मनुष्यबळ अभिलेखाचे वाहन प्रणालीमध्ये

डेटा एन्ट्री करण्याचे आवाहन

नांदेड दि. 3 :- जिल्हयातील सर्व वाहन चालक / मालकांनी मनुष्यबळ अभिलेखाचे (Manual Record) वाहन प्रणालीमध्ये डेटा एन्ट्री करण्याकरिता राष्ट्रीय सुचना केंद्र (NIC) यांनी Citizen Self Backlog Module तयार केले आहे.

या प्रणालीत नागरिक स्वत:च्या मनुष्यबळ अभिलेखाची (वाहन संबंधी) माहिती भरु शकणार आहेत. सदर डेटा एन्ट्री केल्यानंतर सर्व कागदपत्रे प्रादेशिक परिवहन कार्यालय नांदेड येथे सादर करावीत. त्यानंतर कार्यालयातील कर्मचारी, अधिकारी यांच्याद्वारे या डेटा एट्रीस कार्यालयीन अभिलेख तपासून Verify व Approve करण्यात येणार आहे. सर्व संबंधितांनी  याची  नोंद घ्यावी व त्यांचा अभिलेख संगणकीय वाहन प्रणालीवर Convert करुन घ्यावा, असे आवाहन प्रादेशिक परिवहन अधिकारी शैलेश कामत यांनी केले आहे.

00000

86 नांदेड विधानसभा उत्तर मतदारसंघात

पथनाट्याद्वारे मतदार जनजागृती

नांदेड,‍दि. 3 - 86 नांदेड उत्तर विधानसभा मतदारसंघ आगामी विधानसभा निवडणुकीत मतदानाची टक्केवारी वाढण्यासाठी स्थापित स्‍वीप कक्षाच्‍या माध्‍यमातून 2 ऑक्टोबर 2019 रोजी शंकरराव चव्हाण प्रेक्षागृह, नांदेड येथील ऑक्सफर्ड द ग्लोबल इंग्लिश मीडियम स्कूल या शाळेतील विद्यार्थ्यांनी मतदार जनजागृती पथनाट्य सादर करण्यात आले.

या पथनाट्याद्वारे विद्यार्थ्यांनी मतदारांना मतदानाचे महत्त्व विशद करून मतदान करण्याचे आवाहन केले. तसेच उपस्थितांनी चांगला प्रतिसाद दिला. यावेळी जिल्हाधिकारी अरुण डोंगरे यांनी मुलांचे कौतूक केले.

या कार्यक्रमास 86 उत्तर विधानसभा तथा उपजिल्हाधिकारी रोहयो सदाशिव पडदूणे, तहसीलदार सं.गा.यो श्रीमती वैशाली पाटील, तहसीलदार तथा सहायक जिल्हा पुरवठा अधिकारी मिटकरी आर. डब्ल्यू., तहसीलदार सामान्‍य प्रसाद कुलकर्णी, नायब तहसीलदार रोहयो सुनील चव्हाण उपस्थित होते.

पथनाट्य सादरीकरण करण्यासाठी ऑक्सफर्ड द ग्लोबल इंग्लिश मीडियम स्कूल येथील श्रीमती खान यांनी परिश्रम घेतले. तसेच स्विप कक्षातील इतर कर्मचारी 86 नांदेड उत्तर विधानसभा मतदारसंघ यांनी सहकार्य केले.

00000

दिव्यांगांना मतदार यादीत नाव नोंदविण्याचे आवाहन

नांदेड दि. 1 :- सर्व दिव्यांग बांधवांना जाहिर आवाहन करण्यात येते की, विधानसभा निवडणूकीच्या संदर्भात,‘‘लोकशाही व निवडणूक प्रक्रियेमध्ये दिव्यांग व्यक्तींचा सहभाग वाढविणे’’ बाबत आपण आपल्या नजीकच्या मतदार केंद्रातील बी.एल.ओ.कडे जाऊन आपले नाव मतदार यादीत आहे किंवा नाही याची खात्री करुन आपले नाव सदर मतदार यादीत दिव्यांग प्रवर्गाच्या नोंदी मार्क/ टिक/ फ्लॅगींग करुन घेऊन भारतीय लोकशाही निवडणूक बळकट करण्याच्या प्रक्रियेमध्ये आपला सहभाग नोंदवून मोठया प्रमाणत मतदान करुन भारताची लोकशाही  बळकट करुन आपला मतदानाचा हक्क बजावावा, असे आवाहन प्रादेशिक उपायुक्त,समाज कल्याण विभाग लातूर यांनी केले आहे.

00000

लोकशाही मजबुतीसाठी

दिव्‍यांग मतदारांचा मतदानातील सहभाग आवश्‍यक

नांदेड दि. 1 :- भारतीय लोकशाही जगातील सर्वात मोठी व प्रबळ लोकशाही आहे. सामान्‍य मतदार लोकशाहीचा आधार असतो म्‍हणुन जेवढे जास्‍त नागरीक मतदान प्रक्रीयेत सहभागी होतात तेवढी ती यशस्‍वी समजली जाते. मतदान प्रक्रीयेत सर्व दिव्‍यांग मतदारांनी सहभागी होण्‍याचे आवाहन निवडणुक निर्णय अधिकारी 87- दक्षिण नांदेड विधानसभा मतदार संघ तथा उपविभागीय अधिकारी लतीफ पठाण यांनी केले आहे.

महाराष्‍ट्र विधानसभा सार्वत्रीक निवडणूक 2019 साठी भारतीय निवडणुक आयोगाने 21 ऑक्‍टोंबर 2019 रोजी होत असलेल्‍या मतदानासाठी दिव्‍यांग मतदारांचा सहभाग वाढविण्‍यासंदर्भात निवडणुक आयोगाने दिव्‍यांग मतदार जनजागृती अभियान हाती घेतले आहे.

आयोगाने या संदर्भात दिव्‍यांग मतदारांसाठी काही विशेष उपक्रम हाती घेतले असून या देशातील वय वर्ष अठरा पुर्ण करणारा प्रत्‍येक नागरीक मतदान प्रक्रीयेत भाग घेवु शकतो. प्रत्‍येकाला मतदानाचा सारखाच अधिकार आहे हा विचार रुजविण्‍यासाठी, आपण इतरांपेक्षा वेगळे नाही ही भावना प्रत्‍येक दिव्‍यांग मतदारांमध्ये वाढली पाहीजे यादृष्‍टीने हा उपक्रम हाती घेतला आहे.

या उपक्रमाचा भाग म्‍हणुन मतदान केंद्रावर विशेष सोई-सुविधा उपलब्‍ध करुन देण्‍यात आलेल्‍या आहेत. स्‍वतंत्र वाहतुक व्‍यवस्‍था, व्‍हील चेअर, रॅम्‍प, मदतनीस, पिण्‍याचे पाणी, ब्रेललिपीतील मतपत्रीका तसेच इतर सुविधा पुरविण्‍यात येणार आहेत.

या उपक्रमासाठी सहा. निवडणुक निर्णय अधिकारी 087- दक्षिण नांदेड विधानसभा मतदार संघ तथा तहसीलदार अरुण ज-हाड, नायब तहसीलदार सौ. उर्मीला कुलकणी, पीडब्‍लुडी कक्षातील प्रा डॅा. अशेाक सिद्धेवाड, प्रा.डॅा.सुग्रीव फड, प्रा.डॅा.महेश पाटील हे परीश्रम घेत आहेत.

00000

सहायक निवडणूक निर्णय अधिकाऱ्यांची नियुक्ती

            नांदेड दि. 1 :- आगामी महाराष्‍ट्र विधानसभा सार्वत्रिक निवडणूक 2019 करीता नांदेड जिल्‍ह्यातील सर्व नऊ विधानसभा मतदारसंघात प्रत्‍येकी तीन प्रमाणे खालील प्रमाणे सहायक निवडणूक निर्णय अधिकारी यांची नियुक्‍ती पुढील प्रमाणे करण्‍यात आली आहे.

सहा. निवडणूक निर्णय अधिाकरी  83-किनवट	श्री. नरेंद्र देशमुख	तहसिलदार  किनवट
सहा. निवडणूक निर्णय अधिाकरी  83-किनवट	श्री. सर्वेश मेश्राम	तहसिलदार माहूर
सहा. निवडणूक निर्णय अधिाकरी  83-किनवट	श्रीमती विद्या कदम	मुख्‍याधिकारी न.प.किनवट
सहा. निवडणूक निर्णय अधिाकरी  84-हदगाव	श्रीमती मृणाल जाधव	तहसिलदार  हदगाव
सहा. निवडणूक निर्णय अधिाकरी  84-हदगाव	श्री. एन.बी. जाधव	तहसिलदार हिमायतनगर
सहा. निवडणूक निर्णय अधिाकरी  84-हदगाव	श्री. अर्जून गव्‍हाणे	मुख्‍याधिकारी न.प. हदगाव
सहा. निवडणूक निर्णय अधिाकरी  85-भोकर	श्री. भरत सुर्यवंशी	तहसिलदार  भोकर
सहा. निवडणूक निर्णय अधिाकरी  85-भोकर	श्री. दिनेश झांपले	तहसिलदार मुदखेड
सहा. निवडणूक निर्णय अधिाकरी  85-भोकर	श्री. सुजीत नरहरे	तहसिलदार अर्धापूर
सहा. निवडणूक निर्णय अधिाकरी  86-नांदेड उत्‍तर	श्री. आर.डब्‍लू. मिटकरी	सहायक जिल्‍हा पुरवठा अधिकारी नांदेड
सहा. निवडणूक निर्णय अधिाकरी  86 - नांदेड उत्‍तर	श्रीमती वैशाली पाटील	तहसिलदार संगायो, जि.अ.का. नांदेड
सहा. निवडणूक निर्णय अधिाकरी  86 - नांदेड उत्‍तर	श्री. प्रसाद कुलकर्णी	तहसिलदार सामान्‍य, जि.अ.का. नांदेड
सहा. निवडणूक निर्णय अधिाकरी  87-नांदेड दक्षिण	श्री. अरुण ज-हाड	तहसिलदार  नांदेड
सहा. निवडणूक निर्णय अधिाकरी  87-नांदेड दक्षिण	श्रीमती गीता रमेश ठाकरे	उप आयुक्‍त(प्रशा.), नांदेड वाघाळा शहर म.न.पा. नांदेड
सहा. निवडणूक निर्णय अधिाकरी  87-नांदेड दक्षिण	श्रीमती सविता खरपे-हटकर	उप आयुक्‍त(विकास), नांदेड वाघाळा शहर म.न.पा. नांदेड
सहा. निवडणूक निर्णय अधिाकरी  88-लोहा	श्री. विठ्ठल परळीकर	तहसिलदार  लोहा
सहा. निवडणूक निर्णय अधिाकरी  88-लोहा	श्री. सखाराम मांडवगडे	तहसिलदार कंधार
सहा. निवडणूक निर्णय अधिाकरी  88-लोहा	श्रीमती सोनाली राठोड	मुख्‍याधिकारी न.प. लोहा
सहा. निवडणूक निर्णय अधिाकरी  89-नायगाव	श्रीमती सुरेखा नांदे	तहसिलदार  नायगाव  (खै)
सहा. निवडणूक निर्णय अधिाकरी  89-नायगाव	श्री. डी.एन. शिंदे	तहसिलदार धर्माबाद
सहा. निवडणूक निर्णय अधिाकरी  89-नायगाव	श्री. एम.एन. बोथीकर	तहसिलदार  उमरी
सहा. निवडणूक निर्णय अधिाकरी  90-देगलूर	श्री. अरविंद बोळंगे	तहसिलदार  देगलूर
सहा. निवडणूक निर्णय अधिाकरी  90-देगलूर	श्री. विक्रम राजपूत	तहसिलदार  बिलोली
सहा. निवडणूक निर्णय अधिाकरी  90-देगलूर	श्री. प्रशांत व्‍हटकर	मुख्‍याधिकारी न.प. बिलोली
सहा. निवडणूक निर्णय अधिाकरी  91-मुखेड	श्री. के.एच. पाटील	तहसिलदार  मुखेड
सहा. निवडणूक निर्णय अधिाकरी  91-मुखेड	श्री. मंगेश देवरे	मुख्‍याधिकारी न.प. मुखेड
सहा. निवडणूक निर्णय अधिाकरी  91-मुखेड	श्री. रामराजे कापरे	मुख्‍याधिकारी न.प. देगलूर

            करीता याबाबत सर्व संबंधितांनी नोंद घ्‍यावी, असे आवाहन  जिल्‍हाधिकारी तथा जिल्‍हा निवडणूक अधिकारी नांदेड यांनी केले आहे.

00000