“उज्ज्वल नांदेड” अंतर्गत

एमपीएससी टॉपर्सचे आज मार्गदर्शन

नांदेड दि. 4 :- स्पर्धा परीक्षेची तयारी करणाऱ्या विद्यार्थ्यांसाठी जिल्हा प्रशासनाच्यावतीने सुरु करण्यात आलेल्या “उज्ज्वल नांदेड” अभियानांतर्गत बुधवार 5 जुलै 2017 रोजी दुपारी 3 वा. स्पर्धा परीक्षा मार्गदर्शन शिबिराचे आयोजन डॉ. शंकरराव चव्हाण प्रेक्षागृह नांदेड येथे करण्यात आले आहे.

 जिल्हाधिकारी अरुण डोंगरे यांचे अध्यक्षतेखाली होणाऱ्या या शिबिरात महाराष्ट्र लोकसेवा आयोगाच्या उपजिल्हाधिकारी या पदासाठी महाराष्ट्रातून प्रथम आलेले भूषण अहिरे, व्दितीय आलेले श्रीकांत गायकवाड, पोलिस उपअधिक्षक सुदर्शन पाटील, अश्विनी शेंडगे, सोनाली कदम व तहसीलदार श्रीकांत निळे पाटील व मार्गदर्शक प्रा. मनोहर भोळे  या सर्वांचे मार्गदर्शन  व त्यांच्याशी संवाद साधण्याची संधी लाभणार आहे.

याप्रसंगी प्रमुख अतिथी म्हणून जिल्हा पोलीस अधिक्षक चंद्रकिशोर मिना, महानगरपालिका आयुक्त गणेश देशमुख,अप्पर जिल्हाधिकारी संतोष पाटील, निवासी उपजिल्हाधिकारी जयराज कारभारी यांची प्रमुख उपस्थिती राहणार आहे. यावेळी मान्यवरांचे हस्ते या सर्व टॉपर्संचा सत्कार होणार आहे. या मार्गदर्शन ‍शिबिरास उपस्थित राहण्याचे आवाहन जिल्हा प्रशासनाच्यावतीने जिल्हा ग्रंथालय अधिकारी सुनील हुसे यांनी केले आहे.

000000