जिल्ह्यात ग्रामपंचायत निवडणूका सुरळीत सांयकाळी 5-30 पर्यंत 75 ते 87 टक्क्यापर्यंत पोहचले मतदान !

 

जिल्ह्यात ग्रामपंचायत निवडणूका सुरळीत

सांयकाळी 5-30 पर्यंत 75 ते 87 टक्क्यापर्यंत पोहचले मतदान !  

 

नांदेड,दि.15(जिमाका): - जिल्ह्यात 16 तालुक्यातील एकूण 907 ग्रामपंचातीच्या सार्वत्रिक निवडणूकीसाठी मतदान आज शांततेत पार पडले. हिमायतनगर तालुक्यात 75 टक्के तर मुदखेड तालुक्यात सर्वाधिक म्हणजे 85 टक्के एवढे मतदान आज शांततेत पार पडले. तालुकानिहाय आकडेवारी पुढीलप्रमाणे आहे. नांदेड -78.05 टक्के, अर्धापूर -83 टक्के, भोकर -83.57 टक्के , मुदखेड-85 टक्के, हदगाव 79 टक्के, हिमायतनगर -75 टक्के, माहूर -81.35 टक्के, धर्माबाद -83 टक्के , उमरी -84.21 टक्के, बिलोली - 82.46 टक्के , नायगाव -87 टक्के, देगलूर - 84 टक्के, मुखेड -80 टक्के, लोहा -80 टक्के, कंधार-81.37 टक्के एवढे मतदान झाले आहे. किनवट येथे दुपारी 3-30 पर्यंत 71.98 टक्के एवढे मतदान झाले होते.

 

00000

पालकमंत्री अशोक चव्हाण यांच्या नेतृत्वात नांदेड जिल्ह्यात लसीकरणाच्या मोहिमेस होणार प्रारंभ

 

पालकमंत्री अशोक चव्हाण यांच्या नेतृत्वात

नांदेड जिल्ह्यात लसीकरणाच्या मोहिमेस होणार प्रारंभ 

 

नांदेड (जिमाका) दि. 15 :- ज्या लसीची सर्वस्तरातून प्रतिक्षेने वाट पाहिली जात होती त्या एैतिहासिक लसीकरण मोहिमेचा शुभारंभ नांदेड जिल्ह्यात जिल्ह्याचे पालकमंत्री अशोक चव्हाण यांच्या नेतृत्वात दिनांक 16 जानेवारी, 2021 रोजी केला जात आहे. पहिल्या फेरीत शासनाच्या धोरणाप्रमाणे  जिल्ह्यातील सुमारे 17 हजार 99 हेल्थ वर्करना ही लस दिली जाणार आहे. यात 631 वैद्यकीय अधिकारी, 1 हजार 489 परिचारिका, 1 हजार 530 अशा वर्कर्स ,5 हजार 632 अंगणवाडी सेविका, 1 हजार 845 बहुउद्देशीय कर्मचारी, 2 हजार 957 फ्रंटलाईन वर्कर, 1 हजार 323 पॅरामेडिकल, 1 हजार 302 सहाय्यक कर्मचारी, 390 कार्यालयीन संबंधित कर्मचारी यांचा समावेश आहे. राज्याचे सार्वजनिक बांधकाम मंत्री तथा नांदेड जिल्ह्याचे पालकमंत्री या एैतिहासिक लसीकरणाच्या यशस्वीतेसाठी सर्व विभागाशी समन्वय साधून झुमद्वारे सहभागी होत आहेत.

0000

39 कोरोना बाधितांची भर तर एकाचा मृत्यू 34 बाधितांना औषधोपचारानंतर सुट्टी

 

39 कोरोना बाधितांची भर तर एकाचा मृत्यू  

34 बाधितांना औषधोपचारानंतर सुट्टी

नांदेड (जिमाका) दि. 15 :- शुक्रवार 15 जानेवारी 2021 रोजी सायं. 5 वाजेपर्यंतच्या कोरोना अहवालानुसार 34 व्यक्तींचे अहवाल बाधित आले आहेत. यात आरटीपीसीआर तपासणीद्वारे 27 तर ॲटिजेन किट्स तपासणीद्वारे 12 बाधित आले. याचबरोबर उपचार घेत असलेल्या 34 कोरोना बाधित व्यक्तींमध्ये सुधारणा झाल्यामुळे त्यांना रुग्णालयातून सुट्टी देण्यात आली आहे. 

 

आजच्या 674 अहवालापैकी 628 अहवाल निगेटिव्ह आले. जिल्ह्यात एकुण बाधितांची संख्या आता 22 हजार 23 एवढी झाली असून यातील 20 हजार 887 बाधितांना औषधोपचारानंतर सुट्टी देण्यात आली आहे. एकुण 356 बाधितांवर रुग्णालयात औषधोपचार सुरु असून त्यातील 12 बाधितांची प्रकृती अतीगंभीर स्वरुपाची आहे. आजपर्यंत कोविड-19 मुळे जिल्ह्यातील 579 व्यक्तींना आपले प्राण गमवावे लागले आहेत.    

 

आज बरे झालेल्या बाधितांमध्ये शासकीय वैद्यकीय महाविद्यालय विष्णुपुरी 4, मनपा अंतर्गत एनआरआय भवन व गृह विलगीकरण 16,बिलोली तालुक्यातंर्गत 1,हैद्राबाद येथे संदर्भित 1, हदगाव कोविड रुग्णालय 2, मुखेड कोविड रुग्णालय 4, खाजगी रुग्णालय 5 असे एकूण 34 बाधित व्यक्तींना औषधोपचारानंतर सुट्टी देण्यात आली आहे. उपचारानंतर बाधित रुग्ण घरी बरे होण्याचे प्रमाण 94.84 टक्के आहे.  

 

गुरुवार, दिनांक 14 जानेवारी, 2021 रोजी मुखेड तालुक्यातील राजूरा येथील 50 वय वर्षाच्या एका पुरुषाचा शासकीय वैद्यकीय महाविद्यालय, विष्णूपुरी येथे उपचारादरम्यान मृत्यू झाला.

 

आजच्या बाधितांमध्ये आरटीपीसीआर तपासणीद्वारे नांदेड मनपा क्षेत्रात 19, कंधार तालुक्यात 2, हिंगोली 3, नांदेड ग्रामीण 1, माहूर 1, परभणी 1 असे एकुण 27 बाधित आढळले. तर अँटिजेन तपासणीद्वारे नांदेड मनपा क्षेत्र 8, मुखेड तालुक्यात 1, परभणी 1, बिलोली 1, उमरखेड 1, असे एकुण 12 बाधित आढळले.  

 

जिल्ह्यात 356 बाधितांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी नांदेड येथे 26, जिल्हा रुग्णालय कोविड हॉस्पिटल नांदेड येथे 19, जिल्हा रुग्णालय कोविड हॉस्पिटल नांदेड (नवी इमारत) येथे 32, मुखेड कोविड रुग्णालय 8, हदगाव कोविड रुग्णालय 2, महसूल कोविड केअर सेंटर 28, किनवट कोविड रुग्णालय 2, देगलूर कोविड रुग्णालय 8, नांदेड मनपा अंतर्गत गृह विलगीकरण 140, नांदेड जिल्ह्यातील तालुक्यांतर्गत गृह विलगीकरण 56, खाजगी रुग्णालय 35 आहेत.  

 

शुक्रवार 15 जानेवारी 2021 रोजी 5 वा. सद्यस्थित रुग्णालयात उपलब्ध खाटांची संख्या पुढीलप्रमाणे आहे. शासकीय वैद्यकीय महाविद्यालय विष्णुपूरी नांदेड येथे 162, जिल्हा रुग्णालय कोविड हॉस्पिटल येथे 63 एवढी आहे.  

 

जिल्ह्याची कोरोना संशयित व कोविड बाधितांची संक्षिप्त माहिती

एकुण घेतलेले स्वॅब- 1 लाख 94 हजार 306

एकुण निगेटिव्ह स्वॅब- 1 लाख 68 हजार 120

एकुण पॉझिटिव्ह बाधित व्यक्ती- 22 हजार 23

एकूण रुग्णालयातून सुट्टी दिलेली संख्या- 20 हजार 887

एकुण मृत्यू संख्या-579

उपचारानंतर बाधित रुग्ण घरी बरे होण्याचे प्रमाण 94.84 टक्के

आज स्वॅब तपासणी अनिर्णीत संख्या-2

आज स्वॅब नाकारण्यात आलेली संख्या-2 

आज प्रलंबित स्वॅब तपासणी संख्या-395

रुग्णालयात उपचार घेत असलेले बाधित व्यक्ती-356

आज रोजी अतिगंभीर प्रकृती असलेले-12.           

00000

 

माजी सैनिकांच्या अडचणी सोडविण्यासाठी

20 जानेवारीला बैठकीचे आयोजन

नांदेड (जिमाका) दि. 14 :- जिल्ह्यातील माजी सैनिकांचे व सेवारत सैनिकांचे कुटुंबातील सदस्यांचे अडीअडचणी सोडविण्यासाठी व विविध विभागात प्रलंबित असलेल्या प्रकरणे निकाली काढण्यासाठी जिल्हाधिकारी डॉ. विपीन इटनकर  यांच्या अध्यक्षतेखाली बुधवार 20 जानेवारी 2021 रोजी जिल्हाधिकारी कार्यालय नांदेड येथे सकाळी 11.30 वा. बैठकीचे आयोजन करण्यात आले आहे. माजी सैनिकांनी त्यांच्याकडील प्रलंबित अर्जांची  एक  प्रत जिल्हा सैनिक कल्याण कार्यालय नांदेड येथे सोमवार 18 जानेवारी 2021 पर्यंत सादर करावी, असे आवाहन नांदेडचे  जिल्हा सैनिक कल्याण अधिकारी महेश वडदकर  यांनी  केले आहे. या प्रलंबित प्रकरणांचा वेळेत व तातडीने निपटारा करण्यात यावा यासाठी याबैठकीचे आयोजन प्रत्येक महिन्याच्‍या तिसऱ्या बुधवारी करण्यात येते.                   00000

25 कोरोना बाधितांची भर तर  

40 बाधितांना औषधोपचारानंतर सुट्टी

नांदेड (जिमाका) दि. 14 :- गुरुवार 14 जानेवारी 2021 रोजी सायं. 5 वाजेपर्यंतच्या कोरोना अहवालानुसार 25 व्यक्तींचे अहवाल बाधित आले आहेत. यात आरटीपीसीआर तपासणीद्वारे 12 तर ॲटिजेन किट्स तपासणीद्वारे 13 बाधित आले. याचबरोबर उपचार घेत असलेल्या 40 कोरोना बाधित व्यक्तींमध्ये सुधारणा झाल्यामुळे त्यांना रुग्णालयातून सुट्टी देण्यात आली आहे.  

आजच्या 859 अहवालापैकी 827 अहवाल निगेटिव्ह आले. जिल्ह्यात एकुण बाधितांची संख्या आता 21 हजार 984 एवढी झाली असून यातील 20 हजार 853 बाधितांना औषधोपचारानंतर सुट्टी देण्यात आली आहे. एकुण 352 बाधितांवर रुग्णालयात औषधोपचार सुरु असून त्यातील 12 बाधितांची प्रकृती अतीगंभीर स्वरुपाची आहे. आजपर्यंत कोविड-19 मुळे जिल्ह्यातील 578 व्यक्तींना आपले प्राण गमवावे लागले आहेत.     

आज बरे झालेल्या बाधितांमध्ये शासकीय वैद्यकीय महाविद्यालय विष्णुपुरी 2, मनपा अंतर्गत एनआरआय भवन व गृह विलगीकरण 18, देगलूर कोविड रुग्णालय 2, मुखेड कोविड रुग्णालय 1, बिलोली तालुक्यांतर्गत 1, जिल्हा रुग्णालय कोविड हॉस्पिटल नांदेड 2, माहूर तालुक्यांतर्गत 6, हदगाव कोविड रुग्णालय 2, नायगाव तालुक्यांतर्गत 2, खाजगी रुग्णालय 4 असे एकूण 40 बाधित व्यक्तींना औषधोपचारानंतर सुट्टी देण्यात आली आहे. उपचारानंतर बाधित रुग्ण घरी बरे होण्याचे प्रमाण 94.85 टक्के आहे.   

आजच्या बाधितांमध्ये आरटीपीसीआर तपासणीद्वारे नांदेड मनपा क्षेत्रात 8, किनवट तालुक्यात 1, उमरखेड 1, हदगाव 1, मुदखेड 1 असे एकुण 12 बाधित आढळले. तर अँटिजेन तपासणीद्वारे नांदेड मनपा क्षेत्र 3, बिलोली तालुक्यात 2, माहूर 1, नायगाव 1, किनवट 4, उमरी 2 असे एकुण 13 बाधित आढळले.   

जिल्ह्यात 352 बाधितांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी नांदेड येथे 24, जिल्हा रुग्णालय कोविड हॉस्पिटल नांदेड येथे 21, जिल्हा रुग्णालय कोविड हॉस्पिटल नांदेड (नवी इमारत) येथे 27, मुखेड कोविड रुग्णालय 12, हदगाव कोविड रुग्णालय 5, महसूल कोविड केअर सेंटर 28, किनवट कोविड रुग्णालय 4, देगलूर कोविड रुग्णालय 8, नांदेड मनपा अंतर्गत गृह विलगीकरण 130, नांदेड जिल्ह्यातील तालुक्यांतर्गत गृह विलगीकरण 53, हैद्राबाद येथे संदर्भीत 2, खाजगी रुग्णालय 38 आहेत.   

गुरुवार 14 जानेवारी 2021 रोजी 5 वा. सद्यस्थित रुग्णालयात उपलब्ध खाटांची संख्या पुढीलप्रमाणे आहे. शासकीय वैद्यकीय महाविद्यालय विष्णुपूरी नांदेड येथे 164, जिल्हा रुग्णालय कोविड हॉस्पिटल येथे 66 एवढी आहे.   

जिल्ह्याची कोरोना संशयित व कोविड बाधितांची संक्षिप्त माहिती

एकुण घेतलेले स्वॅब- 1 लाख 93 हजार 646

एकुण निगेटिव्ह स्वॅब- 1 लाख 67 हजार 502

एकुण पॉझिटिव्ह बाधित व्यक्ती- 21 हजार 984

एकूण रुग्णालयातून सुट्टी दिलेली संख्या- 20 हजार 853

एकुण मृत्यू संख्या-578

उपचारानंतर बाधित रुग्ण घरी बरे होण्याचे प्रमाण 94.85 टक्के

आज स्वॅब तपासणी अनिर्णीत संख्या-3

आज स्वॅब नाकारण्यात आलेली संख्या-निरंक 

आज प्रलंबित स्वॅब तपासणी संख्या-398

रुग्णालयात उपचार घेत असलेले बाधित व्यक्ती-352

आज रोजी अतिगंभीर प्रकृती असलेले-12.           

00000

 

भवानी चौक वाडी बु ते लिंबगावचा रस्ता

सकाळी 6 ते 9 यावेळेत जडवाहनास प्रतिबंध

नांदेड, (जिमाका)दि. 14 :- भवानी चौक (निळा जंक्शन) वाडी बु. नांदेड पासून ते लिंबगाव पर्यंतचा रस्ता 15 जानेवारी ते 12 फेब्रुवारी 2021 पर्यंत सकाळी 6 ते 9 यावेळेत सायकलींगसाठी अत्यावश्यक सेवेची वाहने, प्रवासी वाहने, शासकिय वाहने वगळता इतर सर्व चारचाकी व जडवाहनास प्रतिबंध करण्यात आला आहे, असे आदेश जिल्हादंडाधिकारी डॉ. विपीन यांनी निर्गमीत केले आहेत. 

मोटार वाहन कायदा 1988 चे कलम 115 नुसार जिल्हादंडाधिकारी डॉ. विपीन इटनकर यांनी नागरिकांच्या आरोग्याच्यादृष्टिने सायकलींगसाठी हा रस्ता 15 जानेवारी ते 12 फेब्रुवारी 2021 या 29 दिवसासाठी सकाळी 6 ते 9 या कालावधीत अत्यावश्यक सेवेची वाहने, शासकीय प्रवासी वाहने व शासकीय वाहने वगळता इतर सर्व चारचाकी व जडवाहनास प्रतिबंधीत केला आहे. या मार्गावरुन केवळ हलकी वाहने (एलएमव्ही) वगळता उर्वरित सर्व जडवाहनास पुर्णपणे प्रतिबंध करण्यात आले आहे. प्रतिबंधीत करण्यात आलेल्या मार्गासाठी पर्यायी मार्ग लिंबगाव-नाळेश्वर-वाघी-नांदेड असा राहिल. या कालावधीत पोलीस विभागाने वाहतुकीचे नियमन व नियंत्रण करावे. या आदेशाचे जो कोणी उल्लंघन करील तो कायदेशिर कार्यवाहीस पात्र राहील, असेही आदेशात स्पष्ट करण्यात आले आहे.

0000

 

सण-उत्सवात ध्वनी वापराची अधिसूचना निर्गमीत

नांदेड (जिमाका) दि. 14 :- ध्वनी प्रदूषण (नियमन व नियंत्रण) नियम 2000 च्या नियम 5 (3) नुसार ध्वनीक्षेपक व ध्वनीवर्धक आदीच्या वापराबाबत श्रोतेगृहे, सभागृहे, सामुहिक सभागृहे आणि मेजवाणी कक्ष यासारख्या बंद जागा खेरीज इतर ठिकाणी जिल्ह्याच्या निकडीनुसार सन 2021 साठी पुढील सण, उत्सव काळात 15 दिवस ध्वनीची विहित मर्यादा राखून सकाळी 6 ते रात्री 12 वाजेपर्यंत करता येईल, अशी अधिसूचना जिल्हाधिकारी डॉ. विपीन इटनकर यांनी निर्गमीत केली आहे. 

या अधिसूचनेत म्हटले आहे की, मा. उच्च न्यायालयाने याचिका क्र. 173 / 2010 दि. 16 ऑगस्ट 2016 रोजी दिलेला आदेश / निकालपत्रामध्ये दिलेल्या सुचनांचे पालन करणे बंधनकारक आहे. यामध्ये शिवजयंती, डॉ. आंबेडकर जयंती, महाराष्ट्र दिन 1 मे, दिवाळी (लक्ष्मीपूजन), ईद-ए-मिलाद, ख्रिसमस, 31 डिसेंबरसाठी एक दिवस. तर गणपती उत्सव 2 दिवस (पहिला दिवस व अनंत चर्तुदशी), नवरात्री उत्सव 3 दिवस (पहिला दिवस, अष्टमी व नवमी ), उर्वरित 3 दिवस ध्वनी प्राधिकरण तथा जिल्हा पोलीस अधीक्षक नांदेड यांच्या शिफारशी नुसार जिल्ह्यातील महत्वाच्या कार्यक्रमासाठी गरजेनुसार जिल्हाधिकारी यांच्या परवानगीने दिले जाईल.

 

या सण उत्सवासाठी ध्वनीवर्धक व ध्वनीक्षेपक वापरण्याबाबतची सूट जिल्ह्यातील शांतता क्षेत्रासाठी लागू नसून त्यांची अंमलबजावणी करण्याची जबाबदारी संबंधीत महानगरपालिका आयुक्त, स्थानिक स्वराज्य संस्था व ध्वनी प्रदूषण नियंत्रण प्राधिकरण यांची राहील.

 

ध्वनी प्रदूषण नियंत्रण प्राधिकरण यांनी ध्वनी प्रदूषण नियम 2000 अंतर्गत प्राप्त तक्रारीवर मा. उच्च न्यायालयाने दिलेल्या आदेशात विहित पद्धतीने कार्यवाही करुन केलेल्या कार्यवाहीचा अहवाल सदर सण उत्सव समाप्तीनंतर लगेच नांदेड जिल्हाधिकारी कार्यालयास सादर करावा. ही अधिसूचना आदेश 13 जानेवारी 2021 रोजीपासून नांदेड जिल्ह्यात लागू करण्यात आली आहे, असेही अधिसूचनेत नमुद केले आहे.

0000