नांदेड जिल्ह्यात 5 व्यक्ती कोरोना बाधित तर 3 कोरोना बाधित झाले बरे 

नांदेड (जिमाका) दि. 14 :- जिल्ह्यात आज प्राप्त झालेल्या 571 अहवालापैकी 5 अहवाल कोरोना बाधित आले आहेत. यात आरटीपीसीआर तपासणीद्वारे 5 तर अँटिजेन तपासणीद्वारे निरंक अहवाल बाधित आले आहेत. जिल्ह्यात आजवर एकुण बाधितांची संख्या 90 हजार 287 एवढी झाली असून यातील 87 हजार 603 रुग्णांना रुग्णालयातून सुट्टी देण्यात आली आहे. आजच्या घडीला 33 रुग्ण उपचार घेत असून 4 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे. 

जिल्ह्यात आतापर्यंत बाधित मृत रुग्णांची संख्या 2 हजार 651 एवढी आहे. आजच्या बाधितांमध्ये आरटीपीसीआर तपासणीद्वारे नांदेड मनपा 5 असे एकुण 5 बाधित आढळले. 

आज जिल्ह्यातील एका कोरोना बाधितांना औषधोपचारानंतर सुट्टी देण्यात आली आहे. यात मनपा अंतर्गत एनआरआय भवन गृह विलगीकरण 3 व्यक्तीला रुग्णालयातून सुट्टी देण्यात आली. 

आज 33 कोरोना बाधित रुग्णांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी 9, नांदेड मनपा अंतर्गत गृह विलगीकरण 14, नांदेड जिल्ह्यातील तालुक्यांतर्गत गृह विलगीकरण 6, खाजगी रुग्णालय 4 व्यक्ती उपचार घेत आहेत. 

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 7 लाख 21 हजार 592

एकुण निगेटिव्ह स्वॅब- 6 लाख 18 हजार 389

एकुण पॉझिटिव्ह बाधित व्यक्ती- 90 हजार 287

एकुण रुग्णालयातून सुट्टी दिलेली संख्या- 87 हजार 603

एकुण मृत्यू संख्या-2 हजार 651

उपचारानंतर बाधित रुग्ण बरे होण्याचे प्रमाण 97.2 टक्के

आज स्वॅब तपासणी अनिर्णीत संख्या-निरंक

आज स्वॅब नाकारण्यात आलेली संख्या-11

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती-33

आज रोजी अतिगंभीर प्रकृती असलेले-4

00000

 

 समस्याग्रस्त व पिडीत महिलांसाठी 

20 सप्टेंबर रोजी महिला लोकशाही दिन

जिल्हाधिकारी कार्यालयात स्विकारले जातील अर्ज 

नांदेड, (जिमाका) दि. 14:- समस्याग्रस्त व पिडीत महिलांसाठी सोमवार 20 सप्टेंबर 2021 रोजी महिला लोकशाही दिनी आपले अर्ज विहित नमुन्यात सादर करावे, असे आवाहन जिल्हास्तरीय महिला लोकशाही दिन समितीचे अध्यक्ष तथा जिल्हाधिकारी नांदेड व सदस्य सचिव तथा जिल्हा महिला व बाल विकास अधिकारी नांदेड यांनी केले आहे. 

दर महिन्याच्या तिसऱ्या सोमवारी जिल्हास्तरीय महिला लोकशाही दिन घेण्यात येतो. सोमवार 20 सप्टेंबर 2021 रोजी सकाळी 11 वा. जिल्हाधिकारी नांदेड यांच्या अध्यक्षतेखाली बचत भवन जिल्हाधिकारी कार्यालय परिसर नांदेड येथे महिला लोकशाही दिन होणार आहे. संबंधीत समितीचे सदस्य व शासन निर्णयात नमुद संबंधित विभागाचे अधिकारी यांनी उपस्थित रहावे, असेही आवाहन सदस्य सचिव तथा जिल्हा महिला व बालविकास अधिकारी नांदेड यांनी केले आहे.

0000

अल्पसंख्याक समाजातील विद्यार्थ्यांनी प्रि मॅट्रिक शिष्यवृत्ती योजनेचा लाभ घ्यावा 

नांदेड (जिमाका) दि 14 :- अल्पसंख्याक समाजातील गुणवत्ता धाकर विद्यार्थ्यांसाठी प्रि-मॅट्रिक शिष्यवृत्ती योजनेसाठी ऑनलाईन अर्ज करण्याची प्रक्रिया सुरु झाली आहे. सन 2021-22 साठी केंद्र शासनाच्या www.scholarships.gov.in या संकेतस्थळावर ऑनलाईन अर्ज करायचे आहे. 

यावर्षी ज्या विद्यार्थ्यांची शिष्यवृत्तीसाठी निवड झाली आहे अशा विद्यार्थ्यांनी रिनिवल स्टुडंट म्हणून अर्ज करावा तसेच नवीन विद्यार्थ्यांनी फ्रेश स्टुडंट म्हणून अर्ज करावा. तसेच इयत्ता 1 ली 10 वीच्या सर्व शासकीय, निमशासकीय, खाजगी अनुदानित, विना अनुदानित कायम विना अनुदानित, स्वयंअर्थसहाय्यीत मान्यताप्राप्त शाळांकडून शिक्षण घेणाऱ्या अल्पसंख्याक विद्यार्थ्यांसाठी लागू राहील.अर्जदार विद्यार्थी मागील वर्षी 50 टक्के पेक्षा जास्त गुणाने उत्तीर्ण झालेला असावा.इयत्ता 1 लीच्या विद्यार्थ्यांना गुणांची अट लागू राहणार नाही.पालकांचे वार्षिक उत्पन्न एक लाखापेक्षा कमी असावे.पालकांचे वार्षिक उत्पन्नाचे प्रमाणपत्र हे सक्षम अधिकाऱ्याने प्रमाणित केलेले असावे.शिष्यवृत्ती साठी अर्ज करणा विद्यार्थ्यांना 15 नोव्हेंबर 2021 पर्यत ऑनलाईन अर्ज करता येईल.ऑनलाईन अर्ज करताना काही तांत्रिक अडचण आल्यास शिक्षण विभाग जिल्हा परिषद यांच्याशी संपर्क साधावा.

00000

 मध केंद्र योजनेचा लाभार्थ्यांनी लाभ घ्यावा 

नांदेड (जिमाका) दि 14 :- महाराष्ट्र राज्य खादी व ग्रामोद्योग मंडळामार्फत मध केंद्र योजना (मधमाशापालन) योजना संपूर्ण राज्यात कार्यान्वित झाली आहे. 

लाभार्थी व्यक्तीचे वय 18 वर्षापेक्षा जास्त असावे तसेच त्यांच्याकडे स्वंताच्या मालकीची शेती असावी. तो 10 वी उत्तीर्ण असावा तसेच त्यांच्याकडे किंवा त्यांच्या कुटुंबातील कोणत्याही व्यक्तीच्या नावे 1 एकर शेती जमीन किंवा भांडे तत्वावर घेतलेली शेती जमीन, लाभार्थ्यांकडे मधमाशा पालन प्रजनन व मध उत्पादन बाबतीत लोकांना प्रशिक्षण देण्याची क्षमता किंवा सुविधा असावी तसेच 10 दिवसांचे प्रशिक्षण पूर्ण केलेले असावे. 

निवड झालेल्या लाभार्थ्यांनी मध व्यवसाय सुरु करण्यापूर्वी मंडळास बंधपत्र लिहुन देणे अनिवार्य असून मंडळाने निश्चित केलेल्या ठिकाणी प्रशिक्षण घेणे अनिवार्य राहील. अधिक माहितीसाठी खादी व ग्रामोद्योग मंडळ जिल्हा कार्यालय उद्योग भवन औद्योगिक वसाहत शिवाजी नगर नांदेड येथे संपर्क साधावा असे आवाहन करण्यात आले आहे.

00000

 मराठवाडा मुक्तीसंग्राम दिन येत्या शुक्रवारी 

नांदेड (जिमाका) दि 14 :- येत्या 17 सप्टेंबर रोजी 73 वा मराठवाडा मुक्तीसंग्राम दिन संपूर्ण मराठवाडा विभागात उत्साहात साजरा करण्यात येणार आहे. सकाळी 8.30 वाजता माता गुजरीजी विसावा उद्यान येथे हुतात्मा स्मारक स्मृतिस्तंभास पुष्पचक्र अपर्ण करण्यात येईल तसेच सकाळी 9 वाजता पालकमंत्री अशोक चव्हाण यांच्या हस्ते मुख्य शासकीय ध्वजारोहण कार्यक्रम संपन्न होईल. राष्ट्रध्वजाचा अवमान होऊ नये यासाठी कोणीही प्लास्टिकच्या राष्ट्रध्वजाचा वापर करु नये असे निर्देश देण्यात आले आहे.

0000

 जिल्ह्यातील 101 केंद्रावर कोविड-19 चे लसीकरण 

नांदेड (जिमाका) दि. 13 :- जिल्हा आरोग्य विभागातर्फे जिल्ह्यातील 101 लसीकरण केंद्रावर कोविड-19 चे लसीकरण व्हावे यादृष्टिने उपलब्ध लस सर्वत्र विभागून पाठविली आहे. यात 18 ते 44 वयोगटासह 45 वर्षावरील व्यक्तींना कोव्हॅक्सीन व कोविशील्ड लसीचा पहिला व दुसरा डोस उपलब्ध करुन दिला आहे. मंगळवार 14 सप्टेंबर 2021 रोजी लसीकरण केंद्रावर उपलब्ध असलेली डोसची संख्या पुढीलप्रमाणे आहे. 

मनपा क्षेत्रातील श्री गुरु गोबिंदसिंघजी जिल्हा रुग्णालय, डॉ. शंकरराव चव्हाण वैद्यकिय महाविद्यालय, शासकीय आयुर्वेदिक महाविद्यालय, स्त्री रुग्णालय, शहरी दवाखाना हैदरबाग, शिवाजीनगर, जंगमवाडी, दशमेश हॉस्पिटल, कौठा, श्रावस्तीनगर (विजयनगर), सिडको, पौर्णिमा नगर, सांगवी, करबला, तरोडा, विनायकनगर, रेल्वे हॉस्पिटल या 17 केंद्रावर कोविशील्ड लसीचे प्रत्येकी 100 डोस व कोव्हॅक्सीन लसीचे प्रत्येकी 100 डोस उपलब्ध करुन दिले आहेत.

शहरी भागात मोडणाऱ्या लसीकरण केंद्रावर उपलब्ध असलेले डोस पुढीलप्रमाणे आहेत. उपजिल्हा रुग्णालय देगलूर, हदगाव, गोकुंदा, मुखेड, ग्रामीण रुग्णालय भोकर, बिलोली, धर्माबाद, हिमायतनगर, कंधार, माहूर, मांडवी, लोहा, मुदखेड, बारड, नायगाव, उमरी या 16 केंद्रावर कोविशील्ड लसीचे प्रत्येकी 100 डोस तसेच कोव्हॅक्सीन लसीचे प्रत्येकी 100 डोस डोस उपलब्ध आहेत. ग्रामीण भागात 68 प्राथमिक आरोग्य केंद्रावर कोविशील्डचे प्रत्येकी 100 डोस देण्यात आले आहेत. 

वरील सर्व लसीकरण केंद्रावर 18 ते 44 वयोगटासह 45 वर्षावरील लाभार्थ्यांना कोविड-19 लसीचा पहिला व दुसरा डोस दिला जाणार आहे. यासाठी ऑनलाईन किंवा लसीकरण केंद्रावर नोंदणी करण्याची सुविधा उपलब्ध करुन दिली आहे. जिल्ह्यात 12 सप्टेंबर 2021 पर्यंत एकुण 11 लाख 64 हजार 354 लाभार्थ्यांचे लसीकरण करण्यात आले. नांदेड जिल्ह्यात 13 सप्टेंबरपर्यत कोविड लसींचा साठा खालीलप्रमाणे प्राप्त झालेला आहे. कोविशिल्डचे 9 लाख 90 हजार 30 डोस, कोव्हॅक्सीनचे 3 लाख 2 हजार 80 डोस याप्रमाणे एकुण 12 लाख 92 हजार 110 डोस प्राप्त झाले आहेत. 

केंद्र शासनाच्या सूचनेनुसार कोविशिल्ड लसीचा पहिला डोस ज्यांनी घेतला आहे त्यांच्या 12 ते 16 आठवडे म्हणजेच सुमारे 84 दिवसानंतर दुसरा डोस दिला जाईल. जिल्ह्यातील सर्व कार्यक्षेत्रामध्ये कोविशील्ड व कोव्हॅक्सीन लस 18 ते 44 वयोगटासाठी व 45 वर्षावरील वयोगटासाठी पहिला व दुसरा डोस उपलब्ध राहील. यासाठी ऑनलाईन व ऑनस्पॉट नोंदणी सुविधा उपलब्ध राहिल. मनपा कार्यक्षेत्रातील लाभार्थ्यांना कोविशील्ड व कोव्हॅक्सीन लस घेण्यासाठी cowin.gov.in या वेबसाईटवर ऑनलाईन नोंदणी करणे अनिवार्य आहे. ऑनलाईन नोंदणी पूर्ण झाल्यानंतर लाभार्थ्यांचे संबंधित केंद्रावर लसीकरण करण्यात येईल. ऑनलाईन नोंदणीची वेळ सायंकाळी 6 पासून पुढे सुरु राहील. लसीचा उपलब्धतेप्रमाणे आरोग्य विभाग याचे नियोजन करेल. नागरिकांनी लसीच्या उपलब्धतेप्रमाणे आरोग्य विभागातील कर्मचाऱ्यांना सहकार्य करावे, असे आवाहन जिल्हा आरोग्य अधिकारी डॉ. बालाजी शिंदे यांनी केले.

00000

 

 जिल्ह्यात नवीन एकही व्यक्ती कोरोना बाधित नाही

दोन कोरोना बाधित उपचारानंतर झाले बरे 

नांदेड (जिमाका) दि. 13 :- जिल्ह्यात आज प्राप्त झालेल्या 649 अहवालामध्ये एकही व्यक्ती कोरोना बाधित आढळली नाही. जिल्ह्यात आजवर एकुण बाधितांची संख्या 90 हजार 282 एवढी आहे. यात 87 हजार 600 रुग्णांना रुग्णालयातून सुट्टी देण्यात आली आहे. आजच्या घडीला 31 रुग्ण उपचार घेत असून 4 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे. 

जिल्ह्यात आतापर्यंत बाधित मृत रुग्णांची संख्या 2 हजार 651 एवढी आहे. आज जिल्ह्यात मनपा अंतर्गत एनआरआय भवन व गृहविलगीकरणातील 2 कोरोना बाधितांना औषधोपचारानंतर सुट्टी देण्यात आली आहे.   

आज 31 कोरोनाबाधित रुग्णांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी 9, नांदेड मनपा अंतर्गत गृह विलगीकरण 12, नांदेड जिल्ह्यातील तालुक्यांतर्गत गृह विलगीकरण 6, खाजगी रुग्णालय 4  व्यक्ती उपचार घेत आहेत.  

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 7 लाख 21 हजार 21

एकुण निगेटिव्ह स्वॅब- 6 लाख 17 हजार 834

एकुण पॉझिटिव्ह बाधित व्यक्ती- 90 हजार 282

एकूण रुग्णालयातून सुट्टी दिलेली संख्या- 87 हजार 600

एकुण मृत्यू संख्या-2 हजार 651

उपचारानंतर बाधित रुग्ण बरे होण्याचे प्रमाण 97.2 टक्के

आज स्वॅब तपासणी अनिर्णीत संख्या-1

आज स्वॅब नाकारण्यात आलेली संख्या-10

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती-31

आज रोजी अतिगंभीर प्रकृती असलेले-4

00000