दर्पण दिनानिमित्त ‘भवताल, माध्यमे आणि आपण’ विषयावर एमजीएम मध्ये परिसंवाद

नांदेड (जिमाका) दि. 5 :- दर्पणकार आचार्य बाळशास्त्री जांभेकर यांची जयंती व पत्रकार दिनानिमित्त महात्मा गांधी मिशन संचलित पत्रकारीता व माध्यमशास्त्र महाविद्यालय व जिल्हा माहिती कार्यालय नांदेड यांच्या संयुक्त विद्यमाने दि. 6 जानेवारी रोजी सकाळी 10.30 वाजता एमजीएम महाविद्यालय नांदेड येथे ‘भवताल, माध्यमे आणि आपण’ या विषयावर परिसंवादाचे आयोजन करण्यात आले आहे. 

या परिसंवादास प्रमुख अतिथी म्हणून जिल्हाधिकारी डॉ.विपीन इटनकर, जि.प.च्या मुख्य कार्यकारी अधिकारी सौ.वर्षा ठाकुर, जिल्हा पोलीस अधिक्षक प्रमोद शेवाळे, नांदेड जिल्हा माहिती अधिकारी विनोद रापतवार यांची उपस्थिती असणार आहे. ज्येष्ठ पत्रकार कमलाकर जोशी, संपादक शंतनु डोईफोडे, संपादक मुन्तजोबोद्दीन मुनिरोद्दीन, पत्रकार पन्नालाल शर्मा, सौ.राजश्री मिरजकर, भारत होकर्णे, कुवरचंद मंडले हे परिसंवादात मार्गदर्शन करतील. या कार्यक्रमाला पत्रकार बांधवांनी उपस्थित रहावे, असे आवाहन महात्मा गांधी मिशन संचलित पत्रकारीता व माध्यमशास्त्र महाविद्यालयाचे प्राचार्य डॉ.गणेश जोशी यांनी केले आहे.

000

 

59 कोरोना बाधितांची भर तर एकाचा मृत्यू

41 बाधितांना औषधोपचारानंतर सुट्टी

नांदेड (जिमाका) दि. 5 :- मंगळवार 5 जानेवारी 2021 रोजी सायं. 5 वाजेपर्यंतच्या कोरोना अहवालानुसार 59 व्यक्तींचे अहवाल बाधित आले आहेत. यात आरटीपीसीआर तपासणीद्वारे 34 तर ॲटिजेन किट्स तपासणीद्वारे 25 बाधित आले. याचबरोबर उपचार घेत असलेल्या 41 कोरोना बाधित व्यक्तींमध्ये सुधारणा झाल्यामुळे त्यांना रुग्णालयातून सुट्टी देण्यात आली आहे.  

आजच्या 990 अहवालापैकी 920 अहवाल निगेटिव्ह आले. जिल्ह्यात एकुण बाधितांची संख्या आता 21 हजार 657 एवढी झाली असून यातील 20 हजार 535 बाधितांना औषधोपचारानंतर सुट्टी देण्यात आली आहे. एकुण 346 बाधितांवर रुग्णालयात औषधोपचार सुरु असून त्यातील 8 बाधितांची प्रकृती अतीगंभीर स्वरुपाची आहे. मंगळवार 5 जानेवारी 2021 रोजी होळी नांदेड येथील 71 वर्षाच्या एका पुरुषाचा जिल्हा रुग्णालय कोविड हॉस्पिटल नांदेड येथे उपचारा दरम्यान मृत्यू झाला आहे. आजपर्यंत कोविड-19 मुळे जिल्ह्यातील 576 व्यक्तींना आपले प्राण गमवावे लागले आहेत.    

आज बरे झालेल्या बाधितांमध्ये जिल्हा  रुग्णालय कोविड हॉस्पिटल नांदेड 2, मनपा अंतर्गत एनआरआय भवन व गृह विलगीकरण 29, खाजगी रुग्णालय 8, देगलूर कोविड रुग्णालय 1, कंधार तालुक्यांतर्गत 1 असे एकूण 41 बाधित व्यक्तींना औषधोपचारानंतर सुट्टी देण्यात आली आहे. उपचारानंतर बाधित रुग्ण घरी बरे होण्याचे प्रमाण 94.81 टक्के आहे.  

आजच्या बाधितांमध्ये आरटीपीसीआर तपासणीद्वारे नांदेड मनपा क्षेत्रात 23, हदगाव तालुक्यात 1, मुखेड 4, हिंगोली 1, नांदेड ग्रामीण 3, कंधार 1, यवतमाळ 1 असे एकुण 34 बाधित आढळले. तर अँटिजेन तपासणीद्वारे नांदेड मनपा क्षेत्र 16, माहूर तालुक्यात 1, मुखेड 1, मुदखेड 1, भोकर 2, हिंगोली 4 असे एकुण 25 बाधित आढळले.   

जिल्ह्यात 346 बाधितांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी नांदेड येथे 12, जिल्हा रुग्णालय कोविड हॉस्पिटल नांदेड येथे 19, जिल्हा रुग्णालय कोविड हॉस्पिटल नांदेड (नवी इमारत) येथे 21, मुखेड कोविड रुग्णालय 22, महसूल कोविड केअर सेंटर 6, देगलूर कोविड रुग्णालय 22, किनवट कोविड रुग्णालय 1, नांदेड मनपा अंतर्गत गृह विलगीकरण 144, नांदेड जिल्ह्यातील तालुक्यांतर्गत गृह विलगीकरण 54, हैद्राबाद येथे संदर्भीत 3, खाजगी रुग्णालय 42 आहेत.   

मंगळवार 5 जानेवारी 2021 रोजी 5 वा. सद्यस्थित रुग्णालयात उपलब्ध खाटांची संख्या पुढीलप्रमाणे आहे. शासकीय वैद्यकीय महाविद्यालय विष्णुपूरी नांदेड येथे 176, जिल्हा रुग्णालय कोविड हॉस्पिटल येथे 61 एवढी आहे.   

जिल्ह्याची कोरोना संशयित व कोविड बाधितांची संक्षिप्त माहिती

एकुण घेतलेले स्वॅब- 1 लाख 86 हजार 28

एकुण निगेटिव्ह स्वॅब- 1 लाख 60 हजार 275

एकुण पॉझिटिव्ह बाधित व्यक्ती- 21 हजार 657

एकूण रुग्णालयातून सुट्टी दिलेली संख्या- 20 हजार 535

एकुण मृत्यू संख्या-576

उपचारानंतर बाधित रुग्ण घरी बरे होण्याचे प्रमाण 94.81 टक्के

आज स्वॅब तपासणी अनिर्णीत संख्या-06

आज स्वॅब नाकारण्यात आलेली संख्या-03

आज प्रलंबित स्वॅब तपासणी संख्या-395

रुग्णालयात उपचार घेत असलेले बाधित व्यक्ती-346

आज रोजी अतिगंभीर प्रकृती असलेले-08.          

000000

 

योग विद्या धाम नांदेड शाखेच्या दिनदर्शिकेचे

जिल्हाधिकारी डॉ. विपीन इटनकर यांच्या हस्ते विमोचन 

नांदेड (जिमाका) दि. 4 :- भारतीय योग विद्या धाम नांदेड यांच्यावतीने सन 2021 दिनदर्शिकचे विमोचन जिल्हाधिकारी डॉ. विपीन इटनकर यांच्या हस्ते जिल्हाधिकारी कार्यालयात आज करण्यात आले. याप्रसंगी नायब तहसिलदार सुनिल माचेवाड तसेच भारतीय योग विद्याधामचे पदाधिकारी सचिव एम. डी. नल्लावार, अध्यक्ष एन. डी. पोलारकर, उपाध्यक्ष रमेश केंद्र यांची उपस्थिती होती.

 

योगविद्या धाम नांदेड शाखेच्यावतीने कोरोना लॉकडाऊन काळात व्यापक प्रमाणात आरोग्याबाबत जनजागृती व योगप्रसाराला चालना दिली. त्यांनी जनतेच्या मनात निर्माण केलेला विश्वासाचा गौरव जिल्हाधिकारी डॉ. विपीन इटनकर यांनी यावेळी केला.

प्रत्येक वर्षी सेवाभाववृत्तीने दिनदर्शिका प्रकाशीत होत असते. तसेच योग वर्ग दररोज शहरात घेतले जातात. कामगार कल्याण केंद्र नांदेड येथे मुख्य कार्यालय असून याचा नागरिकांनी लाभ घ्यावा, असे आवाहन करण्यात आले आहे.

000000

 

32 कोरोना बाधितांची भर तर

28 बाधितांना औषधोपचारानंतर सुट्टी

नांदेड (जिमाका) दि. 4 :- सोमवार 4 जानेवारी 2021 रोजी सायं. 5 वाजेपर्यंतच्या कोरोना अहवालानुसार 32 व्यक्तींचे अहवाल बाधित आले आहेत. यात आरटीपीसीआर तपासणीद्वारे 25 तर ॲटिजेन किट्स तपासणीद्वारे 7 बाधित आले. याचबरोबर उपचार घेत असलेल्या 28 कोरोना बाधित व्यक्तींमध्ये सुधारणा झाल्यामुळे त्यांना रुग्णालयातून सुट्टी देण्यात आली आहे.  

आजच्या 624 अहवालापैकी 585 अहवाल निगेटिव्ह आले. जिल्ह्यात एकुण बाधितांची संख्या आता 21 हजार 598 एवढी झाली असून यातील 20 हजार 494 बाधितांना औषधोपचारानंतर सुट्टी देण्यात आली आहे. एकुण 328 बाधितांवर रुग्णालयात औषधोपचार सुरु असून त्यातील 12 बाधितांची प्रकृती अतीगंभीर स्वरुपाची आहे. आजपर्यंत कोविड-19 मुळे जिल्ह्यातील 575 व्यक्तींना आपले प्राण गमवावे लागले आहेत.     

आज बरे झालेल्या बाधितांमध्ये शासकीय वैद्यकीय महाविद्यालय विष्णुपुरी 3, मनपा अंतर्गत एनआरआय भवन व गृह विलगीकरण 11, भोकर तालुक्यांतर्गत 1, कंधार तालुक्यांतर्गत 1, देगलूर कोविड रुग्णालय 2, किनवट कोविड रुग्णालय 1, माहूर तालुक्यांतर्गत 4, खाजगी रुग्णालय 5 असे एकूण 28 बाधित व्यक्तींना औषधोपचारानंतर सुट्टी देण्यात आली आहे. उपचारानंतर बाधित रुग्ण घरी बरे होण्याचे प्रमाण 94.88 टक्के आहे.   

आजच्या बाधितांमध्ये आरटीपीसीआर तपासणीद्वारे नांदेड मनपा क्षेत्रात 18, अर्धापूर तालुक्यात 2, माहूर 2, नांदेड ग्रामीण 1, देगलूर 2 असे एकुण 25 बाधित आढळले. तर अँटिजेन तपासणीद्वारे नांदेड मनपा क्षेत्र 1, किनवट तालुक्यात 1, कंधार 1, मुखेड 4 असे एकुण 7 बाधित आढळले.   

जिल्ह्यात 328 बाधितांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी नांदेड येथे 12, जिल्हा रुग्णालय कोविड हॉस्पिटल नांदेड येथे 20, जिल्हा रुग्णालय कोविड हॉस्पिटल नांदेड (नवी इमारत) येथे 15, मुखेड कोविड रुग्णालय 18, हदगाव कोविड रुग्णालय 1, देगलूर कोविड रुग्णालय 18, किनवट कोविड रुग्णालय 1, नांदेड मनपा अंतर्गत गृह विलगीकरण 159, नांदेड जिल्ह्यातील तालुक्यांतर्गत गृह विलगीकरण 46, हैद्राबाद येथे संदर्भीत 3, खाजगी रुग्णालय 35 आहेत.   

सोमवार 4 जानेवारी 2021 रोजी 5 वा. सद्यस्थित रुग्णालयात उपलब्ध खाटांची संख्या पुढीलप्रमाणे आहे. शासकीय वैद्यकीय महाविद्यालय विष्णुपूरी नांदेड येथे 176, जिल्हा रुग्णालय कोविड हॉस्पिटल येथे 67 एवढी आहे.   

जिल्ह्याची कोरोना संशयित व कोविड बाधितांची संक्षिप्त माहिती

एकुण घेतलेले स्वॅब- 1 लाख 85 हजार 106

एकुण निगेटिव्ह स्वॅब- 1 लाख 59 हजार 416

एकुण पॉझिटिव्ह बाधित व्यक्ती- 21 हजार 598

एकूण रुग्णालयातून सुट्टी दिलेली संख्या- 20 हजार 494

एकुण मृत्यू संख्या-575

उपचारानंतर बाधित रुग्ण घरी बरे होण्याचे प्रमाण 94.88 टक्के

आज स्वॅब तपासणी अनिर्णीत संख्या-03

आज स्वॅब नाकारण्यात आलेली संख्या-03

आज प्रलंबित स्वॅब तपासणी संख्या-395

रुग्णालयात उपचार घेत असलेले बाधित व्यक्ती-328

आज रोजी अतिगंभीर प्रकृती असलेले-12.           

000000

 

जिल्हा उद्योग केंद्राच्या

सल्लागार व इतर सभांचे 5 जानेवारीला आयोजन

नांदेड (जिमाका) दि. 4 :- जिल्हा उद्योग केंद्र कार्यालयाच्या विविध सभा यात जिल्हा उद्योग मित्र समिती सभा जिल्हा सल्लागार समिती सभा, स्थानिक लोकांना रोजगारात प्राधान्य जिल्हास्तरीय समिती सभा व आजार उद्योग पुनर्जिवन जिल्हास्तरीय समिती सभा मंगळवार 5 जानेवारी 2020 रोजी जिल्हाधिकारी नांदेड यांच्या अध्यक्षतेखाली हॉटेल मंजु पॅलेस टेस्कोम एमआयडीसी पॅलेस टेस्कोमच्या समोर नांदेड येथे सकाळी 11 वा. आयोजित करण्यात आली आहे. संबंधितांनी या सभांना उपस्थित रहावे, असे आवाहन महाव्यवस्थापक जिल्हा उद्योग केंद्र नांदेड यांनी केले आहे.

000000

 

जिल्हा उद्योग केंद्राच्या

सल्लागार व इतर सभांचे 5 जानेवारीला आयोजन

नांदेड (जिमाका) दि. 4 :- जिल्हा उद्योग केंद्र कार्यालयाच्या विविध सभा यात जिल्हा उद्योग मित्र समिती सभा जिल्हा सल्लागार समिती सभा, स्थानिक लोकांना रोजगारात प्राधान्य जिल्हास्तरीय समिती सभा व आजार उद्योग पुनर्जिवन जिल्हास्तरीय समिती सभा मंगळवार 5 जानेवारी 2020 रोजी जिल्हाधिकारी नांदेड यांच्या अध्यक्षतेखाली हॉटेल मंजु पॅलेस टेस्कोम एमआयडीसी पॅलेस टेस्कोमच्या समोर नांदेड येथे सकाळी 11 वा. आयोजित करण्यात आली आहे. संबंधितांनी या सभांना उपस्थित रहावे, असे आवाहन महाव्यवस्थापक जिल्हा उद्योग केंद्र नांदेड यांनी केले आहे.

000000

क्रांतीज्योती सावित्रीबाईच्या विचारांचा जागर

जिल्हा परिषदेद्वारे सदैव करण्याचा निर्धार

-         जिल्हा परिषदेच्या मुख्य कार्यकारी अधिकारी वर्षा ठाकूर

 

सुट्टी असूनही 100 टक्के महिला अधिकारी-कर्मचाऱ्यांच्या उपस्थितीत

क्रांतीज्योती सावित्रीबाई फुले यांची जयंती साजरी

 

नांदेड (जिमाका) दि. 3 :- महिलांकडे माणुस म्हणून बघण्याची, तिला शिक्षणाचा प्रवाहात आणून सन्माने उभे करण्याची, तिला सन्माने जगण्याच्या हक्काची जाणीव क्रांतीज्योती सावित्रीबाई फुले यांनी करुन दिली. स्वातंत्र्यपूर्व काळात महिलांसाठी असलेल्या बंदिस्त जोखडातून मुक्त करण्याचे काम अत्यंत जिद्दीने सावित्रीबाईंनी केले. हे कार्य करतांना समाजातील ठराविक वर्गाकडून आलेल्या शेणामातीचे गोळेही तिने अंगावर घेतले. महिलांना स्वाभिमानी व शिक्षणाची द्वारे खुली करणाऱ्या क्रांतीज्योती सावित्रीबाई फुले यांची जयंती ही केवळ एक दिवसापूरती साजरी करुन चालणार नाही तर तिने दिलेल्या शिकविणीचे बळ व विचाराचा जागर सदैव करणे गगरजेचे असल्याचे प्रतिपादन जिल्हा परिषदेच्या मुख्य कार्यकारी अधिकारी वर्षा ठाकूर यांनी केले.

 

आज सुट्टीचा दिवस असूनही जिल्हा परिषदेतील सर्व महिला अधिकारी व कर्मचाऱ्यांनी कार्यालयात एकत्र येऊन क्रांतीज्योती सावित्रीबाई फुले यांची जयंती विचारा-विचारांचा जागर करीत वेगळ्या पद्धतीने साजरी केली. जिल्हा परिषदेअंतर्गत नांदेड जिल्ह्यात येणाऱ्या प्रातिनिधीक शाळांतील मुलींना आपल्या भावभावना व सवित्रीबाईंबद्दल कृतज्ञता व्यक्त करता यावी यासाठी यशस्वी वेबनारचे आयोजन करण्यात आले होते. या प्रसंगी मुख्यकार्यकारी अधिकारी वर्षा ठाकूर यांनी ग्रामीण भागातील विद्यार्थिनी व शिक्षकांशी संवाद साधला. 

 

विद्यार्थ्यांसाठी शाळांमध्ये व्याख्यान, चर्चासत्र, भाषण, निबंध लेखन, वक्तृत्व, परिसंवाद, एकांकिका, वेबीनार इत्यादी उपक्रमांचे आयोजन करण्यात आले होते. जिल्ह्यातील महिला शिक्षिका, शिक्षणतज्ज्ञ, प्राचार्य, मुख्याध्यापक, केंद्रप्रमुख, शिक्षण विस्तार अधिकारी, गटशिक्षणाधिकारी, पालक, विद्यार्थी यांनी वेबिनार मध्ये सहभाग घेतला. नांदेड तालुक्यातील जिल्हा परिषद प्राथमिक शाळा काकांडी व माहूर तालुक्यातील जिल्हा परिषद प्राथमिक शाळा वानोळा या शाळेतील मुलींनी सावित्रीबाईंच्या जीवनपटावर आधारीत अतिउत्कृष्ट एकांकीका सादर केल्या. यातून महिलांचा व मुलींचा आत्मविश्वास वाढविण्यासाठी प्रोत्साहन मिळाले.

 

कार्यक्रमास जिल्हा परिषदेचे विभाग प्रमुख, अधिकारी, कर्मचारी, महिला उपस्थित होते. कार्यक्रमाचे प्रस्ताविक शिक्षणाधिकारी प्रशांत दिग्रसकर यांनी केले तर आभार उपमुख्य कार्यकारी अधिकारी डॉ. सुधीर ठोंबरे यांनी मानले.

000000