वृत्त  

५-औरंगाबाद विभाग पदवीधर मतदारसंघ निवडणूक

एका उमेदवाराची निवडणुकीतून माघार

छत्रपती संभाजीनगर, दि. ८ : ५-औरंगाबाद विभाग पदवीधर मतदारसंघ निवडणूक २०२६ प्रक्रियेत आज वैधपणे नामनिर्दिष्ट उमेदवारांपैकी अंकुश रामराव शिंदे यांनी आपली उमेदवारी मागे घेतली. याबाबतची सूचना नमुना-६ मध्ये सादर करण्यात आली आहे. 

७ ऑक्टोबर रोजी झालेल्या छाननीअंती ५४ उमेदवारांचे अर्ज वैध ठरले होते. त्यापैकी एका उमेदवाराने माघार घेतल्याने आता ५३ उमेदवार निवडणूक रिंगणात आहेत.

उमेदवारी अर्ज मागे घेण्याची अंतिम मुदत ९ ऑक्टोबर आहे. त्यानंतर अंतिम उमेदवारांची यादी स्पष्ट होईल.

या निवडणुकीसाठी २३ ऑक्टोबर रोजी सकाळी ८ ते सायंकाळी ४ या वेळेत मतदान, तर २७ ऑक्टोबर रोजी मतमोजणी होणार आहे.

**