वृत्त क्र. 826

प्रधानमंत्री जनजाती आदिवासी न्याय महा अभियान

 

नांदेड, दि. 10  सप्टेंबर : देशातील आदिवासी समाजाच्या विकासासाठी प्रधानमंत्री जनजाती आदिवासी न्याय महाअभियान योजनेची प्रभावी अंमलबजावणी करण्यात येत आहे. आदिवासी बांधवांनी या योजनेच्या मार्फत आपल्या प्रलंबित सर्व पूर्तता करून घ्याव्यात असे आवाहन प्रशासनाने केले आहे.

 

या योजनेची जागरुकता निर्माण करून पात्र व्यक्ती व त्यांच्या वस्त्यांपर्यंत योजनेचा त्वरित लाभ पोहोचण्यासाठी देशव्यापी जागरुकता मोहिम व लाभार्थी शिबिरे आयोजित करण्यात येत आहेत.  

 

या मोहिमेच्या अभियानाची जनजागृतीमध्ये आदिम जमातीच्या गावांमधील वस्त्यांमध्ये Saturation Camp आयोजित करुन त्यामध्ये आधार कार्ड नाव नोंदणी, आधार कार्ड वितरीत करणे, पीएम-जनधन अंतर्गत बँक खाती उघडणे, सर्व पात्र लाभार्थ्याची आयुष्यमान भारत कार्ड नोंदणी करुन आदिम जमातीच्या कुटुंबांना प्रमाणपत्र वितरित करणे. तसेच सिकलसेल आजार व आरोग्य तपासणी करणे, एफआरए अंतर्गत वनपट्टे वितरीत करण्याबाबत तसेच इतर विविध योजनांतर्गत लाभाबाबत अवगत करणे तसेच शिष्यवृत्ती, मातृत्व लाभ योजना, किसान क्रेडिट कार्ड, किसान सन्मान निधी इत्यादी कागदपत्रे आदिम जमातीच्या लोकांना उपलब्ध करुन द्यावयाचे आहे, असे अपर आयुक्त आदिवासी विकास अमरावती यांनी कळविले आहे.

000