दहावी विद्यार्थ्यांसाठी कलचाचणीचे

25 एप्रिल पासून आयोजन  

नांदेड, दि. 20 :- इयत्ता दहावीच्या विद्यार्थ्यांना कल अहवालाद्वारे अधिकचे मार्गदर्शन हवे असल्यास त्यांच्यासाठी जिल्हा शैक्षणिक सातत्यपूर्ण व्यवसायिक विकास संस्था श्रीनगर नांदेड येथे मार्गदर्शन, समुपदेशन केंद्राची स्थापना करण्यात आली आहे. हे केंद्र मंगळवार 25 एप्रिल ते सोमवार 15 मे 2017 या कालावधीत कार्यान्वित राहील. या केंद्रावर जिल्ह्यातील शिक्षक समुपदेशक विद्यार्थी व पालकांना मार्गदर्शन करण्यात येणार आहे. जिल्ह्यातील सर्व विद्यार्थी व पालकांनी केंद्राचा मोफत लाभ घ्यावा, असे आवाहन नांदेड व्यावसायिक विकास संस्था जिल्हा शैक्षणिक सातत्यपूर्णचे प्राचार्य यांनी केले आहे.

सन 2017 या शैक्षणिक वर्षात इयत्ता दहावीच्या सर्व विद्यार्थ्यांचे फेब्रुवारी 2017 मध्ये कलमापन चाचणी घेण्यात आली आहे. मंगळवार 25 एप्रिल 2017 पासून इयत्ता दहावीच्या विद्यार्थ्यांना त्यांचा कल अहवाल संकेतस्थळावर ऑनलाईन उपलब्ध करुन देण्यात येणार आहे. कल अहवाल स्वयंस्पष्ट असून त्याद्वारे विद्यार्थ्यांना मार्गदर्शन होईल. परंतू ज्या विद्यार्थ्यांना कल अहवालाद्वारे अधिकचे मार्गदर्शन हवे असल्यास त्यांच्यासाठी मार्गदर्शन, समुपदेशन केंद्राची स्थापना करण्यात आली आहे. जिल्हास्तरीय समुपदेशक म्हणून बी. एम. कच्छवे मो. 9371261500, बी. एम. कारखेडे- 9860912898, पी. जी. सोळंके- 9860286857, बी. एच. पाटील-9767722071, एस. एल. बिंगेवार- 9860869919, टी. एम. मुंगरे- 8421293272 हे मार्गदर्शन करतील.

0000000