नांदेड जिल्ह्यात 643 व्यक्ती कोरोना बाधित 

तर 95 कोरोना बाधित झाले बरे 

नांदेड (जिमाका) दि. 16 :- जिल्ह्यात आज प्राप्त झालेल्या 2 हजार 385 अहवालापैकी 643 अहवाल कोरोना बाधित आले आहेत. यात आरटीपीसीआर तपासणीद्वारे 558 तर अँटिजेन तपासणीद्वारे 85 अहवाल बाधित आले आहेत. जिल्ह्यात आजवर एकुण बाधितांची संख्या 93 हजार 806 एवढी झाली असून यातील 88 हजार 383 रुग्णांना रुग्णालयातून सुट्टी देण्यात आलेली आहे. जिल्ह्यात आजच्या घडीला 2 हजार 768 रुग्ण उपचार घेत असून 2 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे.

 

जिल्ह्यात आतापर्यंत बाधित मृत रुग्णांची संख्या 2 हजार 655 एवढी आहे. आजच्या बाधितांमध्ये आरटीपीसीआर तपासणीद्वारे नांदेड मनपा 325, नांदेड ग्रामीण 35, भोकर 3, देगलूर 9, धर्माबाद 14, हिमायतनगर 3, कंधार 19, किनवट 17, लोहा 15, उमरी 4, मुदखेड 47, मुखेड 18, नायगाव 2, अकोला 4, परभणी 19, लातूर 1, हिंगोली 2, जालना 4, वाशीम 7, बुलढाणा 1, अमरावती 1, तेलंगना 1, औरंगाबाद 2, दिल्ली 1, गोंदिया 1, गडचिरोली 1, यवतमाळ 1, भिवंडी 1 तर ॲटीजन तपासणीद्वारे नांदेड मनपा 39, नांदेड ग्रामीण 2, अर्धापूर 1, भोकर 1, बिलोली 16, देगलूर 2, किनवट 4, मुदखेड 3, मुखेड 9, नायगाव 5, परभणी 1, हिंगोली 1, जालना 1 असे एकुण 643 कोरोना बाधित आढळले आहे. आज जिल्ह्यात शासकीय वैद्यकीय महाविद्यालय विष्णुपुरी 3, नांदेड मनपा अंतर्गत गृह विलगीकरण 86, खाजगी रुग्णालय 5, नांदेड जिल्हा रुग्णालय कोविड हॉस्पिटल मधील एका कोरोना बाधिताला औषधोपचारानंतर सुट्टी देण्यात आली.

 

आज 2 हजार 768 कोरोनाबाधित रुग्णांवर औषधोपचार सुरु आहेत. यात शासकीय वैद्यकिय महाविद्यालय विष्णुपूरी 21, जिल्हा रुग्णालय कोविड हॉस्पिटल 7, नांदेड जिल्ह्यातील तालुक्यांतर्गत गृह विलगीकरण 530, नांदेड मनपा अंतर्गत गृहविलगीकरण 2 हजार 193, खाजगी रुग्णालय 17 अशा एकुण 2 हजार 768 व्यक्ती उपचार घेत आहेत.

 

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 8 लाख 18 हजार 564

एकुण निगेटिव्ह स्वॅब- 7 लाख 10 हजार 573

एकुण पॉझिटिव्ह बाधित व्यक्ती- 93 हजार 806

एकूण रुग्णालयातून सुट्टी दिलेली संख्या- 88 हजार 383

एकुण मृत्यू संख्या-2 हजार 655

उपचारानंतर बाधित रुग्ण बरे होण्याचे प्रमाण 94.21 टक्के

आज स्वॅब तपासणी अनिर्णीत संख्या-9

आज स्वॅब नाकारण्यात आलेली संख्या-87

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती- 2 हजार 768

आज रोजी अतिगंभीर प्रकृती असलेले-2

 

कोविड विषाणू विरुद्धची लस सुरक्षित असून कोरोनाची लाट पुनः येण्यापासून प्रतिबंध करण्यासाठी कोविड-19 लसीकरण दिर्घकाळ आणि प्रभावी उपाय आहे. “मिशन कवच कुंडल” अंतर्गत 18 वर्षावरील सर्व व्यक्तींनी कोविड लसीकरण करून घ्यावे आणि इतरांनाही लस घेण्यासाठी प्रोत्साहित करावे. ज्या नागरिकांनी कोविडच्या पहिल्या लसीचा डोस घेतला आहे त्यांनी ठराविक कालावधी नंतर दुसऱ्या लसीचा डोस आवश्य घ्यावा, असेही आवाहन करण्यात आले आहे.

00000

 दाभड बावरीनगर येथील धम्म परिषदेचे ऑनलाईन आयोजन 

·         कोरोना स्थितीमुळे परिसरात दुकाने / स्टॉल लावण्यास मनाई   

नांदेड (जिमाका) दि. 16 :- पस्तीसाव्या आखील भारतीय बौद्ध धम्म परिषदेचे आयोजन 17 व 18 जानेवारी रोजी अर्धापूर तालुक्यातील दाभड बावरीनगर येथे करण्यात आले आहे. परंतु देशासह राज्यात कोरोना व ओमिक्रॉम विषाणुचा वाढता प्रादुर्भाव लक्षात घेता या धम्म परिषदेचे ऑनलाईन प्रसारण करण्यात येणार आहे. भाविकांनी दाभड बावरीनगर येथे न येता ऑनलाईन दर्शनाचा लाभ घ्यावा. या परिसरात दुकाने व स्टॉल लावण्यास मनाई करण्यात आली आहे. 

जिल्हाधिकारी डॉ. विपीन इटनकर यांच्या आदेशान्वये समुहाला बाहेर पडणे व फिरण्यासाठी सकाळी 5 ते 23 व रात्री 23 ते 5 यावेळेत जमावबंदी लागू करण्यात आली आहे. धार्मिक कार्यक्रमासाठी कमाल मर्यादा 50 व्यक्तींची ठेवण्यात आली आहे. ही धम्म परिषद ऑनलाईन प्रसारीत होणार असून या परिसरात दुकाने व स्टॉल लावण्यास मनाई केल्याची माहिती धम्म परिषदेचे आयोजक डॉ. सी. पी. गायकवाड यांनी प्रसिद्धी पत्रकाद्वारे दिली आहे.  

बावरीनगर दाभड येथील आयोजित ही धम्म परिषद राज्य शासनाने दिलेल्या अटी व शर्तीचे पालन करुन होणार आहे. ही धम्म परिषद ऑनलाईन प्रसारीत केली जाणार आहे. भाविकांनी दाभड बावरीनगर येथे न येता ऑनलाईन दर्शन घ्यावे. या परिसरात कोणीही दुकाने व स्टॉल लावू नयेत. नांदेड पोलीसदल, बावरीनगर दाभड कमिटी व प्रशासनाला सहकार्य करावे, असे आवाहन अर्धापूर तहसिलदार उज्ज्वला पांगरकर व पोलीस निरीक्षक अशोक जाधव यांनी संयुक्तपणे केले आहे.   

000000

 

शेतकऱ्यांनी कृषिमाल आधारित

प्रक्रिया उद्योग योजनेचा लाभ घ्यावा

-         जिल्हाधिकारी डॉ. विपीन इटनकर  

 

नांदेड (जिमाका) दि. 16 :- शेतकऱ्यांनी आपल्या शेतमालावर प्रक्रिया केल्याशिवाय त्यात मूल्याची वृद्धी होणार नाही. हे लक्षात घेता जास्तीत जास्त शेतकऱ्यांनी कृषिमाल आधारित प्रक्रिया उद्योग योजनेचा लाभ घ्यावा, असे आवाहन जिल्हाधिकारी डॉ. विपीन इटनकर यांनी केले. कृषि विभागाच्या नानाजी देशमुख कृषि संजीवनी प्रकल्पांतर्गत भोकर तालुक्यातील भोसी येथील शेतकरी उत्पादक कंपनीच्या हळद, मसाले प्रक्रिया उद्योगास जिल्हाधिकारी डॉ. विपीन इटनकर यांनी नुकतीच भेट देऊन पाहणी केली. यावेळी जिल्हा अधिक्षक कृषि अधिकारी रविशंकर चलवदे, तालुका कृषि अधिकारी विठ्ठल गीते, शेतकरी उत्पादक कंपनीचे सदस्य, शेतकरी उपस्थित होते.

 

भारतीय स्वातंत्र्याच्या अमृत महोत्सवी वर्षात 75 शेतकरी उत्पादक कंपनी स्थापन करण्यात येणार आहे. त्यांना शेतमाल प्रक्रिया उद्योगासाठी नानाजी देशमुख कृषि संजीवनी व प्रधानमंत्री सुक्ष्म अन्न प्रक्रीया उद्योग योजनेतून लाभ देण्याचे निश्चित केले आहे. नानाजी देशमुख कृषि संजीवनी प्रकल्पांतर्गत साधारणत: 1 कोटी रुपयाच्या प्रकल्पासाठी 60 टक्के जास्तीत जास्त 60 लाख रूपयापर्यंतचे अनुदान देय राहणार आहे.

 

राष्ट्रीय कृषि विकास योजनेंतर्गत  बारड येथील  शेतकरी नवनाथ देशमुख यांनी लाभ घेतलेल्या अहिल्यादेवी भाजीपाला रोपवाटिकेची जिल्हाधिकारी डॉ. विपीन इटनकर यांनी पाहणी केली. यावेळी त्यांच्या हस्ते रोपवाटीकेचे उद्घाटन करण्यात आले. या रोपवाटिकेत विविध प्रकारच्या मिरची, वांगी, टोमॅटो, टरबुज, खरबुज आदी फलोत्पादन पिकांची रोपे योग्य दरात उपलब्ध आहेत. भारतीय स्वातंत्र्याच्या अमृत महोत्सवी वर्षात जिल्ह्यात राष्ट्रीय कृषि विकास योजनेतून 75 भाजीपाला रोपवाटीका स्थापन करण्याचा शुभारंभ जिल्हाधिकारी डॉ. विपीन इटनकर यांच्या हस्ते करण्यात आला. एका रोपवाटीकेस 2 लाख 30 हजार अनुदान देण्यात येणार आहे.  बारड येथील शेतकरी बालाजी उपवार यांच्या शेतीस जिल्हाधिकारी डॉ. विपीन इटनकर यांनी भेट देऊन स्ट्रॉबेरी शेतीची पाहणी केली. “विकेल ते पिकेल” या अभियानाअंतर्गत थेट विक्री केंद्रास त्यांनी भेट दिली. यावेळी कृषि विभागाचे अधिकारी-कर्मचारी, परिसरातील शेतकरी आदी उपस्थित होते.

0000

 राष्‍ट्रीय मतदार दिनानिमीत्‍त विविध स्‍पर्धांचे आयोजन

नांदेड (जिमाका) दि. 15 :- जिल्‍हा प्रशासनाकडुन राष्‍ट्रीय मतदार दिनाच्‍या अनुषंगाने आयोजित करण्‍यात आलेल्‍या विविध स्‍पर्धेत जिल्‍हयातील शाळा / महाविद्यालयातील विद्यार्थी, महिला, नागरिकांनी व नवमतदारांनी सहभागी व्‍हावे, असे आवाहन जिल्‍हाधिकारी  तथा जिल्‍हा निवडणूक अधिकारी डॉ. विपीन इटनकर यांनी केले आहे. 

 

दरवर्षी प्रमाणे याही वर्षी जिल्हा प्रशासनाकडून राष्ट्रीय मतदार दिनानिमित्त विविध स्पर्धांचे आयोजन करण्यात आले आहे. कोविड-19 या महामारीच्‍या संदर्भात केंद्र व राज्‍य सरकारकडुन निर्धारीत केलेल्या मार्गदर्शक सूचना लक्षात घेऊन यावर्षीचा राष्‍ट्रीय मतदार दिन जिल्हाधिकारी डॉ. विपीन इटनकर यांच्या मार्गदर्शनाखाली साजरा करण्‍यात येणार आहे.

 

यामध्‍ये इयत्ता नववी ते बारावी व पदवी, पदव्युत्तर वयोगटातील तसेच सर्व खुल्या गटातील विद्यार्थ्यांसाठी / महिला/ नागरिकासाठी लोकशाही आकाशकंदील बनविणे व भित्तीपत्रक तयार करणे इ. स्‍पर्धा घेण्‍यात येणार आहे. या स्पर्धेत भाग घेणारे स्‍पर्धकांनी (विद्यार्थी) आकाशकंदील/ भित्तीपत्रक तयार करून 19 जानेवारी पर्यंत आपले शाळा महाविद्यालयात अथवा तालुक्‍यातील संबंधित तहसिल कार्यालयातील निवडणूक शाखेत 20 जानेवारी पर्यंत जमा करावे. खुल्या गटातील स्पर्धक महिला / नागरिक यांनीही तयार केलेले आकाशकंदील / भित्‍तीपत्रक इ. संबंधित तहसिल कार्यालयातील निवडणूक शाखेत 20 जानेवारी पर्यंत जमा करावे. उक्‍त प्राप्‍त विजेत्‍यामधुन तालुकास्‍तरावर प्रत्‍येक गटातून प्रथम/व्दितीय विजेते निवड करण्‍यात येतील.

 

स्‍पर्धेचे निकष / नियम :

लोकशाही आकाश कंदील

Ø  लोकशाही आकाश कंदीलावर निवडणूक विषयी – मतदानप्रक्रीया ,लोकशाही, मतदार नोंदणी /जागृती इ.  बाबत संदेश/घेाषवाक्‍य / लोगो/चित्र असणे बंधनकारक राहील..

Ø  स्‍पर्धक लोकशाही आकाश कंदील त्‍यांना हवा त्‍या आकाराचा बनवू शकतील, आकाराचे बंधन राहणार नाही.

Ø  यासाठी लागणारे साहित्‍य  – आकाश कंदील तयार करण्‍यासाठी पर्यावरणपूरक साहित्‍याचा वापर केला जावा. डिझायनिंग करण्‍यासाठीचे रंग/रंगीत पेपर/जिलेटिन पेपर/तसेच इतर साहित्‍य स्‍पर्धकांनी स्‍वत: आणून घरी लोकशाही आकाश कंदील तयार करावायाचा आहे.

भित्‍तीपत्रक -

Ø  भित्‍तीपत्रकाचा आकार Regular Drawing Sheet  (Emperor size)  च्‍या आकाराचा असावा.

Ø  भित्‍तीपत्रावर  चित्रे /लिखीत मजकूर लिहीता अथवा चिकटवता येईल./ परंतु निवडणूक विषयी – मतदानप्रक्रीया ,लोकशाही, मतदार जागृती इ.  बाबत संदेश/घेाषवाक्‍य असणे बंधनकारक राहील.

Ø  भित्तीपत्रकावर निवडणूक विषयक – लोकशाही, मतदार नोंदणी व मताधिकार  याबाबतचे लोगो/चित्र ही काढता येईल.

 

तसेच गाणी लोकशाहीची मतदान अधिकाराची ही संकल्पना घेऊन एक नवीन गीतरचना तयार करुन त्याचे जास्तीत जास्त चार मिनिटांचा व्हीडिओ बनवून (संगीत, नृत्य नेपथ्यासह) टेलीग्राम 9284453899 वर दिनांक 23 जानेवारी पर्यंत पाठवायचे आहेत.

00000

ग्रामपंचायत पोटनिवडणूक मतदान,

मतमोजणी केंद्र परिसरात 144 कलम

 

नांदेड (जिमाका) दि. 15 :- जिल्ह्यातील 29 ग्रामपंचायतीमधील रिक्त झालेल्या पदांची पोटनिवडणूक 2021-22 च्या अनुषंगाने मंगळवार 18 जानेवारी रोजी मतदानाच्या दिवशी व बुधवार 19 जानेवारी 2022 रोजी मतमोजणीच्या दिवशी सर्व मतदान केंद्र व मतमोजणी केंद्र परिसरात फौजदारी प्रक्रिया संहिता 1973 चे कलम 144 लागु करण्यात आले आहे.

 

जिल्ह्यातील ग्रामपंचायत पोटनिवडणूकीची संपूर्ण प्रक्रिया शांततेत, निर्भय व न्याय वातावरणात पार पाडण्याच्या दृष्टीकोणातून कायदा व सुव्यवस्था अबाधीत राहण्यासाठी 18 जानेवारी रोजी ज्या ठिकाणी मतदान होणार आहे त्या मतदान केंद्रापासून व 19 जानेवारी 2022 रोजी ज्या ठिकाणी मतमोजणी होणार आहे अशा मतमोजणी केंद्रापासून 200 मीटर परिसरातील सर्व पक्षकारांचे मंडपे, सर्व दुकाने, मोबाईल, कॉडलेस फोन, पेजर, वायरलेस सेट, ध्वनीक्षेपके, सर्व प्रकारचे फेरीवाले व इतर इलेक्ट्रॉनिक उपकरणे, निवडणुकीच्या कामव्यतीथ्रकत खाजगी वाहन, संबंधीत पक्षाचे चिन्हाचे प्रदर्शन व निवडणुकीच्या कामाव्यतिरिक्त व्यक्तीस प्रवेश करण्यासाठी प्रतिबंधीत करण्यात आले आहे. याबाबत जिल्हादंडाधिकारी डॉ. विपीन इटनकर यांनी आदेश निर्गमीत केले आहेत.  

 

हा आदेश नांदेड जिल्ह्यातील ग्रामपंचायती मधील रिक्त झालेल्या पदांच्या पोटनिवडणूक 2021-22 साठी मतदानाच्या दिवशी मतदान केंद्र परिसरात मंगळवार 18 जानेवारी रोजी मतदान केंद्रावर मतदान सुरु झाल्यापासून ते मतदान संपेपर्यंत आणि बुधवार 19 जानेवारी रोजी मतमोजणी केंद्रावर मतमोजणी सुरु झाल्यापासून ते मतमोजणी संपेपर्यंत अंमलात राहील.  

 

नांदेड तालुक्यातील सिद्धनाथ, त्रिकुट. अर्धापूर तालुक्यातील आमराबाद, आमराबाद तांडा, शेलगाव खु. देळुब खु, रोडगी. मुदखेड तालुक्यातील खांबाळा, हिस्सापाथरड. हदगाव तालुक्यातील महाताळा / वरुला, फळी चेंडकापुर, भाटेगाव, माटाळा. हिमायतनगर तालुक्यातील टेंभुर्णी. बिलोली तालुक्यातील तोरणा, रुद्रापुर, गागलेगाव, हिप्परगाथडी. देगलूर तालुक्यातील काठेवाडी, करडखेडवाडी. कंधार तालुक्यातील शिरसी खु. औराळ, रहाटी, मसलगा तर लोहा तालुक्यातील रायवाडी, हिंदोळा/करमाळा, लिंबोटी खरबी या ग्रामपंचायतीचा पोटनिवडणुक कार्यक्रमात समावेश आहे.

00000

 नांदेड जिल्ह्यात 421 व्यक्ती कोरोना बाधित तर 62 कोरोना बाधित झाले बरे

 

नांदेड (जिमाका) दि. 15 :- जिल्ह्यात आज प्राप्त झालेल्या 1 हजार 818 अहवालापैकी 421 अहवाल कोरोना बाधित आले आहेत. यात आरटीपीसीआर तपासणीद्वारे 364 तर अँटिजेन तपासणीद्वारे 57 अहवाल बाधित आले आहेत. जिल्ह्यात आजवर एकुण बाधितांची संख्या 93 हजार 163 एवढी झाली असून यातील 88 हजार 288 रुग्णांना रुग्णालयातून सुट्टी देण्यात आलेली आहे. जिल्ह्यात आजच्या घडीला 2 हजार 220 रुग्ण उपचार घेत असून 3 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे.

 

जिल्ह्यात आतापर्यंत बाधित मृत रुग्णांची संख्या 2 हजार 655 एवढी आहे. आजच्या बाधितांमध्ये आरटीपीसीआर तपासणीद्वारे नांदेड मनपा 290, नांदेड ग्रामीण 17, भोकर 3, देगलूर 5, धर्माबाद 3, हिमायतनगर 1, कंधार 6, किनवट 1, लोहा 7, माहूर 1, मुदखेड 3, मुखेड 3, नायगाव 3, वाशीम 1, परभणी 6, हिंगोली 2, अकोला 1, अमरावती 1, जालना 2, पुणे 1, यवतमाळ 1, गडचिरोली 1, मुंबई 1, हैद्राबाद 1 तर ॲटीजन तपासणीद्वारे नांदेड मनपा 17, नांदेड ग्रामीण 1, अर्धापूर 2, भोकर 1, बिलोली 11, देगलूर 1, धर्माबाद 1, हदगाव 1, किनवट 3, माहूर 1, मुदखेड 4, मुखेड 11, नायगाव 3 असे एकूण 421 कोरोना बाधित आढळले आहे. आज जिल्ह्यात शासकीय वैद्यकीय महाविद्यालय विष्णुपुरी 3, नांदेड मनपा अंतर्गत गृह विलगीकरण 53, खाजगी रुग्णालय 3, नांदेड जिल्ह्यातील तालुक्यातर्गत गृह विलगीकरण 3 कोरोना बाधिताला औषधोपचारानंतर सुट्टी देण्यात आली.

 

आज 2 हजार 220 कोरोनाबाधित रुग्णांवर औषधोपचार सुरु आहेत. यात शासकीय वैद्यकिय महाविद्यालय विष्णुपूरी 18, जिल्हा रुग्णालय कोविड हॉस्पिटल 6, नांदेड जिल्ह्यातील तालुक्यांतर्गत गृह विलगीकरण 477, नांदेड मनपा अंतर्गत गृहविलगीकरण 1 हजार 697, खाजगी रुग्णालय 22 अशा एकुण 2 हजार 220 व्यक्ती उपचार घेत आहेत.

 

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 8 लाख 16 हजार 179

एकुण निगेटिव्ह स्वॅब- 7 लाख 8 हजार 927

एकुण पॉझिटिव्ह बाधित व्यक्ती- 93 हजार 163

एकूण रुग्णालयातून सुट्टी दिलेली संख्या- 88 हजार 288

एकुण मृत्यू संख्या-2 हजार 655

उपचारानंतर बाधित रुग्ण बरे होण्याचे प्रमाण 94.76 टक्के

आज स्वॅब तपासणी अनिर्णीत संख्या-33

आज स्वॅब नाकारण्यात आलेली संख्या-108

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती- 2 हजार 220

आज रोजी अतिगंभीर प्रकृती असलेले-3

 

कोविड विषाणू विरुद्धची लस सुरक्षित असून कोरोनाची लाट पुनः येण्यापासून प्रतिबंध करण्यासाठी कोविड-19 लसीकरण दिर्घकाळ आणि प्रभावी उपाय आहे. “मिशन कवच कुंडल” अंतर्गत 18 वर्षावरील सर्व व्यक्तींनी कोविड लसीकरण करून घ्यावे आणि इतरांनाही लस घेण्यासाठी प्रोत्साहित करावे. ज्या नागरिकांनी कोविडच्या पहिल्या लसीचा डोस घेतला आहे त्यांनी ठराविक कालावधी नंतर दुसऱ्या लसीचा डोस आवश्य घ्यावा, असेही आवाहन करण्यात आले आहे.

00000