नांदेड जिल्ह्यात 4 व्यक्ती कोरोना बाधित तर 4 कोरोना बाधित झाले बरे

 

नांदेड जिल्ह्यात 4 व्यक्ती कोरोना बाधित तर 4 कोरोना बाधित झाले बरे

 

नांदेड (जिमाका) दि. 26 :- जिल्ह्यात आज प्राप्त झालेल्या 441 अहवालापैकी 4 अहवाल कोरोना बाधित आले आहेत. यात आरटीपीसीआर तपासणीद्वारे 4  तर अँटिजेन तपासणीद्वारे निरंक अहवाल बाधित आहेत. जिल्ह्यात आजवर एकुण बाधितांची संख्या 90 हजार 381 एवढी झाली असून यातील 87 हजार 704 रुग्णांना रुग्णालयातून सुट्टी देण्यात आलेली आहे. आजच्या घडीला 25 रुग्ण उपचार घेत असून 2 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे.

 

जिल्ह्यात आतापर्यंत बाधित मृत रुग्णांची संख्या 2 हजार 652 एवढी आहे. आजच्या बाधितामध्ये आरटीपीसीआर तपासणीद्वारे नांदेड मनपा 3, धर्माबाद 1 असे एकूण 4  बाधित आढळले.

 

आज जिल्ह्यातील 4  कोरोना बाधितांना औषधोपचारानंतर सुट्टी देण्यात आलेली आहे. यात शासकीय वैद्यकीय महाविद्यालय विष्णुपुरी 1,  मनपा अंतर्गत एनआरआय भवन गृह विलगीकरण 3  व्यक्तीला रुग्णालयातून सुट्टी देण्यात आली.

 

आज 25 कोरोनाबाधित रुग्णांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी 4, किनवट कोविड रुग्णालय 1, नांदेड मनपा अंतर्गत गृह विलगीकरण 20 अशा एकूण 25 व्यक्ती उपचार घेत आहेत.

 

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 7 लाख 51 हजार 305

एकुण निगेटिव्ह स्वॅब- 6 लाख 47 हजार 689

एकुण पॉझिटिव्ह बाधित व्यक्ती- 90 हजार 381

एकूण रुग्णालयातून सुट्टी दिलेली संख्या- 87 हजार 704

एकुण मृत्यू संख्या-2 हजार 652

उपचारानंतर बाधित रुग्ण बरे होण्याचे प्रमाण 97. 4 टक्के

आज स्वॅब तपासणी अनिर्णीत संख्या-00

आज स्वॅब नाकारण्यात आलेली संख्या-00

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती-25

आज रोजी अतिगंभीर प्रकृती असलेले-2

00000

 

 

 

सुधारीत वृत्त 

देगलूर विधानसभा पोटनिवडणुकरिता नियुक्त अधिकारी कर्मचाऱ्यांसाठी सशुल्क विशेष वाहन सेवा 

नांदेड, (जिमाका) दि. 26 :- देगलूर विधानसभा मतदार संघ पोटनिवडणूक शनिवार  दिनांक  30 ऑक्टोबर रोजी  मतदान होणार आहे. जिल्हा प्रशासनाकडून नियुक्त करण्यात आलेल्या मतदान अधिकारी आणि कर्मचाऱ्यांच्या  प्रवासासाठी महाराष्ट्र राज्य परिवहन महामंडळ यांच्याकडून सशुल्क बस सेवा उपलब्ध करून देण्यात आली आहे. 

देगलूर व बिलोली  हे दोन तालुके वगळता उर्वरित 14 तालुक्यांच्या ठिकाणी असलेल्या बस स्थानकांवरून  दिनांक 28 ऑक्टोबर रोजी सकाळी देगलूर येथे निवडणुकीच्या कर्तव्यावर जाण्यासाठी ही बस सेवा उपलब्ध करून देण्यात आली आहे. 

30 ऑक्टोबर रोजी मतदानाची कार्यवाही संपल्यानंतर देगलूर तहसील कार्यालय परिसरातून मुख्यालयात परत जाण्यासाठी ही सशुल्क बस सेवा उपलब्ध असल्याची माहिती जिल्हा निवडणूक अधिकारी डॉ. विपीन  इटनकर यांनी दिली आहे. 

नियुक्त अधिकारी कर्मचाऱ्यांना निवडणुकीच्या अनुषंगाने सदर बससेवेचा वापर करावा असे आवाहन  प्रसिध्दी पत्रकाव्दारे करण्यात आले आहे .

00000

मतदानाच्या दिवशी संपूर्ण जिल्ह्यात तर मतमोजणीच्या दिवशी देगलूर न.पा.हद्दीत मद्यविक्रीस मनाई

 

मतदानाच्या दिवशी संपूर्ण जिल्ह्यात तर

मतमोजणीच्या दिवशी देगलूर न.पा.हद्दीत मद्यविक्रीस मनाई

नांदेड, (जिमाका) दि. 26 :-   देगलूर बिलोली  विधानसभेची पोटनिवडणूक दिनांक 30 ऑक्टोबर रोजी होणार असून मतदान प्रक्रिया सुरळीत पार पाडण्यासाठी मतदान / मतमोजनीच्या दिवशी मद्यविक्री करण्यास शासनाच्या वतीने मनाई करण्यात आली आहे.

यासंदर्भात जिल्हाधिकारी डॉ.विपीन इटनकर यांनी लोकप्रतिनिधी अधिनियम 1951 चे कलम 135 (सी), मुंबई विदेशी मद्य (रोखीने विक्री  विक्रीच्या नोदवह्या ई) नियम 1969 महाराष्ट्र देशी दारू नियम 1973, विशेष परवाने व अनुज्ञप्ती नियम 1952, नियम 1968 या संदर्भात  नियमान्वये देण्यात आलेल्या अनुज्ञप्ती संबंधित दिवस कोरडा दिवस म्हणून पाळण्यात बाबत अनुज्ञप्ती धारकांवर बंधन आहे. 

मतदान संपण्यापूर्वी 48 तास अगोदर मतदानाचा दिवस  दिनांक 28 ऑक्टोबर रोजी सायंकाळी 6 वाजेपासून ते 30 ऑक्टोबर सायंकाळी 6 पर्यंत संपूर्ण नांदेड जिल्ह्यात कोरडा दिवस पाळण्यात येणार आहे.मतमोजनीचा दिवस दिनांक 2 नोव्हेबर 2021 रोजी मतमोजणी असल्याने मद्यविक्री व अनुज्ञप्ती बंद ठेवण्यासाठी संपूर्ण देगलूर संपूर्ण देगलूर नगरपरिषद हद्दीत मद्यविक्री बंद राहील. सदर आदेशाचे तंतोतंत पालन  करण्यात यावे.आदेशाचे उल्लंघन करणाऱ्या मुंबई दारूबंदी कायदा 1945 चे कलम 54 व 56 अन्वये तात्काळ रद्द करण्यात येईल असे जिल्हाधिकारी डॉ.विपीन इटनकर यांनी काढलेल्या आदेशात स्पष्ट केले आहे.

000

ब्रेक द चेन- सुधारित मार्गदर्शक सूचना निर्गमीत

 

ब्रेक द चेन- सुधारित मार्गदर्शक सूचना निर्गमीत

नांदेड, (जिमाका) दि. 25 :- साथरोग प्रतिबंधक कायदा 1897 मधील तरतूदीनुसार संदर्भात नमूद अधिसूचना 14 मार्च 2020 अन्वये प्रादुर्भाव रोखण्यासाठी ज्या उपाय योजना करणे आवश्यक आहेत त्या कारणासाठी सक्षम प्राधिकारी म्हणून  तसेच फौजदारी प्रक्रिया दंडसंहिता 1973 नुसार जिल्हादंडाधिकारी डॉ. विपीन इटनकर यांनी नांदेड जिल्ह्यात रेस्‍टॉरंट आणि भोजनालय व इतर आस्थापना उघडण्यासाठी  पुढीलप्रमाणे सुधारित मार्गदर्शक सूचना आदेश निर्गमीत केले आहेत.

महाराष्ट्र दुकाने व आस्थापना अधिनियम 1948 चे नियम 10 व 11 अन्वये इतर सर्व अस्थापना रात्री 10 वाजेपर्यंत सुरू राहणार आहेत.महाराष्ट्र दुकाने व आस्थापना अधिनियम 1948 चे नियम 19 अन्वये हॉटेल, रेस्टॉरेंटस व भोजनालय रात्री 12 वाजेपर्यंत सुरू राहतील. पुढील आदेश निर्गमित होईपर्यत हा आदेश लागू राहणार आहे.आस्थपनांच्या अधिनस्त कर्मचारी, मालक, चालक, व्यवस्थापक सेवा पुरवठादार  यांनी कोविड 19 चे दोन्ही डोस  घेणे बंधनकारक आहे तसेच दोन्ही डोस घेतल्याचे प्रमाणपत्र सादर करणे बंधनकारक आहे.वेळोवेळी ब्रेक द चेन आदेशाचे पालन करणे बंधनकारक आहे.पालन न करणाऱ्या नागरिकांना भारतीय दंड संहिता 1860 मधील तरतुदी नुसार शिक्षेस पात्र राहतील.आदेशाची काटेकोर अंमलबजावणी करण्याची जबाबदारी ग्रामीण भागात गट विकास अधिकारी तसेच शहरी भागात आयुक्त, महानगरपालिका, नगरपालिका पंचायत मुख्याधिकारी यांची राहील.आदेशाची अंमलबजावणी करताना सदभावनेने केलेल्या कृत्यासाठी कोणत्याही अधिकारी कर्मचारी यांचे विरूध्द कार्यवाही केली जाणार नाही.या सर्व प्रक्रियेवनियंत्रण ठेवण्याची जबाबदारी Incident Commander) उपजिल्हाधिकारी व तहसीलदार यांची राहिल. असे आदेश जिल्हादंडाधिकारी डॉ. विपीन इटनकर यांनी 22 ऑक्टोबर 2021 रोजी निर्गमीत केले आहेत.

0000

 

 

मतदानाच्या दिवशी आठवडी बाजार बंद राहणार

 

मतदानाच्या दिवशी आठवडी बाजार बंद राहणार

नांदेड, (जिमाका) 25 : 90 देगलूर बिलेांली विधानसभेची पोटनिवडणूक दिनांक 30 ऑक्टोबर रोजी होणार आहे.मतदान प्रक्रिया सुरळीत पार पाडण्यासाठी शासनाच्या वतीने सर्व शासकीय आणि निमशासकीय कार्यालयाला 30 ऑक्टोबर रोजी सुट्टी देण्यात आली आहे.तसेच मार्केट अँड फेअर ॲक्ट 1862 चे कलम 5 प्रमाणे देगलूर विधानसभा क्षेत्रात भरणारे सर्व आठवडी बाजार 30 ऑक्टोबर रोजी बंद राहतील असे निर्देश जिल्हाधिकारी डॉ.विपीन इटनकर यांनी दिले आहेत.

देगलूर या गावातील भरणारे आठवडी बाजार दुसऱ्या दिवशी रविवार दिनांक 31 ऑक्टोबर रोजी सुरू राहतील.

0000

नांदेड जिल्ह्यात 2 व्यक्ती कोरोना बाधित तर 1 कोरोना बाधित झाला बरा

 

नांदेड जिल्ह्यात 2 व्यक्ती कोरोना बाधित तर 1 कोरोना बाधित झाला बरा

 

नांदेड (जिमाका) दि. 25 :- जिल्ह्यात आज प्राप्त झालेल्या 519 अहवालापैकी 2 अहवाल कोरोना बाधित आले आहेत. यात आरटीपीसीआर तपासणीद्वारे 2  तर अँटिजेन तपासणीद्वारे निरंक अहवाल बाधित आहेत. जिल्ह्यात आजवर एकुण बाधितांची संख्या 90 हजार 377 एवढी झाली असून यातील 87 हजार 700 रुग्णांना रुग्णालयातून सुट्टी देण्यात आलेली आहे. आजच्या घडीला 25 रुग्ण उपचार घेत असून 2 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे.

 

जिल्ह्यात आतापर्यंत बाधित मृत रुग्णांची संख्या 2 हजार 652 एवढी आहे. आजच्या बाधितामध्ये आरटीपीसीआर तपासणीद्वारे नांदेड मनपा 2, असे एकूण 2  बाधित आढळले.

 

आज जिल्ह्यातील 1  कोरोना बाधितांना औषधोपचारानंतर सुट्टी देण्यात आलेली आहे. यात मनपा अंतर्गत एनआरआय भवन गृह विलगीकरण 1  व्यक्तीला रुग्णालयातून सुट्टी देण्यात आली.

 

आज 25 कोरोनाबाधित रुग्णांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी 4, किनवट कोविड रुग्णालय 1, नांदेड मनपा अंतर्गत गृह विलगीकरण 20 अशा एकूण 25 व्यक्ती उपचार घेत आहेत.

 

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 7 लाख 50 हजार 864

एकुण निगेटिव्ह स्वॅब- 6 लाख 47 हजार 252

एकुण पॉझिटिव्ह बाधित व्यक्ती- 90 हजार 377

एकूण रुग्णालयातून सुट्टी दिलेली संख्या- 87 हजार 700

एकुण मृत्यू संख्या-2 हजार 652

उपचारानंतर बाधित रुग्ण बरे होण्याचे प्रमाण 97. 4 टक्के

आज स्वॅब तपासणी अनिर्णीत संख्या-01

आज स्वॅब नाकारण्यात आलेली संख्या-06

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती-25

आज रोजी अतिगंभीर प्रकृती असलेले-2

00000

 

 महिला संरक्षणासाठी तक्रार निवारण समिती अनिवार्य 

नांदेड (जिमाका) दि. 25 :- महिलाचे संरक्षण (प्रतिबंध, मनाई व निवारण) अधिनियम 2013 नुसार प्रत्येक कार्यालयीन / कामाच्या ठिकाणी तक्रार निवारण समिती गठीत करणे अनिवार्य करण्यात आले आहे. यापुर्वी अशा समित्या काही कार्यालयाने स्थापन केल्या आहेत त्या अद्यावत कराव्यात. या अंतर्गंतची तक्रार समिती गठीत करुन त्याचा अहवाल जिल्हा महिला व बाल विकास अधिकारी कार्यालयास iccdwcdned@gmail.com या ई-मेलवर उपलब्ध करुन देण्यात यावा, असे आवाहन जिल्हा महिला व बाल विकास अधिकारी डॉ. अब्दूल रशिद शेख यांनी केले आहे.   

शासकीय, निमशासकीय, खाजगी कार्यालये, संघटना, शासन अनुदानित संस्था, महामंडळे, आस्थापना संस्था, ज्याची शासनाने स्थापना केली असेल किंवा नियंत्रणाखाली असेल किंवा पुर्ण किंवा अंशत: प्रत्यक्ष अथवा अप्रत्यक्ष निधी शासनामार्फत किंवा स्थानिक प्राधिकरण किंवा शासकीय कंपनी, नगरपरिषद, सहकारी संस्था किंवा कोणत्याही खाजगी क्षेत्र कंपनी किंवा खाजगी उपक्रम, संस्था, इंटरप्रायजेस, अशासकीय संघटना सोसायटी ट्रस्ट, उत्पादक, पुरवठा, वितरण व विक्री यासह वाणिज्य व्यावसायिक, शैक्षणिक, करमणूक, औद्योगिक इत्यादी सेवा किंवा वित्तीय कामकाज पार पाडणारे युनिट किंवा सेवा पुरवठादार, रुग्णालये, सुश्रुषालये, क्रिडा संस्था, प्रेक्षागृहे इत्यादी ठिकाणी अंतर्गत तक्रार निवारण समिती गठीत करणे बंधनकारक आहे. ज्या आस्थापनेवर 10 किंवा त्यापेक्षा जास्त अधिकारी-कर्मचारी असतील अशा कार्यालयीन किंवा कामाच्या ठिकाणी महिलांच्या लैंगिक छळापासून संरक्षणासाठी स्वंतत्र अधिनियम करण्यात आले आहे. 

अधिनियमातील कलम 26 मध्ये जर एखादया मालकाने (अ) अंतर्गत तक्रार समिती स्थापन केली नाही. (ब) अधिनियमातील कलम 13,14,22 नुसार कारवाई केली नाही (क) या कायद्यातील व नियमातील विविध तरतुदीचे व जबाबदारीचे पालन न केल्यास 50 हजार रुपयापर्यत दंड होईल तसेच हाच प्रकार पुन्हा केल्यास लायसन्स रद्द, दुप्पट दंड अशी तरतूद आहे, असे जिल्हा महिला बाल विकास अधिकारी यांनी प्रसिध्दी पत्रकाद्वारे कळविले आहे.

00000