वृत्त क्रमांक 8

​ भारतरत्न डॉ. बाबासाहेब आंबेडकर स्वाधार योजनेसाठी 

अर्ज करण्यास 28 फेब्रुवारी पर्यत मुदतवाढ 

नांदेड (जिमाका) दि. 4:- अनुसूचित जाती व नवबौध्द घटकातील विद्यार्थी शासकीय प्रवेशास पात्र असुन प्रवेश मिळालेला नाही. अशा विद्यार्थ्यांना मॅट्रीकोत्तर शिक्षण घेता यावे म्हणून भोजन, निवास व इतर शैक्षणिक सुविधा उपलब्ध करून देण्यासाठी आवश्यक रक्कम देण्यात येते. ही रक्कम विद्यार्थ्यांच्या आधार संलग्न बँक खात्यामध्ये थेट वितरीत करण्यासाठी भारतरत्न डॉ.बाबासाहेब आंबेडकर स्वाधार योजना राबविण्यात येत आहे. या योजनेचा लाभ घेण्यासाठी अर्जाचा विहित नमुना http://sjsa.maharashtra.gov.in किंवा http://maharashtra.gov.in संकेतस्थळवर उपलब्ध आहे. पात्र विद्यार्थ्यांनी 28 फेब्रुवारी 2022 रोजी कार्यालयीन वेळेपर्यंत, सहाय्यक आयुक्त, समाजकल्याण, डॉ. बाबासाहेब आंबेडकर सामाजिक न्याय भवन, ग्यानमाता शाळेसमोर, नमस्कार चौक, नांदेड येथे अर्ज सादर करावेत, असे आवाहन समाज कल्याण कार्यालयाचे, सहाय्यक आयुक्त तेजस माळवदकर यांनी केले आहे. 

योजनेच्या अटीं व शर्ती तसेच अर्जासोबत सादर करावयाची कागदपत्रांची यादी संकेतस्थळावर उपलब्ध आहे. नांदेड महानगरपालिका क्षेत्रामध्ये तसेच नांदेड महानगरपालिकेच्या हद्दीपासून 5 कि.मी.परिसरातील महाविद्यालये, शैक्षणिक संस्था या ठिकाणी उच्च शिक्षण घेणाऱ्या विद्यार्थ्यांसाठी अनुज्ञेय रक्कम व खर्चाची बाब पुढीलप्रमाणे आहे.  भोजन भत्ता 28 हजार, निवास भत्ता 15 हजार, निर्वाह भत्ता 8 हजार,  प्रति विद्यार्थी एकुण देय रक्कम 51 हजार. वरील रकमेव्यतिरिक्त वैद्यकीय व अभियांत्रिकी शाखेतील विद्यार्थ्यांसाठी प्रति वर्ष रुपये 5 हजार व अन्य शाखेतील विद्यार्थ्यांना प्रति वर्ष 2 हजार रुपये इतकी रक्कम शैक्षणिक साहित्यासाठी ठोक स्वरुपात देण्यात येईल. वरील एकुण देय रक्कमेतून भारत सरकार शिष्यवृत्ती अंतर्गत दिला जाणारा निर्वाह भत्ता कपात करण्यात येईल. 

विद्यार्थी अनुसूचित जाती व नवबौध्द घटकातील असावा. विद्यार्थी महाराष्ट्राचा रहिवाशी असावा. विद्यार्थी कोणत्याही शासकीय वस्तीगृहात प्रवेशित नसावा. शासकीय वस्तीगृहात प्रवेशासाठी पात्र असलेल्या अभ्यासक्रमास  विद्यार्थ्याने प्रवेश  घेतलेला असावा. विद्यार्थ्यास इयत्ता 10 वी व 12 वी,पदवी,पदविकामध्ये किमान 50 टक्के पेक्षा जास्त गुण असणे अनिवार्य आहे. या योजनेमध्ये दिव्यांग (अनुसूचित जाती व नवबौध्द घटकातील) विद्यार्थ्यांसाठी 3 टक्के आरक्षण असेल व गुणवत्तेची मर्यादा 40 टक्के असेल. विद्यार्थ्याच्या पालकाचे उत्पन्न 2 लाख 50 हजारापेक्षा जास्त नसावे. विद्यार्थ्याने ज्या महाविद्यालयात प्रवेश घेतला आहे तेथील स्थानिक रहिवाशी नसावा. याप्रमाणे निकष आहेत. 

या योजनेचा लाभ घेण्यासाठी नांदेड महानगरपालिका क्षेत्रामध्ये असलेली महाविद्यालये तसेच नांदेड महानगरपालिका हद्दीपासून 5 कि.मी. परिसरात असलेली महाविद्यालयात शिक्षण घेत असलेल्या विद्यार्थ्यांनीच अर्ज करावा. विद्यार्थ्याने ज्या अभ्यासक्रमास प्रवेश घेतला आहे तो अभ्यासक्रम हा दोन वर्षापेक्षा कमी कालावधीचा नसावा.  विद्यार्थ्यांची महाविद्यालयातील उपस्थिती 75 टक्के पेक्षा जास्त असणे बंधनकारक असेल. विद्यार्थ्यांची निवड विद्यार्थ्यांच्या गुणवत्तेच्या आधारावर करण्यात येईल. या योजनेसाठी खास बाब सवलत लागु राहणार नाही. 

विद्यार्थ्याने खोटी माहिती अथवा कागदपत्रे देऊन लाभ घेण्याचा प्रयत्न केल्यास किंवा शैक्षणिक अभ्यासक्रम पूर्ण न केल्यास अथवा नोकरी व व्यवसाय करत असल्यास आणि इतर मार्गाने या योजनेचा लाभ घेऊन गैरवापर केल्याचे  निदर्शनास आल्यास तो कार्यवाहीस पात्र राहील तसेच त्यास दिलेल्या रक्कमेची 12 टक्के व्याजासह वसुली करण्यात येईल. अपुर्ण भरलेले, आवश्यक कागदपत्र सादर न केलेले अर्ज रद्द समजण्यात येतील. अपात्र, त्रुटी असलेल्या विद्यार्थ्यांना वेगळे कळविण्यात येणार नाही यांची नोंद विद्यार्थ्यांनी घ्यावी, असेही समाज कल्याण कार्यालयाने कळविले आहे.

00000

वृत्त क्रमांक 7

 उच्च शिक्षण विभागाच्या शिष्यवृत्ती योजनेसाठी मुदतवाढ 

नांदेड (जिमाका) दि. 4 :- केंद्रशासन  पुरस्कृत  अल्पसंख्याक विद्यार्थ्यासाठी पोष्ट मॅट्रीक शिष्यवृत्ती योजना, महाविद्यालयीन व  विद्यापीठीय विद्यार्थ्यांसाठी सेंट्रल सेक्टर शिष्यवृत्ती योजना, दिव्यांगजन विद्यार्थ्यांसाठी देण्यात येणारी पोस्ट मॅट्रीक शिष्यवृत्ती योजना या तीन योजना ऑनलाईन पध्दतीने सन 2021-22  साठी राबविण्यात येत आहे. या शिष्यवृत्तीसाठी विद्यार्थ्याना 15 जानेवारी 2022 पर्यत अंतिम मुदतवाढ देण्यात आलेली आहे. या शिष्यवृत्तीचे एनएसपी पोर्टलवरील अर्ज महाविद्यालयांनी आवश्यक असलेल्या कागदपत्राची तपासणी करुन अर्जावर विनाविलंब कार्यवाही करावी, असे आवाहन उच्च शिक्षण विभागाचे कनिष्ठ प्रशासन अधिकारी ग. वा. पाटील यांनी केले आहे. 

नांदेड विभागांतर्गत स्वामी रामानंद तिर्थ मराठवाडा विद्यापीठ नांदेड, लातूर, परभणी व हिंगोली या जिल्ह्यातील शासकीय, अशासकीय, कनिष्ठ, वरिष्ठ, कला, वाणिज्य, विज्ञान अनुदानित,विनाअनुदानित, कायम विनाअनुदानित महाविद्यालये, अध्यापक महाविद्यालये तसेच व्यावसायिक महाविद्यालयातील सन 2021-22 या शैक्षणिक वर्षात, एन.एस.पी. पोर्टलद्वारे केंद्रशासन  पुरस्कृत  अल्पसंख्याक विद्यार्थ्यासाठी पोस्ट मॅट्रीक शिष्यवृत्ती योजना, महाविद्यालयीन व विद्यापीठीय विद्यार्थ्यांसाठी सेंट्रल सेक्टर शिष्यवृत्ती योजना, दिव्यांगजन विद्यार्थ्यांसाठी देण्यात येणारी पोस्ट मॅट्रीक शिष्यवृत्ती योजना या तीन योजनांची ऑनलाईन पध्दतीने अंमलबजावणी करण्यात येते.

0000

वृत्त क्रमांक 6

नांदेड जिल्ह्यात 29 व्यक्ती कोरोना बाधित

तर एक कोरोना बाधित झाला बरा 

नांदेड (जिमाका) दि. 4 :- जिल्ह्यात आज प्राप्त झालेल्या 812 अहवालापैकी 29 अहवाल कोरोना बाधित आले आहेत. यात आरटीपीसीआर तपासणीद्वारे 22 तर अँटिजेन तपासणीद्वारे 7 अहवाल बाधित आला आहे. जिल्ह्यात आजवर एकुण बाधितांची संख्या 90 हजार 601 एवढी झाली असून यातील 87 हजार 887 रुग्णांना रुग्णालयातून सुट्टी देण्यात आलेली आहे. आजच्या घडीला 59 रुग्ण उपचार घेत असून 2 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे. 

जिल्ह्यात आतापर्यंत बाधित मृत रुग्णांची संख्या 2 हजार 655 एवढी आहे. आजच्या बाधितांमध्ये आरटीपीसीआर तपासणीद्वारे नांदेड मनपा 18, नांदेड ग्रामीण 1, हिमायतनगर 1, मुखेड 1, मुंबई 1, तर ॲटीजन तपासणीद्वारे नांदेड मनपा 3, मुदखेड 2, लोहा 1, मुंबई 1 असे एकुण 29 बाधित आढळले आहे. आज जिल्ह्यात नांदेड मनपा अंतर्गत गृह विलगीकरणातील एका कोरोना बाधिताला औषधोपचारानंतर सुट्टी देण्यात आली.  आज 59 कोरोनाबाधित रुग्णांवर औषधोपचार सुरु आहेत. यात शासकीय वैद्यकिय महाविद्यालय विष्णुपूरी 6, नांदेड मनपा अंतर्गत गृहविलगीकरण 48, नांदेड जिल्ह्यातील तालुक्यांतर्गत गृह विलगीकरण 1, खाजगी रुग्णालय 4 अशा एकुण 59 व्यक्ती उपचार घेत आहेत.  

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 8 लाख 92

एकुण निगेटिव्ह स्वॅब- 6 लाख 95 हजार 906

एकुण पॉझिटिव्ह बाधित व्यक्ती- 90 हजार 601

एकूण रुग्णालयातून सुट्टी दिलेली संख्या- 87 हजार 887

एकुण मृत्यू संख्या-2 हजार 655

उपचारानंतर बाधित रुग्ण बरे होण्याचे प्रमाण 97 टक्के

आज स्वॅब तपासणी अनिर्णीत संख्या-निरंक

आज स्वॅब नाकारण्यात आलेली संख्या-4

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती-59

आज रोजी अतिगंभीर प्रकृती असलेले-2 

कोविड विषाणू विरुद्धची लस सुरक्षित असून कोरोनाची लाट पुनः येण्यापासून प्रतिबंध करण्यासाठी कोविड-19 लसीकरण दिर्घकाळ आणि प्रभावी उपाय आहे. “मिशन कवच कुंडल” अंतर्गत 18 वर्षावरील सर्व व्यक्तींनी कोविड लसीकरण करून घ्यावे आणि इतरांनाही लस घेण्यासाठी प्रोत्साहित करावे. ज्या नागरिकांनी कोविडच्या पहिल्या लसीचा डोस घेतला आहे त्यांनी ठराविक कालावधी नंतर दुसऱ्या लसीचा डोस आवश्य घ्यावा, असेही आवाहन करण्यात आले आहे.

00000

वृत्त क्रमांक 5

 बचतगटातील महिला जेव्हा शाळेतील सत्काराने भारावून जातात

 

·  पर्यावरण विभागाच्यावतीने पर्यावरण जागृतीसाठी कापडी पिशव्यांचे वाटप  

       

नांदेड (जिमाका) दि. 4 :- पर्यावरणाच्या ऱ्हासाला कारणीभूत असलेल्या प्लास्टिकच्या पिशव्या पासून मुक्ती देण्याच्या उद्देशाने पर्यावरण विभाग महाराष्ट्र शासन आणि महाराष्ट्र प्रदुषण नियंत्रण मंडळ यांच्यावतीने कापडी पिशव्यांची मोहिम मोलाची आहे. या मोहिमेंतर्गत महिलांच्या हाताला काम मिळावे, या उद्देशाने बचतगटांना कापड देवून कापडी पिशव्यांची निर्मिती हा अत्यंत अभिनव उपक्रम असल्याचे प्रतिपादन रोहयोच्या उपजिल्हाधिकारी अनुराधा ढालकरी यांनी केले. कापडी पिशव्यांचा वापर व त्याचे महत्त्व शालेय विद्यार्थ्यांपर्यंत रुजावे, पर्यावरण संतुलनाचा हा विचार घराघरात पोहचावा या उद्देशाने आज नांदेड जिल्ह्यात विष्णुपूरी येथील जिल्हा परिषदेच्या शाळेपासून कापडी पिशवी वाटपाचा शुभारंभ करण्यात आला. यावेळी रोहयोच्या उपजिल्हाधिकारी अनुराधा ढालकरी, जिल्हा माहिती अधिकारी विनोद रापतवार, महाराष्ट्र प्रदुषण मंडळाचे उपप्रादेशिक अधिकारी राजेंद्र पाटील, माविमचे जिल्हा समन्वय अधिकारी चंदनसिंग राठोड, जिल्हा समुपदेशक बालासाहेब कच्छवे, मुख्याध्यापक एन. एस. दिग्रसकर आदी उपस्थित होते.

 

महाराष्ट्र शासनाच्या पर्यावरण विभागाने प्लॉस्टिक बॅगला मुक्ती मिळावी व कापडी पिशव्या वापरण्याची सवय तळागाळापर्यंत पोहचावी या उद्देशाने विशेष मोहिम हाती घेतली. यात माविमच्या अंतर्गत महिला बचतगटांना पिशव्या शिवण्याचे काम देऊन पर्यावरण संतुलनासह रोजगार निर्मितीलाही चालना दिली. नांदेड येथील साबेर महिला बचतगटातील महिलांनी हे काम अत्यंत कुशलतेने करून पिशव्यांची उपलब्धता वेळेच्या आत करून दिली. या अभिनव उपक्रमातील शिलेदार ठरलेल्या साबेर महिला बचत गटातील सुफिया शेख तय्यब अन्सारी यांचा उपजिल्हाधिकारी अनुराधा ढालकरी यांच्या हस्ते प्रातिनिधीक सत्कारही करण्यात आला. सुमारे सात वेगवेगळ्या बचत गटांकडून 30 हजार कापडी पिशव्या शिऊन घेण्यात आल्याची माहिती माविमचे जिल्हा समन्वय अधिकारी चंदनसिंग राठोड यांनी आपल्या प्रास्ताविकात दिली. 

पर्यावरण संतुलनासह अनेक समाज उपयोगी उपक्रमात शालेय विद्यार्थ्यांचे योगदान अत्यंत महत्वाचे असते. विद्यार्थी असूनही शालेय मुले खऱ्या अर्थाने लोकशिक्षकाची भूमिका आपल्या वर्तनातून समाजापर्यंत पोहोचू शकतात. प्लॉस्टिक कॅरीबॅगपासून मुक्ती घेण्यासाठी शालेय विद्यार्थ्यांचा पुढाकार मोठा बदल देऊ शकतो, अशा विश्वास जिल्हा माहिती अधिकारी विनोद रापतवार यांनी व्यक्त केला. आपल्या भवतालाला, परिसराला समजून त्याला पूरक असे आपले वर्तन ठेवणे हे खरे शिक्षण असल्याचे ते म्हणाले. महाराष्ट्र प्रदुषण मंडळाचे उपप्रादेशिक अधिकारी राजेंद्र पाटील, जिल्हा समुपदेशक बालासाहेब कच्छवे यांचेही यावेळी समयोचित भाषण झाले. यावेळी 15 ते 18 वयोगटातील विद्यार्थी व विद्यार्थींनीचे लसीकरण मोहिमेचाही शुभारंभ करण्यात आला.

00000

 प्रादेशिक परिवहन कार्यालयाचे

माहूर, हिमायतनगर येथे शिबिराचे आयोजन

 

·         शिबिराला येतांना कोरोना लस प्रमाणपत्र आवश्यक

 

नांदेड (जिमाका) दि. 3:- प्रादेशिक परिवहन कार्यालयाच्यावतीने 17 जानेवारी रोजी हिमायतनगर तर 19 जानेवारी रोजी माहूर या तालुक्याच्या ठिकाणी पक्के अनुज्ञप्ती चाचणी संबंधी शिबीराचे आयोजन करण्यात येणार आहे.

 

या दिनांकास स्थानिक सुट्टी जाहीर झाल्यास अथवा आपत्कालीक परिस्थिती निर्माण झाल्यास शिबिराच्या तारखेमध्ये बदल होऊ शकतो. या शिबीरासाठी 4 जानेवारी रोजी कार्यालयीन वेळेत अपॉईंटमेंट खुल्या होतील. सर्व अर्जदारांनी उपलब्ध अपॉईंमेंट घेऊन कोरोना लस घेतल्याच्या प्रमाणपत्रासह शिबीरास उपस्थित रहावे, असे आवाहन प्रादेशिक परिवहन अधिकारी नांदेड यांनी केले आहे.

0000

 नांदेड जिल्ह्यात 10 व्यक्ती कोरोना बाधित

तर एक कोरोना बाधित झाला बरा 

नांदेड (जिमाका) दि. 3 :- जिल्ह्यात आज प्राप्त झालेल्या 720 अहवालापैकी 10 अहवाल कोरोना बाधित आले आहेत. यात आरटीपीसीआर तपासणीद्वारे 10 तर अँटिजेन तपासणीद्वारे निरंक अहवाल बाधित आला आहे. जिल्ह्यात आजवर एकुण बाधितांची संख्या 90 हजार 572 एवढी झाली असून यातील 87 हजार 885 रुग्णांना रुग्णालयातून सुट्टी देण्यात आलेली आहे. आजच्या घडीला 32 रुग्ण उपचार घेत असून 2 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे. 

जिल्ह्यात आतापर्यंत बाधित मृत रुग्णांची संख्या 2 हजार 655 एवढी आहे. आजच्या बाधितांमध्ये आरटीपीसीआर तपासणीद्वारे नांदेड मनपा 8, नायगाव तालुक्यातंर्गत 1, ठाणे 1 असे एकुण 10 बाधित आढळले आहे. आज जिल्ह्यात नांदेड मनपा अंतर्गत गृह विलगीकरणातील एका कोरोना बाधिताला औषधोपचारानंतर सुट्टी देण्यात आली.  आज 32 कोरोनाबाधित रुग्णांवर औषधोपचार सुरु आहेत. यात शासकीय वैद्यकिय महाविद्यालय विष्णुपूरी 3, नांदेड मनपा अंतर्गत गृहविलगीकरण 21, नांदेड जिल्ह्यातील तालुक्यांतर्गत गृह विलगीकरण 3, खाजगी रुग्णालय 5 अशा एकुण 32 व्यक्ती उपचार घेत आहेत.  

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 7 लाख 99 हजार 281

एकुण निगेटिव्ह स्वॅब- 6 लाख 95 हजार 128

एकुण पॉझिटिव्ह बाधित व्यक्ती- 90 हजार 572

एकूण रुग्णालयातून सुट्टी दिलेली संख्या- 87 हजार 885

एकुण मृत्यू संख्या-2 हजार 655

उपचारानंतर बाधित रुग्ण बरे होण्याचे प्रमाण 97.3 टक्के

आज स्वॅब तपासणी अनिर्णीत संख्या-निरंक

आज स्वॅब नाकारण्यात आलेली संख्या-5

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती-32

आज रोजी अतिगंभीर प्रकृती असलेले-2

 

कोविड विषाणू विरुद्धची लस सुरक्षित असून कोरोनाची लाट पुनः येण्यापासून प्रतिबंध करण्यासाठी कोविड-19 लसीकरण दिर्घकाळ आणि प्रभावी उपाय आहे. “मिशन कवच कुंडल” अंतर्गत 18 वर्षावरील सर्व व्यक्तींनी कोविड लसीकरण करून घ्यावे आणि इतरांनाही लस घेण्यासाठी प्रोत्साहित करावे. ज्या नागरिकांनी कोविडच्या पहिल्या लसीचा डोस घेतला आहे त्यांनी ठराविक कालावधी नंतर दुसऱ्या लसीचा डोस आवश्य घ्यावा, असेही आवाहन करण्यात आले आहे.

00000

वृत्त क्रमांक 2

 नांदेड जिल्ह्यात 9 व्यक्ती कोरोना बाधित

तर एक कोरोना बाधित झाला बरा 

नांदेड (जिमाका) दि. 2 :- जिल्ह्यात आज प्राप्त झालेल्या 836 अहवालापैकी 9 अहवाल कोरोना बाधित आले आहेत. यात आरटीपीसीआर तपासणीद्वारे 8 तर अँटिजेन तपासणीद्वारे 1 अहवाल बाधित आला आहे. जिल्ह्यात आजवर एकुण बाधितांची संख्या 90 हजार 564 एवढी झाली असून यातील 87 हजार 884 रुग्णांना रुग्णालयातून सुट्टी देण्यात आलेली आहे. आजच्या घडीला 25 रुग्ण उपचार घेत असून 2 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे. 

जिल्ह्यात आतापर्यंत बाधित मृत रुग्णांची संख्या 2 हजार 655 एवढी आहे. आजच्या बाधितांमध्ये आरटीपीसीआर तपासणीद्वारे नांदेड मनपा 4, देगलूर तालुक्यातंर्गत 2, लोहा 1, लातूर 1 ता अँटिजेन तपासणीद्वारे लोहा 1 असे एकुण 9 बाधित आढळले आहे. आज जिल्ह्यात नांदेड मनपा अंतर्गत गृह विलगीकरणातील एका कोरोना बाधिताला औषधोपचारानंतर सुट्टी देण्यात आली.  आज 25 कोरोनाबाधित रुग्णांवर औषधोपचार सुरु आहेत. यात शासकीय वैद्यकिय महाविद्यालय विष्णुपूरी 2, नांदेड मनपा अंतर्गत गृहविलगीकरण 13, नांदेड जिल्ह्यातील तालुक्यांतर्गत गृह विलगीकरण 5, खाजगी रुग्णालय 5 अशा एकुण 25 व्यक्ती उपचार घेत आहेत.  

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 7 लाख 98 हजार 561

एकुण निगेटिव्ह स्वॅब- 6 लाख 94 हजार 423

एकुण पॉझिटिव्ह बाधित व्यक्ती- 90 हजार 564

एकूण रुग्णालयातून सुट्टी दिलेली संख्या- 87 हजार 884

एकुण मृत्यू संख्या-2 हजार 655

उपचारानंतर बाधित रुग्ण बरे होण्याचे प्रमाण 97.4 टक्के

आज स्वॅब तपासणी अनिर्णीत संख्या-निरंक

आज स्वॅब नाकारण्यात आलेली संख्या-06

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती-25

आज रोजी अतिगंभीर प्रकृती असलेले-2 

कोविड विषाणू विरुद्धची लस सुरक्षित असून कोरोनाची लाट पुनः येण्यापासून प्रतिबंध करण्यासाठी कोविड-19 लसीकरण दिर्घकाळ आणि प्रभावी उपाय आहे. “मिशन कवच कुंडल” अंतर्गत 18 वर्षावरील सर्व व्यक्तींनी कोविड लसीकरण करून घ्यावे आणि इतरांनाही लस घेण्यासाठी प्रोत्साहित करावे. ज्या नागरिकांनी कोविडच्या पहिल्या लसीचा डोस घेतला आहे त्यांनी ठराविक कालावधी नंतर दुसऱ्या लसीचा डोस आवश्य घ्यावा, असेही आवाहन करण्यात आले आहे.

00000