निवडणुक कालावधीत शासनाने जप्‍त केलेल्‍या रक्‍कमा परत करण्‍याबाबत समितीची स्‍थापणा.

     मा.भारत निवडणूक आयोगाचे पत्र क्र.76/Instructions/EEPS/2015/Vol-II Dated 29.05.2015 मधिल परिच्‍छेद 16 Release of cash मध्‍ये नमुद केल्‍यानुसार Police / flying Squads / SST ईत्‍यादी मार्फत जप्‍त करण्‍यात आलेल्‍या रक्‍कमा Release करताना नागरिकाना सोयीस्‍कर होण्‍यासाठी खालीलप्रमाणे समिती गठीत करणे बाबत निर्देश देण्‍यात आलेले आहेत. यानुसार समितीने जप्‍त करण्‍यात आलेल्‍या रक्‍कमांची Suo-motu चौकशी करेल आणि समितीच्‍या चौकशीअंती सदर रक्‍कमेचा संबंध निवडणुक/ राजकीय पक्ष / उमेदवार यांचेशी नसल्‍यास सदर रककम संबंधितास Standard operating procedure नुसार तात्‍काळ परत करण्‍यात यावी असे निर्देश देण्‍यात आले आहे. यासाठी समितीमध्‍ये अध्‍यक्ष म्‍हणून श्री अशोक काकडे (भा.प्र.से.) मुख्‍य कार्यकारी अधिकारी, जि.प.नांदेड तर सदस्‍य श्री मनोज गगड, जिल्‍हा कोषागार अधिकारी, नांदेड आणि श्री शिवप्रसाद जटाळे, सहा.संचालक स्‍थानिक निधि लेखा, नांदेड यांचा समावेश आहे.

एमसीएमसी समितीच्‍या मिडिया सेंटरमध्‍ये

जिल्‍ह्यातील रेडिओ प्रतिनिधी व प्रकाशकांची बैठक संपन्‍न

नांदेड,दि. 3ः- १६- लोकसभा निवडणूकीदरम्‍यान प्रचार आणि प्रसार माध्‍यमातून प्रचार करण्‍यात येणा-या साहित्‍याविषयी तसेच संख्‍या यासंदर्भात आकाशवाणीवरुन प्रसारित होणा-या प्रचारपर जाहिरातीच्‍या प्रमाणकीकरण करुन घेवूनच प्रसारित करावी. प्रकाशक , मुद्रक आणि विविध एफएम वाहिन्‍यांचे प्रतिनिधी यांची जिल्‍हाधिकारी कार्यालयाच्‍या मिडिया कक्षात आज बैठक घेण्‍यात आली.

या बैठकीस माहिती अधिकारी तथा सदस्‍य सचिव श्रीमती मीरा ढास, प्रा. डॉ. दीपक शिंदे, जनसंपर्क अधिकारी मिलींद व्‍यवहारे, श्री. जटाळे आदि सदस्‍यांची या बैठकीस उपस्थिती होती.

या बैठकीदरम्‍यान प्रचार साहित्‍यासंदर्भात उमेदवारांनी छापाई केलेला मजकूर आणि छापिल प्रतींची संख्‍या याची माहिती प्रमाणन करुन घेण्‍यासाठी प्रथम एमसीएमसी कमिटीकडे देणे आवश्‍यक आहे. तसेच आकाशवाणीवरुन प्रसारित होणा-या जिंगल्‍स किंवा जाहिराती याही प्रमाणित करुन घेवूनच प्रसारित करण्‍यात याव्‍यात. समाज माध्‍यमावरुन प्रसारित करण्‍यात येणा-या जाहिराती तसेच या अनुषंगाने येणा-या विविध परवानग्‍या देण्‍यासंदर्भात जिल्‍हा प्रशासन अधिकारी राजेंद्र चव्‍हाण यांनी मार्गदर्शन केले.

प्रकाशक डॉ. आबासाहेब कल्‍याणकर, सुनिल गोधणे, सु.ग. चव्‍हाण, शिवानंद सुरकुटवार, साहेबराव शंकरराव बेळे, आकाशवाणीचे कार्यक्रम अधिकारी व्‍ही.आर. वाघमारे, रेडिओचे प्रतिनिधी दीपक रत्‍नपारखी (रेड एफएम), शशिकांत महामुणे (माय एफएम), संकेत इनामदार (रेड एफएम), आर. पी. आत्राम (ऑल इंडिया रेडिओ), गौतम पट्टेबहादूर (ऑल इंडिया रेडिओ), शंकर भोसले  (रेडिओ सिटी) यांची उपस्थिती होती.

0000

दिव्‍यांग मतदार जनजागृतीसाठी

"माझं मत माझा स्‍वाभिमान" हे पथनाट्य सादर

नांदेड, दि. 3 :- 17 व्‍या लोकसभा सार्वत्रीक निवडणुक 2019 मतदान प्रक्रीयेतील सर्वांचा स‍हभाग वाढावा यासाठी 86 उत्‍तर नांदेड मतदार संघात दिव्‍यांग मतदारांमध्‍ये जनजागृतीचे कार्यक्रम सात्‍यत्‍याने चालु आहेत.  या कार्यक्रमांतर्गत पुनश्‍च 2 एप्रिल  2019 रोजी कामठा (बू.)  येथील जिल्‍हा परिषद शाळा येथे दिव्‍यांग मतदारांसाठी "माझं मत माझा स्‍वाभिमान" हे पथनाट्य सादर केले. "माझं मत माझा स्‍वाभिमान" या पथनाट्याद्वारे लोकशाहीतील प्रत्‍येकाच्‍या मताचे महत्‍व तसेच दिव्‍यांगासाठी निवडणुक विभागाद्वारे मतदान केंद्रावर पुरविण्‍यात येणा-या सोयी सुविधांबाबत मतदारांचे  प्रबोधन करण्‍यात आले.

यावेळी संबंधीत मतदान केंद्रस्‍तरीय अधिकारी उपस्थित होते. तसेच गावातील दिव्‍यांग मतदारांनी, नागरिक व विद्यार्थी यांनी उपस्थित राहून पथनाट्यास उत्‍स्पूर्तपणे प्रतीसाद दिला. या कार्यक्रमाप्रसंगी कामठा (बू.) येथील सहशिक्षक शेख हमीद पाशा इब्राहीम यांनी आपले मनोगत व्‍यक्‍त करुन निवडणूक विभागाने  केलेल्‍या जनजागृती बद्दल आभार व्‍यक्‍त केले. या प्रसंगी कार्यक्रमाची प्रस्‍तावना प्रा. डॉ. महेश पाटील यांनी केली.

या कार्यक्रमासाठी विधी महाविद्यालयाचे  विद्यार्थी सुरज मंत्री, मारोती कदम, केदार जोशी, कर्णधार मगर, चैतन्‍य अर्जुने व रुषीकेश यादव यांनी पथनाट्य कलाकार म्‍हणून आपला सहभाग नोंदवला.

सहय्यक निवडणूक अधिकारी श्रीमती. अनुराधा ढालकरी व नायब तहसिलदार स्‍नेहलता स्‍वामी  यांच्‍या मार्गदर्शनाखाली सदर कक्षाचे प्रमुख प्रा.डॅा. अशेाक सिद्धेवाड, प्रा. डॅा. महेश पाटील कार्लेकर, प्रा. डॅा. सुग्रीव फड,    प्रा. डॅा. दत्‍ता मेहत्रे  दिव्‍यांग मतदारांचे मतदाणात 100 टक्‍के सहभागी होण्‍याच्‍या दृष्‍टीकोणातुन विशेष प्रयत्‍न करत आहेत.

0000

लोकसभा सार्वत्रिक निवडणूक   

मतदारांना मतदानाच्या दिवशी

18 एप्रिल रोजी मतदानासाठी सुट्टी

नांदेड, दि. 3 :- लोकसभा निवडणूक मतदानासाठी सदर क्षेत्रातील मतदारांना त्यांचा मतदानाचा हक्क बजावता यावा यासाठी गुरुवार 18 एप्रिल 2019 रोजी सुट्टी अथवा दोन तासांची सवलत देण्यात येणार आहे.  

त्यानुसार मतदान क्षेत्रात मतदार असलेले कामगार, अधिकारी, कर्मचाऱ्यांना मग ते कामानिमित्त निवडणूक होणाऱ्या क्षेत्राबाहेबर कार्यरत असले तरीही त्यांना निवडणुकीच्या दिवशी मतदानाचा हक्क बजावण्यासाठी भरपगारी सुट्टी देण्यात येणार आहे.

ही सुट्टी सर्व आस्थापना, कारखाने, दुकाने आदींना लागू राहील. जसे राज्य शासन, केंद्र शासन व खाजगी कंपन्या यामधील आस्थापना, सर्व दुकाने व इतर आस्थापना, निवासी हॉटेल, खाद्यगृहे, नाट्यगृहे, व्यापार, औद्योगिक उपक्रम किंवा इतर आस्थापना तसेच माहिती व तंत्रज्ञान कंपन्या, शॉपिंग सेंटर, मॉल्स, रिटेलर्स आदी.

अपावादात्मक परिस्थितीत कामगार, अधिकारी, कर्मचारी इत्यादींना पूर्ण दिवस सुट्टी देणे शक्य नसेल तर मतदान क्षेत्रातील कामगारांना मतदानाचा हक्क बजावण्यासाठी सुट्टी ऐवजी केवळ दोन ते तीन तासांची सवलत देता येईल. मात्र त्याबाबत त्यांनी संबंधित महानगरपालिका आयुक्त अथवा जिल्हाधिकारी यांची पूर्ण परवानगी घेणे आवश्यक राहील. कोणत्याही परिस्थितीत मतदारांना मतदानासाठी किमान दोन ते तीन तासांची सवलत मिळेल याची दक्षता संबंधित आस्थापना मालकांनी घेणे आवश्यक राहील.

सर्व आस्थापना, कारखाने, दुकाने इत्यादींच्या मालकांनी / व्यवस्थापनाने आदेशाचे अनुपालन होईल याची खबरदारी घ्यावी. मतदारांकडून मतदानासाठी योग्य ती सुट्टी अथवा सवलत प्राप्त न झाल्याने मतदान करता येणे शक्य न झाल्याबाबत तक्रार आल्यास त्यांच्या विरुद्ध योग्य ती कारवाई करण्यात येईल, असे उद्योग, ऊर्जा व कामगार विभागाचे 15 मार्च 2019 रोजीच्या शासन परिपत्रकात नमूद करण्यात आले आहे, अशी माहिती नांदेडचे सहाय्यक कामगार आयुक्त मोहसीन अ. सय्यद यांनी प्रसिद्धी पत्रकाद्वारे दिली आहे.

00000

प्रचार व प्रसार माध्‍यमांचा प्रचारासाठी

गैरवापर करणाऱ्यांवर जिल्‍हा प्रशासनाची करडी नजर

नांदेड,दि. 31 :- जिल्‍हा माध्‍यम प्रमाणीकरण व संनियंत्रण समिती कक्षात जिल्‍हा प्रशासनाने प्रसार माध्‍यमांद्वारे प्रचारासाठी गैरवापर होवू नये. यासाठी जिल्‍हा माध्‍यम प्रमाणीकरण व संनियंत्रण समितीमार्फत करडी नजर ठेवण्‍यात येत आहे. आदर्श आचार सहिंतेचा भंग होवू नये यासाठी प्रचार व प्रसार माध्‍यमांचा प्रसारासाठी गैरवापर करणा-यावर तसेच विनापरवानगी प्रचार करणा-यावर कार्यवाही करण्‍याचे निर्देश जिल्‍हाधिकारी तथा जिल्‍हा निवडणूक निर्णय अधिकारी अरुण डोंगरे यांनी भेटी दरम्‍यान दिले.

या दरम्‍यान जिल्‍ह्यात वर्तमानपत्रामध्‍ये येणा-या बातम्‍या, वृत्‍त, लेख तसेच समाजमाध्‍यमांतील व्‍हॉट्स अप ग्रुपवरील विनापरवानगी पोस्‍ट, मोबाईलद्वारे एसएमएस, बल्‍क एसएमएस अथवा प्रचार करणा-या तसेच सेवा पुरवविणा-या एजन्‍सीना यावेळी नोटीसा बजावल्‍या आल्‍या असून यासंदर्भात कारवाईचे निर्देशही त्‍यांनी समिती सदस्‍यांना यावेळी दिले.

तसेच विविध भाषेतील ऊर्दू, हिंदी, इंग्रजी या माध्‍यमातील दैनंदिन वृत्‍त अहवालाची तपासणी केली. मिडिया कक्ष स्थित स्‍थानिक वृत्‍त वाहिन्‍यांसह विविध वृत्‍त वाहिन्‍यांवरुन प्रसारित झालेल्‍या बातम्‍यांचाही यावेळी आढावा घेण्‍यात आला.  

उमेवारांचे फेसबुक, व्टिटर, इन्‍स्‍टाग्राम, युट्युब, व्‍हॉट्स अप या समाज माध्‍यमातून आक्षेपार्ह मजकूर अथवा ऑडिओ, व्हिडीओ क्लिप, संदेशातील मजकूर यासंदर्भात समितीने दैनंदिन अहवाल सादर करण्‍याच्‍या सुचनाही जिल्‍हाधिकारी तथा निवडणूक निर्णय अधिकारी अरुण डोंगरे यांनी सुचना केल्‍या.

यावेळी उपजिल्‍हाधिकारी निवडणूक प्रशांत शेळके, जिल्‍हा प्रशासन अधिकारी राजेंद्र चव्‍हाण, माहिती अधिकारी तथा सदस्‍य सचिव श्रीमती मीरा ढास, प्रा. डॉ दीपक शिंदे समिती सदस्‍यांची उपस्थिती होती. मिलिंद व्‍यवहारे यांचीही यावेळी उपस्थिती होती.

0000

वृत्त क्र. 253

लोकसभा सार्वत्रिक निवडणूक

18 एप्रिलला मतदानाच्या दिवशी

भरणारे आठवडी बाजार बंद राहणार

नांदेड, दि. 31 :-  लोकसभा सार्वत्रिक निवडणुकीच्या मतदानाच्या दिवशी गुरुवार 18 एप्रिल 2019 रोजी जिल्ह्यात भरणारे सर्व आठवडी बाजार बंद ठेवण्याचे आदेश मार्केट ॲड फेअर ॲक्ट 1862 चे कलम 5 अन्वये जिल्हाधिकारी तथा जिल्हदंडाधिकारी अरुण डोंगरे यांनी निर्गमीत केले आहेत.   

जिल्ह्यात लोकसभा सार्वत्रिक निवडणूक-2019 साठी नांदेड, हिंगोली व लातूर या लोकसभा मतदारसंघातील किनवट, हदगाव, भोकर, नांदेड उत्तर, नांदेड दक्षिण, लोहा, नायगाव, देगलूर व मुखेड या नऊ विधानसभा मतदारसंघात गुरुवार 18 एप्रिल 2019 रोजी मतदान होणार आहे. त्याअनुषंगाने पणन संचालक महाराष्ट्र राज्य पुणे यांनी मतदान दिनांकास जिल्ह्यात भरणारे सर्व आठवडी बाजार बंद ठेवण्यास परवानगी दिली आहे.  

गुरुवार 18 एप्रिल 2019 रोजी आठवडी बाजार भरणाऱ्या गावांची ठिकाणाची नावे पुढील प्रमाणे आहेत. अर्धापूर तालुका – मालेगाव, नायगाव खै.- नायगाव (बा.), भोकर, हदगाव- वाळकी खु, ल्याहारी (वाळकी फाटा), तळणी. किनवट- उमरी बा., बेल्लोरी (धा.). देगलूर- लोणी, बिलोली, मुखेड- बेटमोगरा, राजुरा बु, नांदेड- सिडको, कंधार- कुरुळा, मंगलसांगवी या ठिकाणची आठवडी बाजार दुसऱ्या दिवशी म्हणजे शुक्रवार 19 एप्रिल 2019 रोजी भरविण्यात यावेत, असे आदेशात म्हटले आहे.

0000

मौजे ब्रम्हपुरी गोदावरी नदीच्या

पात्र परिसरात कलम 144 लागू

नांदेड, दि. 31 :- मौजे ब्रम्हपुरी येथील गोदावरी नदी पात्र परिसरात शांतता व सुव्यवस्था अबाधीत रहावी यासाठी फौजदारी प्रक्रिया संहिता 1973 चे कलम 144 प्रमाणे नांदेड ग्रामीण पोलीस स्टेशनच्या हद्दीतील नदी पात्रातील परिसर प्रतिबंधीत क्षेत्र म्हणून 27 मार्च 2019 पासून घोषित करण्यात आले आहे. त्याबाबत जिल्हादंडाधिकारी कार्यालयाने आदेश निर्गमीत केले आहेत.

याबंदी आदेशात म्हटले आहे की, फौजदारी प्रक्रिया संहिता 1973 चे कलम 144 नुसार प्राप्त अधिकाराचा वापर करुन चतु:सिमा पुर्वेस वाजेगाव कोल्हापुरी बंधारा, पश्चिमेस नांदेड ते देगलूरकडे जाणाऱ्या रोडवरील जुना पूल, दक्षिणेस गोदावरीचे नदीचे पात्र आणि उत्तरेस चिल्ला / दर्गाची संरक्षण भिंत यामधील जागा 27 मार्च रोजी सकाळी 6 वाजेपासून ते 26 एप्रिल 2019 रोजीच्या मध्यरात्री पर्यंत फौजदारी प्रक्रिया संहिता 1973 चे कलम 144 प्रमाणे प्रतिबंधीत क्षेत्र म्हणून जिल्हादंडाधिकारी यांनी घोषित केले आहे.

हा आदेश शासकीय कर्तव्यावरील अधिकारी व कर्मचारी, एक खिडकी पथकातील अधिकाऱ्यांनी परवानगी दिलेल्या भाविकांना तसेच ज्यांना जिल्हाधिकारी नांदेड व पोलीस अधीक्षक नांदेड यांनी परवानगी दिली अशा व्यक्तींना लागू राहणार नाही.

00000