नामनिर्देशनपत्रासोबत जात पडताळणी समितीकडे
सादर केलेल्‍या अर्जाची पोच पावती, हमीपत्र सादर करण्याची मुभा
नांदेड, दि. 12 :- एप्रिल
ते जून 2020 या कालावधीत मुदत संपणाऱ्या ग्रामपंचायतींच्‍या सार्वत्रिक निवडणूकीसाठी नामनिर्देशनपत्रासोबत जात पडताळणी
समितीकडे सादर केलेल्‍या अर्जाची पोच पावती व हमीपत्र
सादर करण्याची मुभा उमेदवारांना
दिली आहे.
राज्‍य निवडणुक आयोगाने सन 2020 चा महाराष्‍ट्र अधिनियम क्रमांक
4 दि. 11 मार्च 2020 अधिनियमानुसार राज्‍य निवडणुक आयोगाने
जाहीर केलेल्‍या निवडणुक कार्यक्रमानुसार सार्वत्रिक किंवा पोटनिवडणुक कार्यक्रमांसाठी नामनिर्देशनपत्र दाखल करण्‍याचा शेवटचा दिनांक हा 28
फेब्रुवारी 2021 किंवा त्‍यापुर्वी असेल, त्‍याबाबतीत नामनिर्देशनपत्रासोबत वैधता
प्रमाणपत्र देण्‍यासाठी पडताळणी समितीकडे सादर केलेल्‍या अर्जाची सत्‍यप्रत किंवा
पडताळणी समितीकडे अर्ज केला असल्‍याबाबतचा अन्‍य कोणताही पुरावा आणि निवडून आल्‍याच्‍या दिनांकापासुन 12 महिन्‍यांच्‍या आत पडताळणी समितीने
दिलेले वैधता प्रमाणपत्र सादर करील, असे हमीपत्र सादर करण्याची मुभा उमेदवारांना दिली आहे. अशी माहिती उपजिल्हाधिकारी (सामान्य)
जिल्हाधिकारी कार्यालय नांदेड यांनी दिली आहे.
000000
.jpeg)
No comments:
Post a Comment