धर्मादाय उपआयुक्त सौ. प्रणिता श्रीनिवार यांनी केले आहे.

00000

महिला लोकशाही दिनी

अर्ज करण्याचे आवाहन 

  नांदेड, दि. 21 :- समस्याग्रस्त व पिडीत महिलांनी लोकशाही दिनी आपले अर्ज विहित नमुन्यात प्रत्येक महिन्याच्या तिसऱ्या सोमवारी जिल्हास्तरीय महिला लोकशाही दिनी तर तालुक्यात प्रत्येक महिन्याच्या चौथ्या सोमवारी तहसिलदार यांच्याकडे सादर करावे, असे आवाहन जिल्हास्तरीय महिला लोकशाही दिन समितीचे अध्यक्ष तथा जिल्हाधिकारी नांदेड व सदस्य सचिव तथा जिल्हा महिला व बाल विकास अधिकारी नांदेड यांनी केले आहे.

भारतीय राज्यघटनेने प्रत्येक नागरिकाला समान हक्क व समान संधी असा मुलभुत हक्क दिलेला आहे. त्याअंतर्गत समस्याग्रस्त व पिडीत महिलांना त्यांचे प्रश्न मांडण्यासाठी व्यासपीठ मिळावे. तसेच त्यांच्या हक्कांचे संरक्षण होवून न्याय मिळावा यादृष्टिने महिलांच्या तक्रारी, अडचणी शासकीय यंत्रणेकडून सोडवणूक करण्यासाठी व समाजातील पिडीत महिलांना सुलभ मार्गदर्शनाची सुविधा उपलब्ध व्हावी यासाठी प्रभावी उपाय योजना म्हणून राज्य महिला व बाल विकास विभागाच्या शासन निर्णयान्वये प्रत्येक महिन्याच्या तिसऱ्या सोमवारी जिल्हास्तरीय महिला लोकशाही दिन जिल्हाधिकारी यांच्या अध्यक्षतेखाली बचत भवन जिल्हाधिकारी कार्यालय परिसर नांदेड येथे व जिल्ह्यातील सर्व तालुक्यात प्रत्येक महिन्याच्या चौथ्या सोमवारी तहसिलदार यांच्या अध्यक्षतेखाली महिला लोकशाही दिन साजरा करण्यात येतो.

00000

डॉ. ए. पी. जे. अब्दुल कलाम यांच्या

जयंतीबाबत निर्देश    

        नांदेड, दि. 21 :-  डॉ. ए. पी. जे. अब्दुल कलाम यांची जयंती प्रत्येक वर्षी 15 ऑक्टोंबर रोजी साजरी करण्याचा राज्य शासनाने निर्णय घेतला आहे. त्यानुसार यावर्षी शनिवार 15 ऑक्टोंबर 2016 रोजी राज्यभर डॉ. ए. पी. जे. अब्दुल कलाम यांची जयंती साजरी करण्यात येणार आहे.

            जिल्ह्यातील सर्व शासकीय, निमशासकीय कार्यालयात शनिवारी 15 ऑक्टोंबर रोजी डॉ. ए. पी. जे. अब्दुल कलाम यांची जयंती साजरी करावी, असे निर्देश जिल्हाधिकारी नांदेड यांनी जिल्ह्यातील सर्व विभाग प्रमुखांना दिले आहेत.

000000

कापूस, सोयाबीन पिकांवरील

किड नियंत्रणासाठी कृषि सल्ला

नांदेड दि. 20 :-   उपविभागीय कृषि अधिकारी देगलूर अंतर्गत देगलूर, मुखेड, नायगाव, बिलोली, धर्माबाद या पाच तालुक्यांसाठी सोयाबीन व कापूस पिकांसाठी क्रॉपसॅप योजनेअंतर्गत पिकावरील किडरोग सर्वेक्षणाचे काम चालू आहे. किडसर्वेक्षक, किडनियंत्रक यांनी केलेल्या सर्वेक्षणानुसार शेकऱ्यांनी वसंतराव नाईक कृषि विद्यापीठ परभणी यांच्याकडून पुढील संदेश देण्यात आला आहे.

कापूस पिकावरील शेंदरी बोंडअळीच्या नियंत्रणासाठी फ्रोफेनोफॉस 50 ईसी 3 मिली आणि रस शोषण करणाऱ्या किडीच्या नियंत्रणासाठी फलोनिक्यामिड 50 टक्के 0.2 ग्राम प्रती लिटर पाण्यात मिसळून फवारावे. शेंदरी बोंडअळीमुळे होणाऱ्या नुकसानीकडे लक्ष दयावे.

सोयाबीन पिकावरील स्पोडोप्टेरा हेलिकोर्व्हापा आणि चक्रीभुंगा व्यवस्थापनासाठी क्लोरॅनट्रानोलिप्रोल 18.5 एससी प्रती 3 मिली किंवा प्रोफेनोफॉस 50 ईसी 2 एमएल लिटर पाण्यात मिसळून फवारावे. स्पोडोप्टेराच्या अंडीपुजा व समुहातील अळ्यावर लक्ष ठेवावे, असे आवाहन उपविभागीय अधिकारी देगलूर यांनी केले आहे.

0000000

मोटार सायकलसाठी नवीन मालिका

नांदेड दि. 20 :-  मोटार सायकल वाहनासाठी एमएच 26- एझेड ही नवीन मालिका गुरुवार 22 सप्टेंबर पासून सुरु होणार आहे. ज्या अर्जदारांना पसंती क्रमांक घ्यावयाचा आहे त्यांचे अर्ज गुरुवार 22 सप्टेंबर पासून स्विकारले जातील याची नोंद घ्यावी, असे आवाहन प्रादेशिक परिवहन अधिकारी नांदेड यांनी केले आहे.

00000