जिल्हा ग्रंथालय अधिकारी कार्यालयात

वाचन प्रेरणा दिनानिमीत्त कार्यक्रम

          नांदेड, दि. 14 :- भारताचे माजी राष्ट्रपती दिवंगत डॉ.ए.पी.ज.अब्दूल कलाम यांच्या जन्म्‍दिन 15 ऑक्टोंबर  हा "वाचन प्रेरणा दिन"म्हणून साजरा करण्यात येत असून त्यानिमीत्त  जिल्हा ग्रंथालय अधिकारी कार्यालय नांदेडच्यावतीने ग्रंथप्रदर्शन व व्याख्यानाचे आयोजन करण्यात आले आहे.

     या कार्यक्रमाचे उद्घाटन धर्मदाय उपआयुक्त किशोर मसने यांच्या हस्ते होणार असून अध्यक्षस्थानी मराठवाडा साहित्य परिषदेच्या नांदेड शाखेचे अध्यक्ष प्रभाकर कानडखेडकर हे राहाणार आहेत. याप्रसंगी स्वामी रामानंद तीर्थ मराठवाडा विदयापीठातील माहितीशास्त्रज्ञ रणजीत धर्मापुरीकर यांचे }आधुनिक युगातील वाचनांच्या संधी( याविषयावर वाचकांना माहिती देणार आहेत. या कार्यक्रमास प्रमुख पाहुणे म्हणून साहित्यीक डॉ.जगदिश कदम तसेच नांदेड जिल्हा ग्रंथालयाचे सचिव राजेंद्र हंबीरे हे प्रमुख पाहुणे म्हणून उपस्थित राहणार आहेत.

            हा कार्यक्रम जिल्हा ग्रंथालय अधिकारी कार्यालय, बहुददेशीय सांस्कृतिक संकुल, श्री गुरु गोंविदसिंघजी स्टेडीयम परिसर नांदेड येथे सायं 4.30 वाजता सुरु होणार असून नागरिकांने मोठया संख्यने उपस्थित राहुन कार्यक्रमाचा लाभ घ्यावा  तसेच जिल्हयातील सर्व शासनमान्य सार्वजनिक वाचनालयांनी ग्रंथ भेट,चर्चासत्र,व्याख्यान, ग्रंथप्रदर्शन,वाचन दिन, अध्यपान दिन साजरा करणे इत्यादी वाचनाची आवड विदयार्थी, वाचकात रुजविण्याच्या अनुषंगाने कार्यक्रमाचे आयोजन करण्याचे अहवान जिल्हा ग्रंथालय अधिकारी  आशिष ढोक यांनी केले आहे.

00000

सामान्‍य तसेच दिव्‍यांग मतदाराच्‍या मतदान

जागृतीसाठी पथनाट्याचे सादरीकरण

नांदेड, दि. 14 :- महाराष्ट्री विधानसभा सार्वत्रिक निवडणुका 2019 अंतर्गत 87- दक्षिण नांदेड विधानसभा मतदार संघात दिव्यांग मतदारांचा मतदानातील सहभाग वाढविण्यासंदर्भात निवडणुक आयोगाने दिव्यांग मतदार जनजागृतीवर भर दिला असुन या अभियानाअंतर्गत 'माझं मत माझा स्वाभिमान' या पथनाट्याचे 10 ऑक्टोंबर 2019 रोजी लोहा तालुक्यातील झरी येथे, 11 ऑक्टोबर 2019 रोजी खरबी, बेटसांगवी तसेच शंकरराव चव्हाण सभागृह नांदेड येथे संपन्न झालेल्या 86 उत्तर नांदेड विधानसभा मतदार संघामार्फत आयोजीत करण्यात आलेल्या केंद्राध्यक्ष व मतदान अधिकारी यांचे प्रशिक्षणात व 12 ऑक्टोंबर 2019 रोजी शंकरराव चव्हाण सभागृह नांदेड येथे संपन्न झालेल्या 87 दक्षिण नांदेड विधानसभा मतदारसंघामार्फत आयोजीत करण्यात आलेल्या केंद्राध्याक्ष व मतदान अधिकारी यांचे प्रशिक्षणात परीणामकारक सादरीकरण करण्यात आले आहे. दिव्यांग कक्ष प्रमुख डॅा.अशेाक सिद्धेवाड लिखीत व प्रा.डॅा.महेश पाटील कारलेकर, प्रा.डॅा. सुग्रीव फड दिग्दर्शीत 'माझं मत माझा स्वाभिमान' या पथनाट्याचे सादरीकरण करण्यात आले.

या माध्यमातुन सामान्य मतदार व दिव्यांग मतदारांचा मतदानात सहभाग वाढावा या दृष्टीने निवडणूक विभाग प्रयत्नयशील आहे. तसेच दिव्यांग मतदारांना मतदानाचे दिवशी पुरविण्यात येणाऱ्या विविध सुविधांबाबत माहिती देण्यात येत आहे. या पथनाट्याचे सादरीकरण दिव्यांग कक्षाचे विद्यार्थी सुरज मंत्री, मारुती कदम, केदार जोशी, चैतन्यी अर्जुने, ऋषीकेश यादव व कृष्णायकांत अभंगे यांनी केले आहे. यावेळी संबंधीत गावातील मतदान केंद्रस्तस्तरीय अधिकारी (B.L.O.) व ग्रामस्थ मोठ्या प्रमाणावर उपस्थित होते. बेटसांगवी गावातील जिल्हा परिषद शाळेतील इयत्ता सहावीच्या वर्गातील विद्यार्थीनीं कु. राणी उमाजी वानखेडे , कु. स्वाती पांडुरंग वानखेडे, कु. साक्षी संभाजी वानखेडे, कु. श्रेया रोहीदास वानखेडे. कु. किरण निवृत्ती वानखेडे, शुभंगी संतोष वानखेडे यांनी ''मतदानाला या हो'' हे पथनाट्य शाळेतर्फे सादर केले.  

यात दिव्यांग मतदारांनी मतदानात जास्तीत जास्त प्रमाणात सहभाग नोंदवावा, असे आवाहन निवडणूक निर्णय अधिकारी 87- दक्षिण नांदेड विधानसभा मतदार संघ तथा उपविभागीय अधिकारी लतीफ पठाण यांनी केले आहे. तसेच त्यासाठी सहा. निवडणुक निर्णय अधिकारी तथा तहसीलदार अरुण जऱ्हाड, नायब तहसीलदार सौ.उर्मीला कुलकर्णी व पीडब्लुडी कक्षातील प्रा डॅा. अशेाक सिद्धेवाड, प्रा. डॅा.. सुग्रीव फड, प्रा.डॅा.महेश पाटील, योगेश प्रमोदराव कुलकर्णी हे प्रयत्नाशील आहेत.

00000