वृत्त क्र. 460
ई-पीक पाहणी नोंदणी करण्याचे शेतकऱ्यांना आवाहन
नांदेड (जिमाका) दि. 28 :- शासनाच्या विविध योजनाचा लाभ घेण्यासाठी शेतकऱ्यांना ई-पिक पाहणी नोंदणी करणे गरजेचे आहे. यासाठी जिल्ह्यातील सर्व शेतकऱ्यांनी खरीप हंगाम 2023 साठी ई-पिक पाहणी नोंदणी मोबाईल ॲपच्या सहाय्याने करावी, असे आवाहन निवासी उपजिल्हाधिकारी महेश वडदकर यांनी केले आहे.
शेतकऱ्यांना तलाठयाकडे न जाता स्वत:च्या मोबाईलवरुन आपल्या सातबारावर विविध पिकाची नोंदणी करणे शक्य झाले आहे. महसूल विभागाचा ई-पीक पाहणी प्रकल्प 15 ऑगस्ट 2021 पासून राज्यात राबविण्यात येत आहे. या ॲपमध्ये आतापर्यत सुमारे 1 कोटी 88 लाखांपेक्षा अधिक शेतकऱ्यांनी रजिस्ट्रेशन करुन पिकांची नोंदणी केली आहे. खरीप हंगाम 2023 पीक पाहणी नोंदणीसाठी ई-पीक पाहणीचे 2.0.19 हे अपडेटेड व्हर्जन गूगल प्ले स्टोअरवर उपलब्ध आहे. तरी सर्व खातेदार शेतकऱ्यांनी हे नवीन व्हर्जन अपडेट करुन घ्यावे. खरीप हंगामाच्या प्रत्यक्ष ई-पीक पाहणी मोबाईल ॲपद्वारे पीक पाहणी करण्यासाठी 1 जुलै 2023 पासून सुरवात करण्यात आलेली आहे.
0000
No comments:
Post a Comment