वृत्त क्र. 762

मच्छीमारांना व मत्स्य शेतकऱ्यांना किसान क्रेडिट कार्ड योजनेचा लाभ घेण्याचे आवाहन 

नांदेड दि. 24 जुलै :- शासनाने मत्स्य शेतकऱ्यांना, मस्त्यसंवर्धकांना त्यांच्या तलाव प्रकल्पास मत्स्यबीज, मत्स्यखाद्य, होडी मत्स्य जाळे इ. अनुषंगिक बाबी खरेदी करण्यास खेळते भांडवल उपलब्ध होण्यासाठी किसान क्रेडीट कार्ड ही योजना सुरु केली आहे. तरी नांदेड जिल्ह्यातील जास्तीत जास्त मच्छिमारांनी किसान क्रेडिट कार्ड योजनेचा लाभ घ्यावा, असे आवाहन मत्स्यव्यवसाय विभागाचे सहाय्यक आयुक्त विक्रम कच्छवे यांनी केले आहे.

किसान क्रेडिट कार्ड योजनेत मच्छिमारांना अल्प व्याजदरात रोख रकमेच्या स्वरुपात खेळते भांडवल उपलब्ध होण्यासाठी व या योजनेचा लाभ मिळवून देण्यासाठी सहाय्यक आयुक्त मत्स्यव्यवसाय नांदेड यांचे कार्यालय नवीन प्रशासन भवन, शासकीय निवासस्थान, बिल्डिंग क्रमांक-२ , तळमजला, गट क्रमांक 120 असर्जन, पद्यमजा सिटी रोड, नवीन कौठा परिसर, नांदेड पीन कोड- 431606 येथे अर्ज स्विकारण्यात येत आहेत. अधिक माहितीसाठी कार्यालयीन वेळेत कार्यालयास भेट द्यावी.

000000