भारतीय स्टेट बँक आरसेटी येथे जागतिक योगा दिवस संपन्न 

 

नांदेड (जिमाका) दि. 20 :- भारतीय स्टेट बँक ग्रामीण स्वयं रोजगार प्रशिक्षण संस्था (आरसेटी) तथागतनगर नांदेड येथे 21 जून  रोजी जागतिक योगा दिवस साजरा करण्यात आला.

 

आरसेटीमध्ये आयोजित महिला टेलर प्रशिक्षणाच्या 30 प्रशिक्षणार्थी आणि वुशु संघटना नांदेडचे मुख्य प्रशिक्षक प्रमोद वाघमारे, कौशल्य समन्वयक पंचायत समिती चे अतिष गायकवाड, संचालक आरसेटी राम भलावी, विश्वास हट्टेकर, सहाय्यक रुणीत अभिजित पाथरीकर, सहाय्यक आरसेटी अर्धापुरकर यांची उपस्थिती होती.

 

योगा हा प्रत्येक व्यक्तीच्या जीवनामध्ये उत्तम आरोग्यासाठी अत्यंत गुणकारी आहे. त्यासाठी जन जागृती रॅलीचे आयोजन करण्यात आले होते. योगाचे महत्व आणि जास्तीत जास्त लोकांनी योगाभ्यास कडे वळावे या उद्देशाने अनेक प्रोत्साहनपर संदेश या रॅली मध्ये प्रशिक्षणार्थ्यांच्या माध्यमातून देण्यात आले. मान्यवरांनी मानवी जीवनामध्ये योगाचे महत्व विशद करून योगामध्ये समाविष्ट कृतींचे विश्लेषण करून त्याचे फायदे प्रशिक्षणार्थ्यांना सांगितले. कार्यक्रमाच्या यशस्वीतेसाठी आरसेटी कर्मचारी मारोती कांबळे यांनी परिश्रम घेतले.

0000

 नांदेड जिल्ह्यात तीन व्यक्ती कोरोना बाधित   

नांदेड (जिमाका) दि. 22 :- जिल्ह्यात आज प्राप्त झालेल्या  293 अहवालापैकी आरटीपीसीआर तपासणीद्वारे 3 अहवाल कोरोना बाधित आले आहेत. जिल्ह्यात आजवर एकुण बाधितांची संख्या 1 लाख 2 हजार 831 एवढी झाली असून यातील 1 लाख 128 रुग्णांना उपचारा नंतर बरे झाल्याने रुग्णालयातून सुट्टी देण्यात आली आहे. आजच्या घडीला 11 रुग्ण उपचार घेत आहेत.

 

जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत सहभाग घ्यावा. याचबरोबर मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे.

 

जिल्ह्यात आतापर्यंत बाधित मृत रुग्णांची संख्या 2 हजार 692 एवढी आहे. नांदेड मनपा अंतर्गत गृहविलगीकरणातील एका रुग्णाला उपचारानंतर बरे झाल्याने सुट्टी देण्यात आली. आजच्या बाधितांमध्ये आरटीपीसीआर तपासणीद्वारे नांदेड मनपा 2, यवतमाळ 1 असे एकुण 3 कोरोना बाधित आढळले आहेत. नांदेड जिल्ह्यातील तालुक्याअंतर्गत गृह विलगीकरण 4, नांदेड मनपा अंतर्गत गृहविलगीकरणात 7 असे एकुण 11 व्यक्ती उपचार घेत आहेत.

 

जिल्ह्याची कोरोना संशयित व कोविड बाधितांची संक्षिप्त माहिती.

 

एकुण घेतलेले स्वॅब- 9 लाख 6 हजार 633

एकुण निगेटिव्ह स्वॅब- 7 लाख 86 हजार 497

एकुण पॉझिटिव्ह बाधित व्यक्ती- 1 लाख 2 हजार 831

एकूण रुग्णालयातून सुट्टी दिलेली संख्या- 1 लाख 128

एकुण मृत्यू संख्या-2 हजार 692

उपचारानंतर बाधित रुग्ण बरे होण्याचे प्रमाण 97.37 टक्के

आज स्वॅब तपासणी अनिर्णीत संख्या-निरंक

आज स्वॅब नाकारण्यात आलेली संख्या-निरंक

आज प्रलंबित स्वॅब तपासणी संख्या-निरंक

रुग्णालयात उपचार घेत असलेले बाधित व्यक्ती-11

आज रोजी अतिगंभीर प्रकृती असलेले-निरंक.

 

 कोविड विषाणू विरुद्धची लस सुरक्षित असून कोरोनाची लाट पुनः येण्यापासून प्रतिबंध करण्यासाठी कोविड-19 लसीकरण दिर्घकाळ आणि प्रभावी उपाय आहे. “मिशन कवच कुंडल” अंतर्गत 18 वर्षावरील सर्व व्यक्तींनी कोविड लसीकरण करून घ्यावे आणि इतरांनाही लस घेण्यासाठी प्रोत्साहित करावे. ज्या नागरिकांनी कोविडच्या पहिल्या लसीचा डोस घेतला आहे त्यांनी ठराविक कालावधी नंतर दुसऱ्या लसीचा डोस आवश्य घ्यावा, असेही आवाहन करण्यात आले आहे.

0000

 माजी सैनिकांच्या पाल्यांसाठी वसतीगृह प्रवेश प्रक्रिया सुरु

नांदेड (जिमाका) 22 :-  माजी सैनिक, विधवा व सेवारत सैनिकांच्या पाल्यांसाठी अत्यल्प दरामध्ये सर्व सोयीयुक्त सैनिकी मुलांच्या वसतीगृहामध्ये प्रवेश प्रक्रिया सुरु करण्यात आली  आहे. जिल्हयातील सर्व माजी सैनिक/विधवा यांनी याचा लाभ घ्यावा. अधिक माहितीसाठी वसतीगृह अधिक्षक यांचा भ्रमणध्वनी क्रमांक 8918774880 वर संपर्क साधावा, असे आवाहन जिल्हा सैनिक कल्याण अधिकारी महेश वडदकर यांनी  केले आहे. 

 

सैनिकी मुलांचे वसतिगृह विष्णुपुरी हे जिल्हा सैनिक कार्यालयांतर्गत चालविण्यात येते.  सध्या हे प्रवेश फक्त सैनिक/माजी सैनिकांच्या पाल्यांकरिता उपलब्ध आहेत.  प्रवेशासाठी प्रवेश अर्ज सैनिकी मुलांचे वसतीगृह, विष्णुपुरी, नांदेड येथे विक्रीस उपलब्ध आहेत. संबंधितांनी याची नोंद घ्यावी, असेही आवाहन जिल्हा सैनिक कल्याण कार्यालयाच्यावतीने केले आहे.

0000 

 जिल्ह्यात गत 24 तासात सरासरी 12.8 मि.मी. पाऊस 

नांदेड (जिमाका) दि. 22:- जिल्ह्यात बुधवार 22 जून  रोजी सकाळी  10 वा. संपलेल्या गत 24 तासात सरासरी 12.8 मिलीमीटर पावसाची नोंद झाली असून जिल्ह्यात एकुण 87.5 मिलीमीटर पाऊस झाला आहे. 

जिल्ह्यात बुधवार 22 रोजी सकाळी 10 वा. संपलेल्या गत 24 तासात झालेला पाऊस मिलीमीटरमध्ये तालुकानिहाय पुढील प्रमाणे, कंसात एकूण पाऊस : नांदेड- 37.3 (83.3), बिलोली- 0.6 (58.1), मुखेड- 1.4 (105), कंधार-1.5 (107.7), लोहा-1.2 (69.5), हदगाव-28.3 (74.5), भोकर- 3.7 (69.9), देगलूर-0.3 (128), किनवट- 18.5 (100), मुदखेड- 27.3 (130.7), हिमायतनगर-42.2 (96.3), माहूर- 4.5 (89), धर्माबाद- 7.6 (50.3), उमरी- 19 (100.7), अर्धापूर- 17.8 (64.5), नायगाव- 1.0 (51.4) मिलीमीटर आहे.

0000

 माजी सैनिकांच्या पाल्यांसाठी वसतीगृह प्रवेश प्रक्रिया सुरु

नांदेड (जिमाका) 22 :-  माजी सैनिक, विधवा व सेवारत सैनिकांच्या पाल्यांसाठी अत्यल्प दरामध्ये सर्व सोयीयुक्त सैनिकी मुलांच्या वसतीगृहामध्ये प्रवेश प्रक्रिया सुरु करण्यात आली  आहे. जिल्हयातील सर्व माजी सैनिक/विधवा यांनी याचा लाभ घ्यावा. अधिक माहितीसाठी वसतीगृह अधिक्षक यांचा भ्रमणध्वनी क्रमांक 8918774880 वर संपर्क साधावा, असे आवाहन जिल्हा सैनिक कल्याण अधिकारी महेश वडदकर यांनी  केले आहे. 

 

सैनिकी मुलांचे वसतिगृह विष्णुपुरी हे जिल्हा सैनिक कार्यालयांतर्गत चालविण्यात येते.  सध्या हे प्रवेश फक्त सैनिक/माजी सैनिकांच्या पाल्यांकरिता उपलब्ध आहेत.  प्रवेशासाठी प्रवेश अर्ज सैनिकी मुलांचे वसतीगृह, विष्णुपुरी, नांदेड येथे विक्रीस उपलब्ध आहेत. संबंधितांनी याची नोंद घ्यावी, असेही आवाहन जिल्हा सैनिक कल्याण कार्यालयाच्यावतीने केले आहे.

0000 

 श्री गुरूग्रंथसाहिब भवन येथे

भव्य प्रमाणात आंतरराष्ट्रीय योगा दिवस साजरा  

 

नांदेड (जिमाका) दि. 21 :- निरोगी आयुष्यासाठी योगाची साधना आवश्यक असून हा संदेश सर्व सामान्यापर्यत पोहचावा व नागरिकांनी अधिकाधिक आपल्या निरोगी आरोग्यासाठी योगाकडे वळावे या उद्देशाने आज श्री गुरूग्रंथसाहिब भवन नांदेड येथे आठवा आंतराष्ट्रीय योग दिवस साजरा करण्यात आला. नांदेड जिल्हा प्रशासन, पतंजली योग समिती, विविध संस्था यांच्या सहभागातून भव्य प्रमाणात साजरा झालेल्या या आंतरराष्ट्रीय योग दिनाच्या कार्यक्रमास प्रमुख अतिथी म्हणून खासदार प्रताप पाटील चिखलीकर, जिल्हाधिकारी डॉ. विपीन इटनकर, जिल्हा परिषदेचे मुख्य कार्यकारी अधिकारी वर्षा ठाकुर-घुगे, शिक्षणाधिकारी प्रशांत दिग्रसकर, सौ. सविता बिरगे, गुरुद्वाराचे सहाय्यक अधिक्षक हरजितसिंग कडेवाले, डॉ. हंसराज वैद्य, जिल्हा क्रीडा अधिकारी आर. एस. मारावार, पंतजली योग समितीचे योग प्रसारक अनिल अमृतवार, आदी मान्यवर उपस्थित होते.

 

भारतीय स्वातंत्र्याच्या अमृत महोत्सवी वर्षाचे औचित्य साधून हा योगदिन अधिकाधिक व्यापक करण्यात आला. जिल्हाभर योगाभ्यासाच्या माध्यमातून सुदृढ आरोग्याचा संदेश पोहचावा व सहज करता येण्या योग्य अशा या महत्वपूर्ण आरोग्य साधनेशी लोक जुळावेत या उद्देशाने जिल्हा प्रशासनाच्यावतीने या योग दिवसासाठी भव्य तयारी करण्यात आली होती. पंतजली योग समिती यांनी पुढाकार घेतलेल्या या समारंभास गुरुद्वारा बोर्डने सहकार्य केले. योगअभ्यासक अनिल अमृतवार यांनी उपस्थितांकडून योगाप्रात्याक्षिकाचे धडे दिले. आयुष मंत्रालयाने दिलेल्या शिष्टाचारानुसार योगक्रियेचा समावेश करण्यात आला होता. या समारंभात गुजराथी हायस्कुल, राष्ट्रीय गांधी हिंदी विद्या मंदिर, जिल्हा परिषद मुलींचे हायस्कूल, मनपा प्राथमिक शाळा, खालसा हायस्कूल, सचखंड पब्लिक स्कूल, आंध्रा समिती हायस्कूल या शाळेचे विद्यार्थी, एनसीसी स्काउट गाईडचे विद्यार्थी, विविध क्रीडा संघटनेचे प्रतिनिधी व राज्य आपत्ती प्रतिसाद दलाचे जवान यांनी सहभाग घेतला. कार्यक्रमाचे सूत्रसंचालन महारुद्र माळगे यांनी केले.

0000 

 23 जून रोजी आंतरराष्ट्रीय ऑलिंपिक 

दिनानिमित्त विविध कार्यक्रमाचे आयोजन

 

नांदेड (जिमाका) दि. 21 :-  आंतरराष्ट्रीय ऑलिंपिक समितीची 23 जून 1894 रोजी स्थापना झाली. या दिवसाच्या स्मरणात आंतरराष्ट्रीय ऑलिंपिक दिवस व सप्ताह साजरा केला जातो. खेळाडूंना सर्वोकृष्ट बनविण्यासाठी ऑलिंपिक दिवस साजरा करण्यात येतो. चालू वर्षे हे भारताचे अमृत महोत्सवी वर्षे म्हणुन साजरा करण्यात येत आहे. जिल्हा क्रीडा अधिकारी कार्यालय व नांदेड-वाघाळा शहर महानगरपालिका व ऑलिंपिक असोसिएशन नांदेड यांच्या संयुक्त विद्यमाने जिल्ह्यात आंतरराष्ट्रीय ऑलिंपिक दिन व सप्ताह कार्यक्रम साजरा करण्यात येणार आहे.

 

नांदेड जिल्हयात आंतरराष्ट्रीय ऑलिंपिक दिन व सप्ताह 23 जून ते 28 जून या कालावधीत साजरा करण्यात येणार आहे. या सप्ताहानिमित्त 23 जून रोजी सदृढ भारत ऑलिंपिक दौड, 24 जून रोजी सायकल रॅली, 25 जून  रोजी निबंध स्पर्धा- भारत ऑलिंपिकमध्ये काल, आज आणि उद्या, 26 जून रोजी चित्रकला स्पर्धा- भारतीय पुरातन खेळ व ऑलिंपिक, 27 जून,2022 रोजी विविध खेळांच्या जिल्हास्तर स्पर्धाचे आयोजन, 28 जून 2022 वक्तृत्व स्पर्धा- भारतीय ऑलिम्पीयन भूतकाळ, वर्तमानकाळ व भविष्यकाळ, 29 जून रोजी ऑलिंपिक मशाल रॅली व या उपक्रमात सहभागी झालेल्या खेळाडूंना बक्षिस वितरण, प्रमाणपत्र वितरण, पदक विजेत्या खेळाडूंचा सत्कार व समारोप कार्यक्रमाचे आयोजन करण्यात आले आहे.

 

नांदेड शहरातील शाळा / महाविद्यालयातील प्रत्येकी 50 खेळाडू मुले / मुली, विद्यार्थी शारीरिक शिक्षकासह या कार्यक्रमास उपस्थित राहावे. अधिक माहितीसाठी बालाजी जोगदंड पाटील 9420673394, 7020815826 व श्रीमती शिवकांता देशमुख (राज्य क्रीडा मार्गदर्शक) 9657092794 यांचेशी संपर्क साधावा, असे आवाहन जिल्हा क्रीडा अधिकारी राजेश्वर मारावार यांनी केले आहे.

 00000