वृध्द
साहित्यीक कलावंत निवडीसाठी
प्रत्यक्ष
प्रात्यक्षिकाचे आयोजन
नांदेड , दि. 5 :- जिल्ह्यातील पात्र वृद्ध कलावंतासाठी
जिल्हा परिषद समाज कल्याण विभागामार्फत राबविण्यात येणाऱ्या वृद्ध साहित्यीक
कलावंत व मानधन योजनेंतर्गत जिल्हास्तरीय निवड समितीकडून कलावंताची निवड
करण्यासाठी शुक्रवार 7 जुलै व शनिवार 8 जुलै 2017 रोजी जिल्हा परिषदेच्या यशवंतराव
चव्हाण सभागृहात सकाळी 11 ते सायंकाळी 6 यावेळेत प्रत्यक्ष प्रात्यक्षिक घेऊन अंतिम
निवड करण्यात येणार आहे.
त्यानुसार सन
2015-16 व सन 2016-17 या वर्षातील पात्र
120 कलावंताची अंतिम निवड करण्यासाठी शुक्रवार 7 जुलै रोजी नांदेड, अर्धापूर,
मुदखेड, किनवट, माहूर, हिमायतनगर, भोकर नायगाव
व शनिवार 8 जुलै रोजी कंधार, लोहा, मुखेड, देगलूर, बिलोली, धर्माबाद, उमरी,
हदगाव या तालुक्यासाठी निवड करण्यात येणार आहे. प्रत्यक्ष प्रात्यक्षिक कला सादर
करण्यासाठी आवश्यक असणारे सर्व साहित्य, मुळ अर्जाची प्रत, ओळखपत्रासाठी आधार
कार्ड व पासपोर्ट साईजचा एक फोटो सोबत आणावा. जे कलाकार अनुपिस्थत राहतील त्यांची
अंतिम निवड यादीसाठी विचार केला जाणार नाही याची नोंद घ्यावी, असे आवाहन निवड समितीचे
अध्यक्ष लक्ष्मीकांत तांबोळी व सदस्य सचिव
तथा अतिमुख्य कार्यकारी अधिकारी जिल्हा परिषद नांदेड यांनी केले आहे.
000000
