आदिवासींना अनुदानावर विविध योजना ;

1 जानेवारी पर्यंत अर्ज करण्याची मुदत

नांदेड दि. 14 :- केंद्रवर्ती अर्थसंकल्प 2017-18 न्युक्लिअस बजेट योजनेंतर्गत आदिवासी शेतकरी, युवक, युवती, महिला, सुशिक्षीत बेरोजगार युवकांसाठी 85 ते 100 टक्के अनुदानावर विविध योजनेचा पुरवठा करावयाचा आहे. त्यासाठी व्यवसाय प्राप्त होण्याच्यादृष्टीने  विविध प्रशिक्षण नामांकित व पात्रताधारक संस्थेमार्फत द्यावयाचे आहे. आदिवासी लाभार्थ्यानी प्रकल्प अधिकारी, एकात्मिक आदिवासी विकास प्रकल्प किनवट येथे माहिती सुविधा केंद्रात परिपुर्ण अर्ज 1 जानेवारी 2018 पर्यंत कार्यालयीन वेळेत सादर करावीत, असे आवाहन प्रकल्प अधिकारी तथा सहायक जिल्हाधिकारी अजित कुंभार यांनी केले आहे.  

विहित नमुन्यातील कोरे अर्ज प्रकल्प अधिकारी एकात्मिक आदिवासी विकास प्रकल्प किनवट  येथे माहिती सुविधा केंद्रामध्ये उपलब्ध आहेत. वैयक्तीक योजनेत 85 टक्के अनुदारावर आदिवासी शेतकऱ्यांना तुषार संच, ठिंबक संच, काटेरी तार, आदिवासी महिलांना / युवतीना शिलाई युनिट, शेतकऱ्यांना ताडपत्री, आदिम आदिवासी लाभार्थ्याना 100 टक्के अनुदानावर मंडप साहित्य, आदिवासी लाभार्थ्याचे घरांचे विद्युतीकरण ( 2.5 ईलेक्ट्रीक फिंटीग ), आदिवासी युवतीना शाळा, कॉलेजमध्ये ये-जा करण्यासाठी सायकल पुरवठा, युवक-युवतीना MSCIT संगणक, टंकलेखन, प्लेक्स प्रिंटींग मशिन ऑपरेटर प्रशिक्षण, शासकिय आदिवासी आश्रमशाळेतील विद्यार्थ्यांची कला जोपासण्यासाठी गायन, हॉर्मोनिअयम शास्त्रीय गायन, नृत्य व सुगम संगीत, आदिवासी महिलांना ब्युटी पार्लर अनिवासी प्रशिक्षण देणे, Neet परिक्षा पुर्व प्रशिक्षण, रुग्णसहायक अभ्यासक्रम निवासी प्रशिक्षण, ॲल्युमिनियम कामाचे प्रशिक्षण,  बचत गटाना आचारी साहित्य संच  85 टक्के अनुदानावर, सन 2016-17 आदिवासी भजनी मंडळास 85 टक्के अनुदानावर भजनी साहित्य, आदिवासी महिलाना, युवतींना ब्युटीपार्लर किट पुरवठा 85 टक्के अनुदानावर आदी वैयक्तीक, सामुहिक योजनेचा यात समावेश आहे. यासाठी जातीचे प्रमाणपत्र, रहिवासी प्रमाणपत्र (सरपंच), आधार कार्ड / निवडणूक ओळखपत्र, पासपोर्ट छायाचित्रे आदी कागदपत्रांची आवश्यकता आहे. अधीक माहितीसाठी प्रकल्प अधिकारी, एकात्मिक आदिवासी विकास प्रकल्प, किनवट येथे संपर्क साधावा.

000000