विशेष वृत्त क्रमांक 264 

आत्मनिर्भर व स्वावलंबी महिलांनी दिल्या महिला दिनाच्या शुभेच्छा !

शासनाच्या विविध योजनांचा लाभ देऊन कर्तव्यपूर्ती करणाऱ्या महिला   

नांदेड दि. 7  मार्च  :- घर व नोकरी यात ताळमेळ ठेवून महिला आनंदाने आपले कर्तव्य पार पाडतात. दोन्ही आघाडीवर आपले कर्तव्य बजावताना आपल्या कर्तव्यामुळे समाज उपयोगी कामे कशी कशोसीने पार पडतील याची काळजी त्या घेत आहेत. शासनाच्या विविध योजनाची माहिती सामान्य नागरिकांना व्हावी याबाबत त्या घरोघरी जावून आपले कर्तव्य बजावत आहेत. त्यांचे हे कार्य प्रेरणादायी असून अशा काही मोजक्या महिला प्रतिनिधीच्या बोलक्या प्रतिक्रिया महिला दिनाच्या निमित्ताने येथे मांडण्यात आल्या आहेत.  

बिलोली तालुक्यातील प्रा. आरोग्य केंद्र कुंडलवाडी येथे कार्यरत असलेल्या आशा वर्कर शेख समरीन या आयुष्यमान कार्ड तयार करण्याचे काम करतात. आतापर्यंत त्यांनी काढलेल्या आयुष्मान कार्ड पैकी तीन लोकांना या कार्डमुळे लाभ मिळाला आहे. ह्दयरोग, अपेडिक्स शस्त्रक्रीया, अपघात झालेल्या तीन रुग्णांनी याचा लाभ घेतला आहे. यामुळे त्यांनी त्यांच्या कामाप्रती समाधान व्यक्त केले असून महिला दिनानिमित्त त्यांनी इतर महिलांना शुभेच्छा दिल्या आहेत.     

आश्विनी प्रकाश सुर्यवंशी उमरी तालुक्यातील सिंधी प्राथमिक आरोग्यकेंद्रात  त्या आशा कार्यकर्ती म्हणून कार्यरत आहेत. आयुष्यमान भारत योजना ही नागरिकांच्या फायद्याची असून लोकांचे आयुष्यमान वाढवणारी योजना असल्याचे मत त्यांनी व्यक्त केले आहे. त्यांच्या प्राथमिक आरोग्य केंद्राअंतर्गत या योजनेत एका रुग्णांची ह्दयाची शस्त्रक्रिया मोफत करण्यात आल्याची माहिती त्यांनी दिली आहे. तसेच महिलांनी स्वत: शिक्षण घेवून नोकरी व घर सांभाळत आत्मनिर्भर होण्याचे मार्गदर्शन त्यांनी महिला दिनानिमित्त  केले आहे.  

मुदखेड तालुक्याच्या शंखतीर्थ प्राथमिक आरोग्य केंद्राअंतर्गत रोही पिंपळगाव येथील आरोग्य केंद्रात जयश्री मेळगावे या आशा वर्कर म्हणून काम करतात. आभा कार्डसह इतर आरोग्यविषयक कार्ड नागरिकांना मिळवून देण्यासाठी त्या घरोघर भेटी देतात. तसेच कार्ड बनवून देण्याची कार्यवाही करतात. यामुळे लोकांना यांचा आरोग्यविषयक उपचार मोफत मिळून यांच्या कामामुळे अनेक गरजू व गरीब कुटुंबाला याचा लाभ मिळतो. त्यामुळे त्यांच्या कामाबाबत त्यांनी आनंद व्यक्त केला. 

घरकुलाचा 15 हजार रुपयांचा पहिला हप्ता मिळालेला असून यामुळे आमच्या घराचे स्वप्न पूर्ण होणार असल्याची माहिती कामठा बु. येथील महिला लाभार्थी शोभा दुधमल  यांनी दिली. याबाबत त्यांनी आनंद व्यक्त केला. 

सोनी किशन काळे, ता. बिलोली प्रा. आरोग्य केंद्र कुंडलवाडी अंतर्गत सावळी या या आरोग्य केंद्रात कार्यरत आशा वर्कर कार्यरत आहेत. गोल्डन कार्डबाबत नागरिकांना माहिती देवून लोकांना हे कार्ड काढण्याविषयी प्रवृत्त केले. या गावात या योजनेत दोन लोकांनी या योजनेत मोफत उपचार केला असल्याची माहिती त्यांनी दिली.  

दुसरा लाभार्थी किडनी स्टोनचा रुगणांनी लाभ घेतला आहे. गावात घरोघरी जावून आरोग्यविषयक मोफत उपचार व कार्डबाबत माहिती देण्याचे कार्य करीत असल्याचे त्यांनी सांगितले. 

00000